摩門教算唔算被人老屈邪教

我都有睇同一個source，但一個女人講得出用自己婚姻買死後救贖（which promised by教主），呢個諗法真係⋯⋯我講唔出冇問題。

摩門教嘅一夫多妻係需要第一位妻子同意先可以執行，娶第N位係需要N-1嘅所有妻子同意。既然所有人都同意，有咩要justify？

JS同BY嘅非常態未同頭先解釋過嘅一樣，既然聖經無禁止，法律無禁止，所有參與者都同意，咁問題喺邊？

如果你有睇清楚所有句子，你就會明promised係Helen自己以為，唔係創教人講。創教人都另外寫信解釋清楚。如果咁都要入佢數，我都講唔出咁嘅理解冇問題。

所謂同意，究竟係真心同意定係出於洗腦後對丈夫既病態服從，我抱有極度懷疑既態度。

同樣基督徒向教會作出嘅金錢奉獻係出於真心同意定洗腦？12使徒為耶穌傳教又係真心同意定洗腦？咁樣有咩好拗。

對方只有14歲，分分鐘你講乜，佢信乜，個婚姻女方係基於呢重理解達成/應承既，唔係？

冇野好拗架，不過教奉獻正常d，定教嫁俾老公娶多個老婆正常d，我覺得好基相提並論

如果呢個係你嘅argument，你就應該要challenge埋所有歷史上14歲嘅人做任何決定啦。14歲決志嘅基督徒，14～5歲生耶穌嘅瑪利亞，所有14歲做嘢決定都要challenge。

大把教會係為賺錢

14歲聽完先知講完救贖既promise去結婚，同14歲決志信主都俾你相提並論，勁！

只能講我同你既世界觀真係好唔同。

摩門教有冇教徒係一妻多夫的？

摩門教唔係叫人集體自殺咩

鬼仔傳教啲人易啲落搭見個學生妹好認真聽

Emma Smith是否真心願意JS 多娶？你肯定？
小心，同意=/=願意，同意可以係迫於壓力下

解釋完呢個promise唔係先知講但依然要屈佢，勁！
無視14歲決志生耶穌嘅瑪利亞，勁！
你咩心態入嚟我唔知咩？問你有咩問題你又講唔出，淨係識得單單打打。

事實係聖經無禁止一夫多妻。
事實係當時美國法律無禁止一夫多妻。
事實係創教人無主動提親。
事實係呢段婚姻無完婚（無性行為）。
事實係183x年美國14歲結婚雖然少見，但唔係咩大事。
事實係Helen自己本人同意，所有Helen嘅家長都同意。
事實人類歷史上好多14歲有能力決定到嫁唔嫁。
事實係人類歷史同埋聖經歷史上執行一夫多妻嘅民族同埋時間都係比一夫一妻長，如果要用咩叫「正常」嚟講，一夫一妻先叫唔正常。
事實係Helen已經多次解釋，但你都係繼續要信佢畀人洗腦，但無方法或證據點證明佢係被洗腦。

對歷史了解程度唔同，對其他文化嘅了解程度唔同當然就有唔同世界觀。正如猶太教都唔會睇到你拎住佢哋本舊約解到耶穌係彌賽亞一樣。

如果你要做返你啲單單打打討論我就唔浪費時間，連登咁多人未領教過你嘅理解力同討論方式咩。

無

有d fundamental既價值觀/世界觀其實冇野好拗。
三觀都唔同拗黎做乜，我眼中既問題係你眼中都唔係問題。
你冇需要接受我既世界觀，我亦都冇需要接受你的世界觀。
所以冇需要討論。

Emma Smith嘅歷史好長，我同意佢有部份時間係唔同意。但講真，你鍾意啦，就算佢真心同意你未又可以拎住洗腦嚟拗。
重點係拎住聖經睇，我睇唔到一夫多妻者有咩咁大罪，亞伯拉罕都係多妻者，到死個日都係多妻者，聖經點講佢？
雅各書:2:23 這就應驗經上所說：『亞伯拉罕信神，這就算為他的義。』他又得稱為神的朋友。

No，個個另一個宗教嚟

我同意歷史上一夫多妻唔係咩咁大罪，但娶30-50個老婆，又用上帝的名去正當化呢件事，又用先知既名聲去吸引女性。呢個先知，我冇辦法認同佢係一個真既先知。

多謝福爾摩斯

你似係解釋緊摩門教唔會保送你入大學
但冇解釋到係咪免費 免費指個教會唔會幫你比學費？

天主教話佢哋係邪教

你鍾意啦，對歷史只有片面了解未會得出你呢個結論囉。同樣猶太教嘅人都一樣睇住耶穌死而冇辦法認同佢係真正嘅彌賽亞。

我諗#45已經解釋咗唔會免費。解釋清楚少少，教會大學獎學金相對上易拎同埋多唔同獎學金（唔需要係教徒都拎到呢啲獎學金），如果你係擁有超3爆4嘅成績係可以用獎學金幾乎cover得晒學費。