摩門教算唔算被人老屈邪教

耶穌，神之子？

同班民主撚一樣

我當練習自己思辨同耐性啫
神會用苦難黎磨練人，何況佢呢d連苦難都算唔上
點同唔同宗教既人相處都係一個學問。
問還問，唔好惡言相向，訴諸人身，呢樣我都仲努力緊，有時mean d都有底線既。
人貴自知，有自省能力，呢樣係神俾我地一樣好重要既野。所以係我錯我都會認，唔會成日話番其他人點點點。

如果畀你知道好幾個先知包括現任先知都無做過傳教士會唔會令你明白多啲？ 同埋講真我估你係真絲，邊有人畀壓力女仔去做傳教
有時其實可能你對教會歷史同教義未清楚所以唔識點應對啲教徒嘅「judge」，當然我個人唔太覺得係judge嚟。

又拎個人例子，我算早結婚，但唔算早生小朋友，因為傳教前已經拍緊拖，傳完教就好自然結婚，但生仔唔使錢咩？所以都婚後幾年先生第一個。
咁婚後啲人好自然問你幾時生，生幾多咁，身為LDS嘅你應該明生仔都係教會壓力之一（當然我個人唔多care）。所以有人問我幾時生，我就會答今晚。搞笑的嚟又可以畀到none of your business嘅感覺，之後就無人會再問。

有時你只要大膽啲同理直氣壯就得，真心我都無去教會大學讀書，如果有人問我點解唔轉去，我只會單純答：唔啱我現時生活條件。

最後又講男朋友個到，講真你而家咁嘅情況好難改變，咁如果你有結婚嘅打算，又互相認定終身時，可以考慮結婚去解決呢個問題。老實講，一個女仔唔睇錢願意嫁畀自己，好多男人係會願意respond呢個信任。但again唔肯定啱唔啱你嘅情況，所以參考下only。
教會唔少人同教會外嘅人結婚，喺種種證據下呢個唔係最好選擇（單純唔同信仰=唔同人生觀=相對上難相處終身），但統計機率都係參考用啫，都大把人同唔同信仰嘅人（不斷是否LDS）婚後都有成功快樂嘅家庭。

哲學同數據方面可以參考呢條Jordon Peterson嘅片，雖然佢係講同居，但其中講到responsibility同commitment其實都好有參考價值。呢啲係好嘅原則嚟，我哋教會相信正義嘅原則唔會只限於教會到搵到。

https://youtu.be/J4_d7nENMFM

信條13：……任何有品德、美好、受好評或值得讚揚的事，我們皆追求之

如果叫教徒投票畀某候選人呢樣唔同講法喎 投票係應該基於政綱而唔係信仰 但家陣講緊嘅係人道危機 至於喺強國有教徒呢樣嘢 講真中唔中立都唔會有分別 中共一直都搞鳩緊基督徒㗎啦 除非你諗住好似梵蒂岡咁妥協 由中共任命聖職人員啫 如果唔係淨係做中立撚就會放過你咩

First they came ...

絕對認同，所以話我覺得教會領袖係錯判緊形勢。
正如我所講，先知都可以做錯決定，所以呢個方面我完全無嘢反駁到

都想補補資料
個位教友應該要深入研究一下共濟會由來，成間共濟會都係用早期基督教嘅嘢關連出嚟，包括全視之眼都係聖經到出嚟。
我理解嘅共濟會只係一個兄弟會，共濟會本身無一個特別嘅神去宗拜，你要入共濟會只需要相信有一個higher power就得。我傳教時其中一個朋友嘅爺爺就係喺猶太洲共濟會嘅Master Freemason，佢哋根本就冇咩嘢好做。佢爺爺死個時有成班共濟會人嚟慰問，話會照顧佢屋企，但喪禮後從來都無出現過。
我對個位教友嘅評價就係咁嘅，佢提出嘅質疑全部都係好低層次嘅問題，亦有好多教會喺呢個層次就接受唔到，放棄信仰。但點解會話係低層呢？因為佢嘅問題基本上就係類似啲人質疑進化論時問「如果進化論係真，咁點解而家仲有馬騮？」
共濟會有關嘅可以睇下下面兩條片，第一條簡單講教會同共濟會關係，特別提到恩道門。另一條冇記錯係一個共濟會成員同時又係教友嘅人講有咩嘢係似，有咩唔似。
https://youtu.be/PhjBefSrqnE
https://youtu.be/9IX1wb9bJ5k


我就大概跟返個位前教友對教會嘅控訴作出簡單回覆啦。
1. 恩道門令人是否不安真係好主觀性，有人見到聖餐枱就感得不安，我無能力改變，所以唔評論。我個人因為去聖殿恩道門前已經有研究過好多宗教，包括相傳古時所羅書聖殿嘅「恩道門」做同講乜嘢。整體同現時教會做嘅真係好似，係似到好神奇。你話約瑟係靠估出嚟嘅機會大定真係神啟示嘅機會大？我覺得係後者囉。
另外聖殿使用大量嘅象徵來表達同教導真理，呢條片有詳細解釋。
https://youtu.be/2TLwFmhRjUY
2. 共濟會方面上面講過好多資料，就唔重覆啦。只能講現代共濟會係抄好多古代基督教嘅嘢（嚟自神），而相傳古時共濟會係由所羅門聖殿得到啲「秘密」（都係嚟自神）。所以現代聖殿做啲嘢似共濟會即係間接講緊似古代基督教同埋所羅門聖殿。
3. 亞伯拉罕書，呢個要好詳細先講得清，呢到有片可以講到好多重點。簡單講第1就係現代古埃及學者拎住嘅埃及卷根本就唔係教會宣稱嘅亞伯拉罕書。教會當年係買咗木乃伊、一埋古卷。當中有一卷係叫長卷，約瑟宣稱亞伯拉罕書係喺長卷到。但 芝加哥大火後長卷已經被燒毀，現時任何一個人話古埃及學者翻譯咗亞伯拉罕書嘅話佢一定係講大話，因為最少教會宣稱嘅長卷已經唔存在。
另外啲古埃及圖畫雖然好有趣，佢周圍嘅字的確唔係亞伯拉罕書嘅內容，古埃及人好興圖文不符咁用啲圖，我個人最好嘅猜測就係亞伯拉罕唔識畫畫， 咁咁啱呢啲圖畫可以描述到佢想講嘅嘢，就直接借人哋啲圖畫嚟用。啲圖要配長卷先會有意義。而教會都從來無宣稱過個啲字係亞伯拉罕嘅內容。
https://youtu.be/I11WGlmkyKE
4. 佢話摩爾門經搵唔到任何考古證據，事實上就的係有，不過佢唔知。
https://youtu.be/kGSEBwZMpsA
佢提到印第安人DNA，但摩爾門經從來都冇話過所有嘅印第安人都係以色列血統（ 稻草人謬誤）。
第一次異像有三個版本就因為約瑟係三個唔同嘅時間佢要講返同一件事。 情況就好似如果你接受訪問，將你嘅畢業典禮描述一次，三年後接受另一個人嘅訪問講多一次，十年後後再講第二次。當中細節必要會唔同。
https://youtu.be/RGJ0aFO6nbo
5. 一夫多妻，約瑟的確有40個老婆，而最細嘅的確係14同19歲，但你又知唔知約瑟同佢第一位妻子生咗幾多個小朋友？係9位，其中只有3位長大成年。好啦，183x年世上無避孕嘅情況下，一個有繁殖能力嘅男人如果因為想搞多幾個女人而娶40個老婆，其中最細嘅有14同18歲少女，你估下佢嘅多妻制39個老婆為佢生咗幾多個小朋友？係零。咁我哋就不禁要思考呢個多妻真係為搞女人？真係有搞到？BTW，聖經中嘅亞伯拉罕、雅各、以撒、摩西等等都係多妻者。如果佢哋上到天堂（相信無基督徒會質疑亞伯拉罕上到天堂，因為……
雅各書:2:23 這就應驗經上所說：『亞伯拉罕信神，這就算為他的義。』他又得稱為神的朋友。
加拉太書:3:6 正如『亞伯拉罕信神這就算為他的義。』
加拉太書:3:9 可見那以信為本的人，和有信心的亞伯拉罕一同得福。
路加福音:16:23 他在陰間受痛苦，舉目遠遠的望見亞伯拉罕，又望見拉撒路在他懷裡。
馬太福音:8:11 我又告訴你們，從東從西，將有許多人來，在天國裡與亞伯拉罕，以撒，雅各，一同坐席。），咁多妻者都上到天堂，請問多妻喺神眼中問題喺邊？對不對？

雖然我唔信教 但本身對你哋嘅印象好好 覺得係基督徒當中嘅清泉 2019真係一鋪清袋 如果我係教徒嘅話 真係即刻轉會

可以理解，事實上我都識人咁樣唔再返。

點知啫我又未見過佢

絲打，既然LDS都信同一本聖經，share一段經文俾你，希望你能得安慰。

「凡勞苦擔重擔的人都到我這裏來，我要使你們得安息。 我心裏柔和謙卑，你們當負我的軛，向我學習；這樣，你們的心靈就必得安息。 因為我的軛是容易的，我的擔子是輕省的。」」
‭‭馬太福音‬ ‭11‬:‭28‬-‭30‬ ‭RCUV‬‬

坦白講，基督教世界太大，人太多，好多信徒本身都唔熟經，唔熟經，行唔出耶穌既教導都係理所當然。所以好多人話基督徒乜乜乜，好多壞見證，我都習慣晒。但我個人讀完聖經，感覺聖經已經係一套好整全既教導，跟住行就係真理。

耶穌憎法利塞人，就係開口埋口講律法，但就冇律法背後公義同愛既精神。耶穌既教導係要人在有愛神同愛人既大原則下得自由，食乜飲乜，只要考慮左果兩個大原則，良心過到，根本冇問題。

你句摩門教比舊約好好多已經係攻擊緊猶太教啦

原來你親眼見過班「邪教」教主

耶穌在生既時候邊度有權力？
佢有權力，仲要死係十架上？

佢有d point唔係錯晒既，我都提倡唔食血同勒死的動物，是為左對大公教會耶路撒冷會議的權柄的尊重（參徒15:28-29）。而我都好尊敬為愛神去守律法的猶太人。

但係，以守唔守律法去measure甚或論斷別人是否敬虔，則應該唔係聖經既主張（參羅14:1-6）。

約翰福音叫人守命令，其實係講緊乜野命令呀？我就睇到係「盡心盡性盡意盡力愛神」同「愛憐如己」囉，唔係講緊咩飲茶咖啡呀。

比舊約好好多係講緊摩門教要守嘅誡命數量比舊約時代少 比較緊個數量，唔係優劣

權力唔係絕對嘅 拉登，蕯達姆在生既時候有冇權力？

你咁講，俾人拉咗果班邪教教主全部都冇權力，教宗就有啦

Ok, 咁耶穌權力係邊度見到？
佢係邊度有用權力得到利益？

同班邪教教主，教宗一樣，耶穌嘅權力咪係佢對門徒嘅影響力囉。佢冇權力係nobody 猶太教洗鬼迫害佢咩

佢另一個名叫後期聖徒教會

Ok，當佢有權力（雖然我對權力睇法同你唔一樣），咁我又睇唔到佢用權力影響人做咩傷天害理既野，亦睇唔控到佢點用黎謀求自己實際利益（唔好同我講好名聲都係利益）。你要拎耶穌同果班邪教教主相提並論，係你既自由，我唔會阻止你。

你上一句係話啲誡命係唔合理喎
而且我退一步當你真係講緊數量
都係人地個神(理論上都係你個神) 寫比佢哋
咁你即係話神唔合理啫
再加上人哋猶太人從來都冇覺得誡命係重擔
咁所謂數量上嘅合唔合理又關外人咩事呢？

咁有冇人睇左迪士尼果套記錄片覺得點？

我覺得係控制性好大
同埋我諗好多人都唔認同一夫多妻制度