摩門教算唔算被人老屈邪教

我見過天主教徒無話過我哋邪喎，另外摩門教同天主教好多慈善合作㗎喎，即係你講緊天主教接受佢哋視為邪教嘅組織合作？
https://todayscatholic.org/catholic-charities-partners-with-the-church-of-jesus-christ-of-latter-day-saints-to-serve-the-community/

我認係片面了解架，邊度得閒研究透你宗教？
不過問多兩問，發現你既價值觀世界觀同我差咁遠，你個宗教似乎都係唔適合我。

天主教話無神論者都係異端 所以真係無人care

我覺得係譯音令佢變邪教
細個一直以為係
魔門教
=魔教=邪
搞到我好驚d鬼佬

係咪唔准企起到屙尿個教？

唔係掛，呢個我真係無聽過 無神論頂多係不信者，點計到落異端
我反而睇過一篇好詳細解釋異端呢隻字喺天主教到要個人曾經係天主教徒先可以算叫異端。所以新教運動發起人之一嘅Martin Luther係異端，但佢之後出嚟嘅新教唔係異端。但當然唔算係異端都唔代表新教係啱。只係單純未成為過天主教徒所以唔可以用異端呢隻字去形容佢哋

有某啲派系嘅天主教係會話無神論者係異端
如果你話邪教 我覺得以前嘅耶穌會 就真係邪教組織

Same，宣稱係全知全能全善神都唔啱我，我哋都係唔好多溝通算啦。
但最少我知道你呢派唔相信我一定會落地獄，而你知道我呢派相信你會上你所相信嘅天堂就得啦。
友善離場啦我哋

其實教會由極之早期開始一直都叫The Church of Jesus Christ of Latter-day Saints。Mormons摩門教係歷史上有貶義嘅別名嚟，而嚟到中文咁啱同音啫。睇返係咩人拎住呢個譯名嚟大肆宣傳搞到其他人以為同個「魔」有關就心照啦

你睇返歷史 18世紀嘅耶穌會仲慘過啲邪教

全世界嘅宗教都係邪教

作為長期畀人誤解係邪教嘅摩門教徒，我好少會直接定一個組織係邪。除非佢主動做過啲傷天害理嘅嘢，否則我都係會直接接觸佢哋嘅人，了解過先會下結論

都有個有趣故事，我去歐洲傳教前畀過上帝母親傳過教，當時我好感興趣想知佢哋信咩，同佢哋傾咗陣，仲畀埋電話佢哋，但佢哋無再搵我。
喺歐洲又撞到佢哋啲傳教士，我就全套摩門教傳教士裝束去搵佢哋傾計，點知佢哋唔想同我傾，連張宣傳單張都唔肯畀我 喺大家眼中可能就好似異端大戰咁

雖然我唔同意你嘅結論，但欣賞你完全無雙重標準

一夫多妻制其實幾好..

睇Netflix 有套野講摩門教，同韓國果單差唔多喎

韓國果單都唔算係邪教
D 女人真心愛教主
咁一個男人有50個老婆又有咩問題？

個間唔係摩門教嚟，係RLDS，同你喺街見到戴黑牌嘅傳教士係唔同教會嚟

加多幾個事實畀人睇先。

事實係我哋有好完整嘅歷史記錄同證據證明創教人係不斷推掉唔想執行一夫多妻，所有證據都指向佢唔想做呢樣嘢。
事實係創教人同佢第一位老婆Emma生咗11個小朋友，但無同任何一個多妻老婆生仔。（一個想enjoy多妻嘅人喺無避孕嘅年代點做到？）
事實係我哋有好多創教人寫畀佢老婆嘅情信，但無寫過任何一封畀佢啲多妻老婆。

所以咩拎住先知名號去娶多幾個老婆呢個猜想動機根本就同歷史證據唔吻合，當然反摩門教嘅人唔會care呢啲嘢，疑點利益歸被告呢啲基本嘢喺反宗教嘅時候就唔再係基本嘢

撇開宗教唔講，其實一夫多妻真係好嘢嚟 否則都唔會幾乎個個民族都有
但當然我認為喺一個發達完善嘅社會上，就一夫一妻比較好。

解完JS，咁BY呢？
如果JS自己唔支持，佢個承繼者又繼續？
咁好矛盾喎。

如果你咁講 神召會都好邪教Feel 成日要上身

搞清楚JS唔係唔支持個原則，係個人感受上唔接受。正如Emma Smith都多次支持呢個原則，只係個人層面上接受唔到佢嘅老公娶多個。
所以無矛盾存在。
另外可能你接觸其他文化同歷史比較少，所以認定咗羅馬帝國嘅一夫一妻就係唯一接受嘅婚姻制度。但其他明白歷史同其他文化嘅人唔一定話接受到，但最少理解到囉。
我自己接觸唔少人係覺得只要所有人都同意，一夫多妻係完全無問題。
假如一個人了解LDS婚姻觀就會更加無問題。