其實我一直好唔明點解李鳳儀唔係日本兵，日本兵唔係李鳳儀

以家我開始有小小明
日本兵殺左人，李鳳儀就要幫佢還（俾孫果殺）
孫果殺左李鳳儀，孫果就要幫李鳳儀還（俾劉華殺）
而劉德華最後明白左呢個係一個輪迴，如果佢殺左孫果，就會有一個人幫佢還
到最後無呢個因，就唔會有呢個果
希望我無理解錯呢套戲帶出既道理

https://youtu.be/eX7-YC65D-0

咁點解張柏芝要幫日本兵還？

佢無殺日本兵喎

無人講過係咁喎。

前世因今世果

師兄理解錯晒 唔係有另外一個人受報
佢電影上既對白有少少取巧
表面黎講李鳳儀 同日本兵本體都係同一人
前世今身咁理解
當然你又可以話佢唔係同一人

劉德華殺孫果 劉華自然要受報
因果係公平 電影中固然想話你知有因有果
若然未報時辰未到
但同時都係想叫你放下執着冤冤相報何時了
你今日殺咗人 人地下世又殺返你
你再下世遇到佢 又因過去世仇恨殺返佢
就好似電影開場早段嗰2個師兄弟咁
唯有好似劉德華最後放下對孫果仇恨先可以係輪迴解脫出嚟

佢唔知道
就好似斷手女子都唔知道自己前世係甲蟲
俾一個蒙古佬救起左 唔洗浸死
佢先救左今世印度阿差去還因情
仲要感覺無怨無悔

大隻佬咪講左囉，唔係前世今生
而是日本兵殺人呢個因，會產生李鳳儀死呢個果
你當是蝴蝶效應咁理解會好d

因果只係事物本身既影響chain
並無感情連結
就好似水100度就會滾咁

日本兵殺左人 李鳳儀就要死
係無常既因果關係
並唔係你想像中兩個係同一個人

簡單講就係
A影響到B 已經係因果
係混亂 無序的
你去做一啲野避免 又會產生多啲因果出黎

因為佛教輪迴觀，係講「無我」
就好似你用一支蠟燭，就燒曬嘅時候點著另一支蠟燭
燈炎相續，但你唔會話兩支蠟燭都係同一支蠟燭

佢只係了知前因後果 並無足夠能力斬斷
就好似佢救唔到李鳳儀咁 因為有因有果
李鳳儀因為今生善良 佢本身都好努力改變佢既命運
佢唔善良 劉德華就唔會三番四次救佢
奈何殺業太重救唔到
就好似神通具足如佛陀咁樣都救唔到自己族人
避免唔到滅族
佛教係叫你坦然接受果報
同埋努力去種當下既因
當下種好既因 未來就有好既果

套戲唔係講到好白架喇咩
因為幾廿年前有個日本兵殺左人
所以幾廿年後李鳳儀就要死
冇前世今生 善惡有報既關係
有既只係因果
大隻佬最後明白結果係改變唔到
但可以決定自己種乜野因
所以先唔殺孫果
(好似係)

唔係前世今生 只係日本兵殺左人 李鳳儀就要死
電影就係玩呢啲似是而非對白
係無錯 但搞到無接觸佛學既人一頭霧水

多撚鳩魚
咁你唔殺孫果 佢又殺更多人 又做成更多因果 以後又更多人受因果報應而死

張柏芝唔係日本兵 但要受因果報
咁唔使向善啦 反正因果報應唔係善有善報 惡有惡報
做咩都影響唔到個隨機性

角色名好好

了因，「酸」果

反正做啲乜都係報係人地身上

日本兵（過去世）同李鳳儀（今世）係同一個神識 但日本兵殺人太多 就算李鳳儀做幾多善業都好 都唔及過惡業嘅種子要先結果 所以今世李鳳儀要還債要死

你去煲呢煲水 然後得到滾水既結果
本身既「你」已經係去達成呢個結果既條件

你可以話佢唔係同一人 就好似以前既自己同今日唔同 但如果唔係本體受因果報應
會俾人誤解 今世我俾人砍既果報 係有某人上世砍柒人既因
又講到好似大隻佬既對白

因爲世界系一個平衡，有人殺人， 就要有人被殺

其實講「李鳳儀唔係日本兵」
因為昨日既你同今日既你都唔係同一個人

佢話得就得

正解
電影入邊阿婆執垃圾已經係一個例子