（AV女優Event遊記）新年流流，今次見咗十個女優。

16/1嘅早上，我去咗新宿搵早餐食，有一間我幾年前食過嘅all day breakfast，叫Sarabeth's ルミネ新宿店，今次決定再去食。

呢一個Egg Benedict係佢地嘅主打菜，不過我成日都搞唔清楚呢舊嘢到底係好似漢堡包咁一啖咬哂咁多層，定係逐層逐層分開咁食



都係唔理咁多食咗先講，一啖咬落去，味道同5年前基本上冇分別咁多年都Keep到水準

因為18:30先至要返去秋葉原玩event，有半日時間可以周圍去行下，首先去咗新宿嘅AV碟鋪行返個大運，但由於呢間鋪頭好少搞event，所以都冇咩連碟嘅特典可以買到。


（順便宣傳一下，小弟嘅秋葉原買AV攻略po，更新咗喺秋葉原以外地區我推薦嘅碟鋪，想過去支持AV業界嘅朋友出發前不妨去望一望
(俾錢正傻仔?) 秋葉原買AV攻略
https://lih.kg/icbzvAX）

呢間鋪擺嘅人型立牌係Moodyz專屬嘅中山ふみか（中山文香），係一個以H Cup做賣點嘅肉感系女優。


（隔離張海報係新有菜嘅MIDV-214，同kiss有關嘅題材嚟）

之後去咗中野行咗一陣，想買嘅嘢上年10月嚟嘅時候已經買咗喺中野Broadway循例每層行咗個圈，最後喺地牢食個雪糕，幫屋企人買少少特產就起行返去秋葉原

今日去嘅event係細細個已經有睇嘅天海つばさ（天海翼）




AV女優出event有時係泳裝，有時係cosplay，有啲女優仲會喺event前一日喺Twitter俾FANS投票著啲咩好，又或者綁咩髮型著cosplay有時又唔代表冇嘢睇，好似天海翼今日呢一件咁，巫女裝再加埋對狐狸耳仔，性感得嚟又相當可愛

因為套衫好靚，於是影完第一輪之後我又去課金影多一輪



（全日最鐘意係呢一張，無論笑容、對波、表情，都充滿女人味）

天海翼已經踏入3字頭，當然唔會好似班𡃁妹咁同你sell青春，但老江湖不愧係老江湖，大家睇佢擺啲pose都明顯同其他女優嘅感覺唔同排喺我前面嘅係一個女FANS，睇見佢同天海翼玩到摟頭摟頸咁，就知佢平時對FANS肯定唔錯，大家嘅相處似朋友多過似偶像同FANS

傾計嘅時候：

「天海翼小姐你好我叫新東寶，喺香港嚟嘅」
「邊度話？香港？多謝你今日嚟」
「頭先睇你同其他FANS玩嗰個樣，天海翼小姐好似一直都keep住呢個好hyper嘅狀態。」
「係吖！玩event就係要開心吖嘛！所以要keep住呢個mode俾自己去enjoy，如果唔係就會好悶」

喺event呢方面係相當有誠意嘅一個女優，佢俾我嘅簽名係咁：



呢一隻有底圖嘅簽名版都係現場獨家先有得賣，平時你喺DONKI只會搵到我上面俾其他女優簽名嗰種純白色，天海翼呢一隻就只可以喺event上面買到，今場event係買夠一定金額嘅物販商品（好似係¥3000）佢就會幫你簽埋名落去非常特別，大家有機會嘅記得唔好錯過。




小弟唔係好識應付姐姐稍微有啲拘謹

然後呢間碟鋪嘅人型立牌就係最近轉片商去咗Moodyz嘅新ありな（新有菜），亦即係以前嘅橋本有菜。



喺呢篇遊記一開始嘅時候我都有提過，其實今次嚟嘅目的最主要就係想見下新有菜亦都係因為佢個event喺大阪，所以我嘅回程機票先至會揀咗喺大阪度走。當日日頭喺中野行緊街嘅時候我心血來潮，忽然之間諗起：

「係喎，如果新有菜放飛機唔嚟，咁我咪內陸機票錢同嗰日全日嘅行程都蝕哂？」

我呢個懷疑並唔係冇原因，以前喺佢仲叫緊橋本有菜呢個名嘅時候，就已經試過幾次event前一日公布話唔舒服，嚟唔到開event要延期嘅情況，而且佢本人間唔中都喺Twitter度話呢度整親嗰度整親，所以有咁嘅擔憂真係唔出奇

點知，就喺我玩完第一輪天海翼event嘅時候，我就喺Twitter上面見到佢經理人出咗個咁嘅通告：


「新有菜原定喺1月21號舉辦嘅DVD年曆即售會，因為本人身體不適嘅關係，需要中止並且改期舉行。」

........我頂你個肺咩買六合彩又唔見我咁準

雖然係咁，但其實我都早有準備21/1我都仲有其他event可以去，唔咁早落大阪，喺秋葉原stay多一日，我可以見到一個我三年冇見嘅女優於是我拿拿淋去預訂佢嘅寫真展入場券。




佢以前叫坂道みる（坂道美琉），而家叫miru，係同我一樣都係好鐘意葵司嘅S1專屬女優。

三年前見佢嘅時候，佢簽名寫俾我嘅說話就係「大家都係鐘意葵司嘅好朋友！」呢三年睇住佢改名重新嚟過，喺S1入面騎爆啲男優，喺台灣搞攝影會，越嚟越多人識，都令我好想再一次見到佢，感受下佢嘅變化。



喺秋葉原街頭捱住只有5度嘅寒冬，知道咗冇得去新有菜嘅event當然難免有啲失望，但塞翁失馬，可以再一次見到miru，又令我對21/1嘅event開始期待起嚟。

最後當晚我選擇喺上野食返一碗又係久違嘅炭燒鰻魚飯，慶祝一下自己嘅運氣仲未見底


（上野阿美橫町呢間鰻魚飯應該好多人都識，都唔駛特別點介紹）

今晚就出住咁多先聽日or聽晚繼續

Rebecca 啲片其實幾正，我覺得幾好J

好撚正 係咪瘋狂同人用日文講野

樓主影真人影到照妖鏡咁

好多女優都唔識聽英文只可以用日文溝通

都冇辦法啦某程度上都係反映咗佢地啲P圖程況越嚟越嚴重

jeng

MIRU正
新有菜個樣進化太多，本身唔錯進化左反而唔得

留名

私底下俾錢有冇得上房

全部都唔識

支持樓主出多d av 女優遊記幾正

樓主好勁

古川穗花真人同相會唔會差得有啲太遠。。。

屌咗幾多個先？