【圍爐】發覺adhd影響咗我成個人生

有冇醫生推介好痛苦真係

請問有無巴絲食過腦專加？

見keep住有人推post
我都講下自己最近點樣唔食藥都可以減少adhd嘅負面影響

成日唔記得做某啲事
諗到就即刻做咗先
可以用手機嘅提醒app較時間提自己

唔專心
遠離短片同thread呢類不斷比大腦刺激嘅內容
行獎勵機制 做完正經嘢先睇YouTube同打機
做運動係個比大腦訓練專一嘅好方法

多甩漏
好難搞 唯有唔好怕double check
仲有用唔同方法check
唔騷擾人嘅情況下再叫埋人幫手check

正視adhd
最近好多人攞adhd當星座咁 咩都關adhd事
其實好反感 好多生活壞習慣都唔關adhd事
例如講野快 同人出街睇手機 拖延症呢啲
唔好咩都瀨落嚟 自私同放縱先係主因
其實adhd係一個好特別嘅技能嚟
擁抱佢啦



btw最近樓主識到個adhd嚴重過我嘅女朋友
好識體諒對方 唔會要求對方點做點做
有時反而係我guide住佢點樣少啲甩漏
另外大家嘅跳脫係會同步 好神奇
祝大家都搵到個體諒你嘅另一半

最近發現自己可能有成人ADHD 想問下有冇巴打有醫生推介


先sor for 長文1999
事緣以前D工做唔做都係咁既人工, 以為自己天性懶散 迫唔到, 一直唔去糾正自己問題 後來覺得自己咁落去唔係辦法

之後轉左份計contribution既工 發現自己定個目標自己9成遵守唔到, e.g. 一份proposal 應該1日做好 會去左上網玩電話拖到下就先開始趕, 上司叫我send email 又會幾個鐘後先send , 明明做文職 又成日坐唔定(坐一陣就要起身企下/行下 etc.

試過買書睇以為只係自己性格有拖延問題, 跟書教試過寫日記 定目標 , 最後都係不了了之, 問題依然存在

到最近屋企大裝修翻新 發現自己唔好講工作做唔掂(工作可以賴冇興趣), 係連自己屋企裝修既事情都成日唔記得(e.g. 唔記得收新家私 / 約左裝修師傅/收工要去買工具)等等 都係成日唔記得

已經睇左幾個協會做網上短測都話我高機率有, 想問下有冇巴/絲有好既醫生推介, 有想快D處理 冇都想求個安心

我呢年用緊iphone內置個提醒事項
我覺得對唔記得野呢點極大幫助
不過醒起嗰下就即刻要mark 唔好諗住陣間再mark
9成會唔記得

我都試過 衰在連成日會覺得一陣會記得 次次用呢d都會不了了之

試下第一步改咗呢個壞習慣先

了解 多謝爸打 雖然3十幾年壞習慣 希望改到

想求教下各位巴打絲打睇醫生係點
事關近排去到一個點痛苦到覺得自己再唔確診就會仆街
一係就係確診到ADHD，如果無確診到嘅話我諗我都個人癲得

入小學已經有老師同阿媽投訴我坐唔定，心理學家都覺得我有啲問題
但係讀書就靠聰明讀得幾好，阿媽又好反對，覺得我未到要食藥，所以未確診過
依家碌到入U對住啲Assignment就爆得好燃勁，完全係function唔到，坐30分鐘溫書browsing history都唔止30個，上lecture就聽唔入耳
一方面覺得我跟本就係ADHD，啲symptoms勁過確咗診嘅人；一方面又情緒身體都好爆好焦慮，去到一個位我覺得真係要食藥唔係我都要食其他精神病藥物
好驚到Sem尾會爆得好勁

想請教下各位巴打絲打係點確診的，公屋仔窮燃又拿唔岀咁多錢所以拖咗年幾先爆煲
問過Counsellor大學又好似唔想幫人做呢件事咁
Tg: @Itssadbutrue