（AV女優Event遊記）新年流流，今次見咗十個女優。

M男feel

20/1，今日得一個event要去，日頭時間又係搵個公園行下，去咗一個叫等等力嘅地方。



喺等等力市區入面有一個沿住條溪流整嘅行人步道，上網睇相幾靚，去現場望下先

行到上面呢幅相影完條橋嘅時候，我發現喺橋頭個欄杆擺咗張粉紅色嘅嘢，拎起一睇，係一張當日嘅京急線一日任搭劵

成件事就好似玩緊RPG game喺街執到啲重要道具咁嘅感覺，可能係有人買咗唔啱用擺低，又可能係有人漏低咗喺度，又可能係有人執到擺喺度等事主返嚟拎返，猶豫咗一陣之後，我最後都係決定將張pass袋落褲袋

行完公園嘅我返到去等等力火車站，試一試張pass係咪仲用到，點知真係入到閘感謝主，令我又慳咗呢段東京地鐵pass唔包嘅車費



有pass又不妨去遠啲，於是我搭咗落去京急線最遠去到嘅橫濱整返碗拉麵同埋行一行橫濱嗰兩間AV碟鋪



呢度擺嘅人型立牌係Moodyz嘅小野六花，之前擺嘅係S1嘅羽咲みはる（羽咲美晴），睇嚟係因為鋪頭冇位所以而家冇擺出嚟。



橫濱呢兩間碟鋪有好多秋葉原已經搵唔到嘅嘢，我執咗兩隻乙白さやか（乙白沙也加）碟連即影即有相返屋企


（乙白嘅閃電引退其實幾可惜，希望佢而家做返個普通人生活愉快啦）

喺橫濱急急腳趕返嚟秋葉原，今日去嘅係河合あすな（河合明日菜）嘅event



呢幾年疫情有唔少女優唔知係咪喺屋企屈得耐，個樣同身材都有出現走樣嘅情況，河合都係其中一位，相比起3年前佢拎最優秀新人賞嘅妙齡大波少女，而家已經變成一個有少少大媽feel嘅中女上帝吖我可以俾返執到嗰張pass嘅錢，但你可唔可以俾返以前個河合我



雖然成個人嘅感覺已經同以前唔同，但河合嘅event銷情又冇想像中咁差，甚至比起我早兩日去嘅涼森event有過之而無不及，呢一個係我幾意外嘅一個情況

Event喺17:30開始，我喺大約18:00買到張飛，個no.已經去到96號，兩日前我差唔多呢個時間買嘅涼森event，no.都只係去到7x。

負責河合呢場event嘅兩個staff，正正就係早兩日涼森嗰場event嘅負責staff，所以成個流程又係滾水淥腳咁玩，於是我又一邊影相一邊同河合傾計：

「是咁的！我有睇到你IG啲cosplay相，你影得好靚吖！」（今次驚佢聽唔清楚，於是講到大大聲啲）
「真係嘅！？多謝你吖！」

我口中嘅河合cosplay相就係呢啲：



不過都係有種說不出嘅古怪河合搞一搞佢個包包面應該會顯得瘦返好多




（河合有另外開一個Twitter acc專po自己啲私生活興趣，無人想知嘅女優冷知識：河合又係一個動漫宅女嚟，以前甚至仲見過佢有po自己玩Pokemon卡）

行程仲有兩日就完結，本來預定21號係朝早坐內陸機落大阪，而家因為新有菜嘅event取消咗所以21號改成全日都留喺東京，夜晚先坐通宵巴士由東京落去大阪喺大阪stay兩個鐘頭左右就去機場。

20號夜晚開始執行李，順便又影低今次成程trip暫時買咗嘅AV。


（中間粉紅色嗰疊係Moodyz片商出嘅女優folder，買返嚟多數都係擺多過用
另外上次篇遊記出咗街之後有朋友同我講，話我影啲AV影到好似海關捉到走私之後，喺記者會擺哂上枱啲走私貨咁樣，我話梗係唔同，我擺得專業好多）

21/1，旅程嘅最後一日，今日要去見三個女優第一個就係因為新有菜event取消，俾我塞翁失馬去得成嘅miru。



咁啱得咁橋，miru今次搞呢個寫真展個場地，正正就係我早幾日去鷲尾めい個寫真展嘅同一個地方，慳返我搵路嘅時間寫真展冇攝影時間，喺入面買兩個掛牆年曆就可以有簽名同合照，課金啦仲望去唔到新有菜event就唔駛駛錢咩

輪到我嘅時候：

「哦！係你！」miru話。
「！？你仲認得我！」（miru個表情同早幾日涼森唔同，佢個樣係真係認得）
「認得吖！好耐冇見！」miru好開心咁講。
「三年喇！上次嚟你event已經係三年前嘅事！」（順手開返我Twitter俾佢睇）
「真係你嚟！我有見到你喺我Twitter度留言架！」

做AV女優FANS就係咁簡單，雖然佢第一時間講唔出我個名，但只要有你呢一句我就已經好開心



（Miru個Twitter唔經唔覺都已經儲咗65萬follower，暫時喺全行女優之中排第12位）

中間仲有一段小插曲：

「我識得講少少中文架！謝謝！」（句謝謝佢係用國語講）
「miru真係勁不過香港唔係講謝謝，係講多謝」
「哦！多謝！」

三年前我去佢event嘅時候都教過佢講多謝，冇估到今日又會有機會教佢講多次呢個字



（「三年冇見！好開心好幸福隔咗咁耐可以再次見到你！要一直為我加油喔！」）

臨尾仲傾咗幾句：

「你日文好咗好多！」miru話。
「呢幾年疫情喺屋企睇咗好多日本節目，聽下聽下都開始識講少少同聽少少」
「好犀利吖你！」
「我一直都等緊你同葵司有共演作，到時我一定會支持」
「哈哈好吖好吖」
「係呢，嚟緊8月你又會再去台灣成人展吖可？」
「會吖！你係咪都會嚟？」
「我都想嚟...但而家台灣唔俾香港人入境，到時我會再諗辦法」（唔識用日文講免簽證）
「好吖！到時希望可以見到你！」


（而家見miru只需要小心一樣嘢，就係千析唔好提佢以前仲係叫坂道みる時期嘅任何事，佢已經當咗嗰段日子唔存在）

隔咗三年冇見，以前仲叫坂道みる嗰陣嘅佢仲好似個細路女咁；今日嘅miru，已經開始有女人味，啲自信同魅力開始散發緊出嚟，開始有種獨當一面嘅感覺。

我喺度斷言，未來嘅miru，將會係業界其中一位皇者女優。


（早幾日嘅miru）


(三年前我去event嗰時影嘅坂道みる，淨係個眼神都已經唔同咗好多)

去完miru event之後，我走咗去附近嘅明治神宮度行，不過冇咩特別喺呢度就唔po相了

17:30左右返到秋葉原，又去搵第二個女優傾下計影下相先佢叫美ノ嶋めぐり（美之嶋惠理）。



望落仲純過蒸餾水嘅一個黑髮女優，亦係我呢程trip見嘅第4個Prestige專屬女優，諗諗下我今程trip差唔多玩到好似Prestige啲大感謝祭咁

講返美之嶋，除咗個樣夠清純之外，我好鐘意佢綁馬尾嘅髮型，好襯佢，我自己亦都好鐘意女仔綁馬尾。


（同一日佢喺中午嗰場event嘅造型，我去咗miru event所以冇去到）

影相嘅時候仲覺得佢有少少鄰家少女嘅感覺，係一個我覺得真人比上鏡好睇嘅女優

今場冇好似涼森同河合咁趕，我可以同佢傾多少少：

「美之嶋小姐你好今日第一次見到你，我好鐘意你綁高馬尾呢個造型。」
「真係嘅？好彩我今日有綁啫。」（佢仲特登耷低頭show條馬尾俾我睇）
「真係好襯你，好重嘅女朋友feel」
「哈哈」（唔係好記得佢答咗我啲乜，不過都係相對上比較靜嘅女優嚟）




（美之嶋個簽名係一隻蝸牛）

終於嚟到呢程trip最後一個event，見嘅女優喺kawaii*專屬嘅日向なつ（日向夏）。



一個明明係行蘿莉路線，但又會喺Twitter度叫自己係なつ姐（夏姐姐）嘅女優，出咗道差唔多兩年，唔計kawaii*而家嘅一姐伊藤舞雪，日向夏係kawaii*入面年資第二耐嘅專屬女優。

傾計嘅時候實在諗唔到講咩，於是：

「日向小姐你好平時喺Twitter見你叫自己做姐姐，但你真人感覺妹系感覺好重」
「係咩哈哈，多謝你嚟我嘅event」
「係呢，我睇片仲以為你係好細粒嘅女優，今日見你真人又冇想像中咁矮」
「係因為我今日著咗對好高嘅高𠲜鞋啫」（佢用手指比對咗個高度俾我睇）

因為純悴諗住以一個集郵嘅心情去影下相，所以事前都冇乜點做過功課呢個女優有咩特色傾計嘅時候大家都係傾下無聊嘢居多

不過下次真係諗唔到傾咩嘅話，問下啲女優有咩餐廳推薦都好啲女最鐘意就係飲飲食食



（其實日向本人係幾可愛，我幾推薦佢最近嗰套CAWD-441，佢著校服真係完全冇違和）

Event就去哂喇，鐘聲響起歸家的訊號食埋個晚飯，上去網吧hea咗一陣，就出發去搭夜巴落大阪




今次揀嘅係一隻有獨立座位，拉埋塊簾之後有私人空間嘅通宵巴士，巴士上面仲有廁所，半夜急尿都唔駛忍到有休息站先有得去

灌醉自己之後，9個鐘頭嘅車程眨下眼就到咗，去到大阪之後我有大概2個鐘頭時間可以周圍行下，之後先去機場，於是食完早餐就去行AV碟鋪。





（大阪嘅AV碟鋪推介我都更新埋記得留意下）

買返兩套舊嘅賀歲片返去香港過年先仲有冇人記得香澄遙



然後就返嚟香港lu


（隻立牌係喺miru寫真展度買嘅）

終於寫完喇今次呢篇遊記偏向分享居多，冇上次嗰篇咁資訊性同豐富性，純粹就係一個香港嘅毒撚過咗去一個東京禮拜，日頭行公園夜晚見女優嘅一個紀錄，希望大家都覺得OK啦我已經盡量唔俾自己寫得咁長氣架喇

多謝你睇到嚟呢度，暫時短期內應該都唔會再飛住架喇最快應該都會係等到台灣成人展，到時再睇睇點樣情況，去完返嚟又同大家分享下所見所聞

感謝各位嘅陪伴，晚安成人台再見

天海翼腳交片 IPZ 253 幾掂
唔知現場睇佢對腳正唔正

唔太望樣 對波其實唔錯

秋葉原住邊間

準備去秋葉原好幾日但又唔知做乜好

如果唔係影相佬既話 去呢d有乜做？

日文又只係識對住menu叫倒餸名左右
而且就算講中文都唔知講乜好

香港aeon jcb比倒dmm fanza錢呀 又免年費

同D人去偶像握手會一樣
真係要事前做定功課知佢鐘意乜先有話題
知個女優鐘意睇棒球（葵司好似成日入場睇）都要知佢係捧巨人隊定第2隊

多謝你寫咗呢兩次咁特別既遊記呀
比吃喝玩樂有趣得多


呢篇對我有少少可惜就係無見到鷲尾芽衣
我好鍾意佢
個相展似乎影得好藝術，好想睇

兩個寫真展啲相其實都好靚

Miru
多謝分享
樓豬識日文真好

睇哂

仲好記得巴打之前D女優遊記記得你最鍾意葵司

台灣到時仲未開既話巴打可以去旅遊台同人JOIN埋一團去台灣既, 上落機要一齊到左可分開活動既