（AV女優Event遊記）新年流流，今次見咗十個女優。

大家好我係成人台嘅新東寶各位兔年快樂

喺啱啱過去嘅1月，小弟又去咗日本一個星期玩AV女優event不過今次成個過程就冇上次咁精彩，搞到返到嚟連想寫篇詳細遊記嘅動力都冇但去完唔記錄返就硬係覺得差咁啲嘢，所以今次呢篇就純粹紀錄返呢個旅行嘅行程同中途一啲有趣小事啦冇上次咁長篇大論同咁資訊性，寫一篇輕鬆少少嘅遊記

同上次一樣，有部份女優event嘅相因為規矩限制問題唔可以隨便貼上網，我會貼返個女優當日喺Twitter po嘅相俾大家參考返，希望大家諒解有一啲相我已經事先問事務所拎咗批准，又或者係照貼都冇問題，大家可以放心閱覽

寫到呢度已經覺得，叫我寫篇短嘅遊記好似仲難過寫篇長篇遊記都係快啲開始好啲


（自從我上次篇遊記出咗街上埋新聞之後，涼森好似喺香港多咗好多人識我可唔可以問佢拎返廣告費）

今次嘅一個星期旅行，主要係想去新ありな(新有菜)喺21/1嘅大阪即售會event13/1嘅夜晚機出發，14-20/1都會喺東京度過，玩下event同埋喺東京四周圍行下，21/1就坐朝早嘅內陸機落去大阪，玩埋新有菜event之後22/1就搭飛機返香港過年

不過正所謂計劃趕不上變化，去到最後又係咪咁理想呢，大家睇落去就知


（新有菜：「好耐冇搞過大阪event喇！好想同大家見面！」）

可能你會問，成個禮拜喺東京日日都有女優event玩？係吖又真係差唔多日日我都有event可以去而且好多都係即售會嚟，去到當日先買飛都得，省卻咗好多要提早買飛嘅煩惱。

下晝5點幾嘅航班直飛東京羽田，今次上機係喺香港國際機場新起嗰幢大樓，行出去個景觀都幾正，又有得望下飛機，但因為啱啱新起，配套上就冇Terminal 1嗰邊咁豐富，想搵間鋪頭行下買包糖食都冇



（喺嗰條接駁天橋影出去嘅景觀）

今次都係我咁耐以嚟，第一次唔係為咗葵司/飛鳥鈴而飛日本嘅旅程，以往出發前我都會拎住佢地隻立牌喺boarding gate前面影相，今次就要換一換人，拎隻新有菜嘅出嚟。


（呢隻係佢轉會去Moodyz之後出嘅立牌，仲有其他女優，上網有得買）

冇咩特別我就上機喇

飛機準時喺日本時間夜晚11點左右到達羽田國際機場，呢一度想同嚟緊準備夜機飛羽田嘅朋友俾啲心理準備，因為喺羽田機場出境係需要極長嘅時間，我望住入境大堂個鐘，我由11:06開始排隊，面前有300-400人等緊過關，但只係開咗8個counter

打咗唔知幾多個蛇餅，同唔同國家嘅人擦身而過，足足排咗差唔多兩個鐘頭先至出到境，火車一早已經收咗工，而往日有嘅機場通宵巴士，又因為疫情關係全部取消哂。


（理論上我係可以搭呢架車返去市區）


（留意紅字，而家全部都係「運休」狀態）

面對呢個情境而徬徨嘅香港人唔止我一個，有唔少都決定搭的士出去市區，好彩嘅就搵到咁啱有其他香港人都係去同一個目的地，大家可以分擔返車費；冇咁好彩嘅就唯有認命，未出發先跌錢，搭幾百蚊的士出市區。

所以呢段時間會搭夜機飛羽田嘅朋友，最好要有過關等好耐，同埋夜晚有機會冇車搭嘅心理準備

喺機場地面的士站，拖住個喼感受住嚟自日本嘅寒風，將條頸巾綁到實一實嘅我又搵唔到同我一齊分擔車費嘅香港人，我亦都唔想一落地就唔見幾百蚊所以我選擇喺機場訓幾個鐘等清晨5點左右嘅頭班火車出市區。

訓火車站大堂？嗯硬係覺得會好嘈同埋有啲危險，一陣訓著咗俾人拖走咗個喼都唔知，於是我就搵咗個冇人有興趣嘅巴士候車室出嚟訓。



入面設備其實都一應俱全，又有飲品機又有兩張可以躺平嘅櫈，閂埋門雖然都仲係有少少寒風吹入嚟，但起碼係一個相對上比較舒服同安靜嘅環境




由於起碼要朝早6點先出到去秋葉原我住嗰間酒店，於是我就用公共電話打過去同酒店交待一聲；第一次打日本電話number，原來要唔好打+81個日本字頭，打個0字做開頭先打得通英日夾雜咁樣溝通咗幾句，對面覆咗我OKOK之後先去訓陣。


（¥10就可以打得，我傾咗兩分鐘都冇叫我再入錢）

俾女吹醒我諗冇男人會介意，俾風吹醒就真係唔係幾想訓下醒下捱過咗呢4個鐘頭，05:15左右就上去搭單軌列車出市區。

今次都係我咁大個仔第一次訓機場，不過最好都係唔好再有下次

今次住一間喺秋葉原附近好普通嘅商務酒店，我對於住嘅訴求同黎生嘅訴求一樣咁簡單，就係一定要有個浴缸浸下，商務酒店大部分都可以滿足到呢個要求，今次平均都係大約$300左右一晚

唯一有少少唔方便就係間酒店喺秋葉原站同御徒町站嘅中間，唔理喺邊一個站落車都要行十分鐘先返到去對於一個啱啱落機又休息唔夠嘅旅客嚟講有啲辛苦

上機前食咗個M記，直到呢一刻都冇食過嘢，拿拿淋同返酒店通宵更個南亞人check in完就出去搵間開24小時嘅餐廳食啲嘢，之後就返酒店房訓一陣。



（今次試下喺日本訂Wifi蛋，因為遲落機，機場counter一早收咗，所以order咗寄去酒店，明明寫住「配達完了」，去到check in嗰時個南亞人又話搵唔到冇收過擾攘一輪之後我唯有照出去食咗嘢先，返嚟佢就同我講搵到）

14/1嘅早上09:30，食完嘢返嚟只係訓咗一個鐘頭左右就要起身出發，因為要出去秋葉原買女優event嘅飛。



要買嘅係18/1嘅宍戸里帆event，係今次旅行少數要提早買飛嘅event，名額只有55個。喺前一晚間鋪頭Twitter就出咗個Tweet，話只係賣剩3張飛，你班咸濕仔好快啲嚟買喇



有時呢啲女優event就係咁搶手，對於外人可能好難想像，但真係有唔少女優FANS會排通宵，搭頭班車，就係為咗可以買到呢啲見女優嘅event飛以前有一個桃乃木嘅event，試過朝早06:06鋪頭就已經出Tweet話賣哂即係6點鐘過嚟排隊嘅人已經到咗個名額數目，可想而知有幾瘋狂。

09:30由酒店出發，行咗大概15分鐘去到鋪頭門口，呢個時候已經企咗三個大叔喺度等開門




我心諗唔係卦又咁唔好彩？成程trip莫非要由落機黑仔到上機返嚟？抱住搏一搏希望前面嗰幾個大叔都唔係同我同一個目標嘅心情，我都加入咗排隊嘅行列。

終於等到10點開門，成條隊嘅人都係上去3樓買AV，由於嗰一層比較細同窄，鋪頭會分批3個3個咁俾人入，亦即係話我要第二輪先入到去，於是喺排隊等入去嗰時我就問店員：

「請問...宍戸里帆個event飛仲剩幾多張？」
「哦剩低2張喳，如果而家入面呢3個人買哂就冇架喇」
「....好啦好啦」

於是一到我有得入去嘅時候，唔理三七二十一我就執咗隻宍戸里帆DVD新作去俾錢，結果俾我買到最後一張飛

去咁多次event，都未試過買到最後一張，又係一個難忘嘅回憶


（適逢到埗前嘅兩個禮拜搞完Prestige嘅大感謝祭，碟鋪都有整返呢啲相應嘅boxset走下死貨，9隻碟連9張即影即有，冇記錯一set都要2萬幾円。第二日我再過嚟諗住睇下仲有冇，結果俾人買哂。）

本來14/1呢一日都有event想去，但因為前一晚睡眠不足同埋唔想咁操勞，再加上秋葉原全日都落住毛毛雨，最後都係決定返酒店休息下，為之後嘅event做準備。

而我呢日最想去嘅係八掛うみ(八掛海)嘅event，可惜喺我出發前幾日就已經賣哂飛




(當日event嘅水著，影到佢下面漲卜卜)

另外仲有二葉エマ（二葉惠麻）同石原希望嘅event，不過興趣唔大，最後都係冇去到。



(石原希望個嘴大到好似可以一次過含幾條撚咁)

休息唔夠就唔好周圍去，於是就喺秋葉原行AV碟鋪，最近Moodyz搞緊個campaign，會喺全國唔同嘅碟鋪擺旗下女優嘅等身大立牌，之前S1都有搞過相同嘅企劃，搞到好多碟鋪而家都至少有兩塊大立牌喺度。

溫馨提示，呢啲立牌係可以俾你影相嘅但鋪頭入面其他地方就唔可以影


（左：S1嘅河北彩花，右：Moodyz嘅九野ひなの）


（另一間鋪頭嘅水著版八木奈々）

買埋聽日去event俾女優嘅禮物，夜晚食咗一餐唔錯嘅燒肉，返到酒店沖個靚涼就訓到不省人事


（行過上野站見到有盒幾啱送俾女仔嘅多啦A夢銅鑼燒，¥1000諗都唔駛諗直接買）


（秋葉原喺JR橋底嘅呢一間燒肉，我每次嚟都會嚟食）

唔想睇廢話直接開始睇女優請㩒呢個置頂

15/1嘅朝早，今日要去3場event，Total見2個女優，第一個係Ideapocket上年簽嘅新人，佢叫古川ほのか（古川穗花）。



睇相感覺斯斯文文，但喺片入面係行小惡魔路線嘅一位00後女優興趣係鐘意睇書俾兩個番號大家參考，IPX-892，小惡魔護士嘅題材； IPX-960，新人OL嘅誘惑題材，兩套我都覺得佢做得唔錯。

22年5月出道，喺成人台AV po呢邊都深受一班巴打嘅歡迎，於是今次就決定搵佢做呢程trip嘅一個好開始

「古川小姐你好，我係香港嚟嘅請多多指教」
「香港！？你好你好...」（今次其實係佢出道之後第二個event，睇得出佢全程都好緊張，個人有啲繃緊）
「Er...買咗少少禮物送俾你...」（拎份禮物出嚟）
「多謝你...由咁遠嚟見我真係好。」
「是咁的其實古川小姐喺香港都有唔少人識，你個樣同外型都係香港男仔鐘意嗰一type，所以好多香港男仔都有留意你」
「真係嘅！？咁....!%@^#$*$($(?」
「......?」（仆街聽唔明）
「....唔緊要啦大家嘅心意溝通到就得」
「嗯嗯係吖係吖」

所以其實實不相瞞，有時我去event都會遇到呢啲十句入面有一兩句我真係聽唔明個女優講咩嘅情況可能你會話隊個翻譯app叫佢打咪得囉，但解釋俾個女優聽「呢個係翻譯app」都唔係一件容易嘅事有時個女優見我隊個電話俾佢，佢都唔知即係點

但有時語言不通都會有一啲難忘嘅回憶，一陣大家就知，而家睇咗相先。

（以下相片已經事務所批准上傳）



（我自己好鐘意呢張，表情同對腳都好正）

支持

之後就除咗件風褸仔影水著





古川喺影相嘅時候都係俾我感覺係相當斯文嘅一個日本女仔，大家睇相都可以feel到佢笑容嗰種緊張同硬，呢啲都係新人女優喺初出道比較常見嘅情況做咗幾年變咗老屎忽就冇哂呢種青澀感。

之後就到合照環節：


（合照影出嚟佢對腳又有啲短，真係角度嘅重要性）


（古川嘅簽名）

關於古川呢個event仲有兩件事可以提一提，首先就係主辦單位Rebecca，佢地係一間專幫女優拍「全裸寫真片」嘅片商，即係唔係AV，冇性愛場面，只係女優著住件三點式喺啲好靚嘅風景度搔首弄姿，最後除到一絲不掛嗰類片。


（Rebecca同古川影嘅宣傳劇照）

雖然聽起嚟好似冇咩好睇，但有時睇AV睇到悶悶地，我都會去搵返呢啲寫真片中和一下，淡淡地比較易入口同埋Rebecca呢一類寫真片定價仲要貴過普通AV，我都唔係好明背後係咩邏輯

當日現場嘅Rebecca Staff做埋MC，幾識搞氣氛，古川斯斯文文都成日俾佢氹到笑，事後Staff出咗個Tweet講返古川呢個event嘅一啲要點，提到有香港FANS嚟嘅時候古川好開心，仲要冇落錯香港國旗睇嚟以後都要多啲支持Rebecca啲碟



然後係古川本人，大家睇上面都見到其實我同古川之間因為語言不通傾唔到好多計，於是呢個新人女優喺event完咗幾日之後，喺自己個blog度，專登用廣東話覆返我。

https://furuhono.blog.jp/archives/20342878.html



（佢喺個blog入面話自己係用翻譯app譯出嚟，佢都唔知啱唔啱）

小弟自問去過咁多次event，聽過睇過咁多篇以前前輩啲遊記，都未見過有一個女優係會主動用返外國人嘅語言嚟回覆，古川仲要係專登去翻譯，相當之有心當晚我見到之後亦都即刻回應佢，應承佢會幫佢喺香港好好宣傳，古川ほのか呢個名將會俾更多香港人知道

所以喺度再一次介紹呢一位相當唔錯嘅新人俾大家，佢叫古川ほのか（古川穗花），希望大家以後會多多留意


（總之將來Ideapocket夠膽唔要你嘅話，我就寄刀片）

之後去見嘅女優，佢個名好易記，叫做流川夕，係Prestige嘅專屬女優。



喺台灣嗰邊好似好多人都覺得佢同林襄好似樣，好似咩？我又真係唔係好覺


（林襄係咁嘅樣架喎）



之前睇相都覺得唔係咁似，今次見完真人就更加覺得同林襄根本唔係好拉得上關係起碼個心口都差好遠


（當日第二場event嘅水著）

傾計嘅時候：

「流川小姐你好有好多人都話你同台灣嗰個林襄好似樣」
「哦！係吖！好多人都咁講，佢好似係台灣嘅棒球打氣團嘅人嚟吖嘛」
「不過今日我見到你真人，都係覺得你靚女啲」
「哈哈哈哈點會呢點會呢」

去到外地個人都大膽啲，俾著我喺香港一定唔敢講啲咁嘅嘢



（流川夕嘅簽名，佢手日文字又寫得幾靚）

支持

點解同一個女優嘅event要分開去兩場，而唔係好似之前咁同一場去兩次呢？係因為有啲女優會一日搞兩場喺唔同鋪頭嘅event，而且兩場會著唔同嘅水著/cosplay，所以以性價比嚟講，如果我知道個女優一日有兩場event，而時間上我又許可嘅話，我多數都會選擇兩場各去一次，可以影多一套衫



另外當日我喺兩場流川夕event中間個空檔時間，去咗睇鷲尾めい（鷲尾芽衣）嘅寫真展 但因為搵錯地址去到現場嘅時候合照劵已經賣哂，想同佢傾兩句計都唔得

寫真展個場地同一間普通課室嘅大細差唔多，入場費¥500，掛上牆嘅相全部都可以買，視乎大細由萬幾yen去到幾萬yen都有，但入面完全唔俾影相，所以呢一part就冇咩其他特別可以分享




因為搵錯場地去咗惠比壽，喺回程嘅中途仲見到傳說中嘅日本譚仔三哥：


（menu有齊哂中文，香港人入到去都唔駛驚唔識落order，大前提係你去到日本都想食譚仔嘅話）

夜晚喺Coco壱番屋食咗一碟正正常常嘅咖哩飯，就結束咗全日嘅行程

出住咁多先反應好嘅我今晚會出多咗個event嘅內容

今次唔會好似上次咁po足成個禮拜喇應該兩三晚就搞掂

樓主好型

今次終於冇腰bag

唔敢再戴喇驚俾人點相

留名
早幾日先睇完你上一篇遊記

多謝支持呢一篇都唔差希望你鐘意

留名

Ideapocket上年簽得唔多新人，留得低嘅而家分分鐘得返佢一個我好希望佢會有一個好嘅發展