其實我一直好唔明點解李鳳儀唔係日本兵，日本兵唔係李鳳儀

會唔會係大隻佬係套戲既一半果陣已經諗通左，根本就冇前世今生呢樣野？
我都係估下

佛學最基本道理係眾生皆苦 人所做的事都係苦
善因減輕痛苦 惡因加劇痛苦

好似我大學呀Sir話 修佛的目的就係 積極面對悲觀世界

要成佛到最後係連善因都放棄埋 捨棄七情六慾

令到呢個世界完全冇反應

業力我覺得係由慾念而立

我想食野 就殺豬母取肉 而豬仔就恨我
想有錢有物質享受 就壓榨其他人 偷呃拐騙

人的慾望就係業力的來源

佛家好似就係咁 （睇連登教學嘅）

所以都係果句 who fuckin care咁大機會唔係報落自己度

點解咁多人會覺得李鳳儀係講共業？

套戲一直都係講緊自己嘅業下一世要還

所以先講萬般帶不走唯有業隨身

自己做嘅業先係最深厚

自己作嘅債一定都係要自己還


用印度兩師兄弟做例子:

可以睇返0:20分鐘，大隻佬都有講，嗰兩師兄弟一定有好大仇口，唔只係一世嘅恩怨，而係好多世積落嚟

唔好曲解左佛法同套戲啦

你重睇了解下個先後次序先

啱呀

根本依個先係正解

“李鳳儀唔係日本兵”

依句只不過係前世今生唔係同一個肉體同記憶咁解

都唔關共業事

有人仲理解為惡業會係隨機出現喺人身上

其實討論左咁耐

杜sir有冇解釋過呢堆問題
尤其果句李鳯儀唔係日本兵

定咁多年都尤你哋估飽佢

因為前世因 同 今世果

惡果
比喻就係
A隨街掉垃圾（種落嘅惡因）
然後B執去垃圾桶（得出嘅惡果）
雖然唔係B掉嘅垃圾 但就係要佢去執手尾
呢個就係因果關係
電影開頭個段大隻佬就係悟出呢個道理 覺得唔公道 所以還俗

同樣
善果
比喻就係
A捐咗筆錢出嚟做善事（種善因）
B有事用咗筆錢（得善果）
雖然A係付出個位 但受益人係B
呢個都係因果關係

因果關係放眼係一個人身上就係唔公道
但放眼係整個世界上就係公道

“因” 同 “果” 唔需要 亦 唔一定係同一個人身上發生 只需要完成整個因果過程 有開頭有結尾 咁就係公道

大隻佬透過李鳳儀事件 悟出 即使唔係自己受益 但只要種善因 就會有某人得善果 呢個就係公道 所以做返和尚

究竟係前世今生定蝴蝶效應

隨機

套戲就係咁 個因果關係點運作 無人知

但大隻佬就睇到個因果

唔關佛唔佛法

好似啲物理科學都係 全部都係觀察到

但深層次就解釋唔到

明明劉華尾段親口講張柏芝前世係日本兵，係咪好多人都冇睇晒全套戲

當年郭子健同鄒凱光個電台節目<十溝場>入邊提及過韋家輝講的其中一個哲學理論 - 共時, 聽落意思就似, 你爸爸A同你媽媽B結合, 生左你, 但你唔係因為A同B先出到世, 即使無A同B係世上, 又或者A同B都係世上但無婚, 都可以有個爸爸C同媽媽D結合而生左你

上一世的日本兵殺左好多人, 產生左一個因, 而因會產生出好多個果, 果又產生好多因, 傳下傳下就傳到唔相關的李鳳儀身上

好幾年前有個說法, 話人與人之間大約相隔6層, 就可以將關係連結到, 一個叫六度分隔理論的說法

唔係啊，

係昨日因今日果

師兄不如重睇多次最尾劉華vs劉華嗰段

“如是因，如是果。昨日嘅因結成今日果，佛只著力於一樣野，就係當下種嘅因。”

同埋最尾山洞劉華都講左李鳳儀做日本兵嗰時殺左好多人喇

但惡業會隨機出現喺人身上比較符合現世嘅觀察

唔係呀

係有前世今生

你重睇一次最尾劉華vs劉華嗰段先




初初劉華講唔係”前世今生”

佢意思係: 唔”單單”係前世債今生還

而且亦都關今生嘅事，亦都關因果嘅事

佢見到因果，覺得雖然公道，但再做唔到和尚。因為佢當下覺得做和尚都幫唔到人，就算做乜嘢都哂9氣，改變唔到結果，所以先還俗


但後尾佢俾自己嘅佛點醒左

“如是因，如是果。昨日嘅因係今日嘅果。但佛只著力於一件事，就係當下所種嘅因。”


依度要解釋下:

“如是因，如是果。自己做嘅因，自己受返果”，依樣唔係佛創造出嚟，唔係佛老吹出嚟，而係佛了悟之後明白到嘅客觀存在黎。

佛於是諗到一個打爆機嘅攻略，

佢明白因中有果果中有因，

一念天堂一念地獄

雖然昨日嘅你做左好多業今日嘅你要受，

但只要當下開始種一個好嘅因，

之後就可以結返依個果。

所以劉華當下選擇唔殺孫果

佢選擇左了因

所以最尾做返和尚

佢明白雖然因果係如實反映

前世業今世要還

但人可以做嘅嘢都好多

依個先係成套戲想講嘅主旨




重點:
其實最尾劉華嘅佛已經好清楚同劉華講”李鳳儀前世做日本兵嗰陣殺左好多人，今世點都係要死”

係咪咁多人無睇哂全套戲？

我覺得係講緊
就算李鳳儀同日本兵係前世今生既關係
大隻佬意思可能係想講佢地兩個都有自由意志
李鳳儀係李鳳儀，兵係兵，本身無關係
但所做過既野就有因果關係
所有野都要還

咁我唔係佛

又無大隻佬睇穿因果嘅能力

我又唔敢講呀

不過你話隨機出現

就唔係大隻佬同佛家講嘅嘢囉

正解啊

李鳳儀唔係日本兵

就係講佢兩個都有自由意志

可以選擇當下種嘅係善業定係惡業

如是因如是果

其實要睇到最尾劉華嘅佛性講嘅嘢成套戲先會通到

李鳳儀既死係注定
無論大隻佬有冇救佢
一係一開始因公殉職定比孫果殺
都係佢今次輪迴既最後結果
每次輪迴都係一次修行
只有得道先可以結束輪迴
唔係就要再去下一次修行

可唔可以當係今日有人(A)食蕉扔蕉皮落地(惡因) 聽日有人(B)踩到蕉皮跣到(惡果)
A同B冇關係 但係B就係承受咗A嘅惡果