其實我一直好唔明點解李鳳儀唔係日本兵，日本兵唔係李鳳儀

你可以話前面大半段套戲係故意拍到好似係講前世今自最後先說教解釋話唔係因果唔係咁呢種處理手法好差，但呢個先係導演想講既方向。

填海華有講，唔係前世今生，有既只係因果

我反而係覺得如果唔拍到咁就更加無人睇得明

如果用返佛教概念既話，唔會係斬完人隻手之後就會俾人斬返隻手，如果個導演只係拍幾個唔同既古人做惡因，就出斷手呢個惡果，大把人一頭霧水

前世今生太膚淺，韋sir 概念係更高層次
上面有巴打話蝴蝶效應都近似
因果關係千絲萬褸，要領悟要去到劉德華變番瘦果時
所以連煙都可以食，因為已經無所謂

只要世間有善果，報係人度都無所謂
善果係惠澤世界

好問題
佛教嘅道理有兩個層次，世俗諦 同 勝義諦。

世間法係講，世間萬物因為因緣和合而生，係短暫嘅「假有」，但佢實際上存在。人都係五蘊因緣和合而成，人用「我」呢一個假稱代指五蘊身，所以我雖然係「假有」，但實際存在。作為普通人，你會因為「我執」，一直會生死輪轉，業報會報喺自己身上。

勝義諦係真諦，講「我」係因緣和合而成，所以無沒有獨立不變的自性，所以「無我」。當你去到阿羅漢嘅境界，先唔會再生死輪轉。

所以道理上講無我，實際上業報會報喺自己身上。

唔可以話高層次，只係原始佛教就係無前世今生，係講孽力，概念唔同，無話邊個高層次d。

有時諗，其實真係好似蝴蝶效應，但對大眾黎講呢樣太深喇，拍到似前世今生反而d人仲易明，所以唯有靠填海華講明唔係前世今生。

講得簡單d，所謂下世既你係你亦唔係你，大家其實係孽海既同1份野，如果想了結呢件事，只能了卻因果。

即係魔奇少年咁
要打破「天」既規範

要睇咩乘咩宗。
唯識學派有講阿賴耶識，過去所有因都會收藏喺阿賴耶識，異時異地成熟為果報。
業會報喺自己身上，唔會報比其他人。

何必深究？輸迴本身就不合邏輯。

點會唔明點解

本身種因得果就係正邏輯，所以佛教先導人向善不殺生，講大話會勾利根，用依個角度去理解一啲問題都冇；

電影講嗰隻A種因 B得果係再深層次既野，就算點岩點正確都好，都唔會比正邏輯更可以令常人直觀就理解到

一村人有一口井，只要有人做壞事就會有一舊屎跌落井度，咁就成村人都要飲屎水

相反，只要冇人作惡，大家就可以飲到乾淨嘅井水

可以重睇

即係蝴蝶效應啲fd?

咁都係因果，唔係前世今生
問題係因未必係你種

我覺得可以咁理解

咁何謂因，何謂果？會唔會既是因，亦是果呢？或者我看是因，佛看是果？

可以當係
有惡因就有惡果 就會有唔知邊個要受
如果受完產生惡因就繼續loop落去
唔係你做而要受惡果係唔公平
但人人都有份所以都係公平

即係假如核爆冚球鏟
或者未來智能危機得返機械人
就應該係共業close file
唔會再有人受苦

唔係隨機
講緊因果入面有善報同惡報，但唔係報喺自己度，係一種大業，報落個世界到
你今日做好事，個好結果可以係喺好多年之後報落某個人身上
你今日得到好嘅果，都係因為某個人喺某個時空做咗好事
惡業反之亦然
佛家最終極目標就係大家都悟到呢個道理，大家一齊做好事唔做壞事，咁個理想世界就大家都有善嘅果

我覺得係無善惡概念
叫因果係幾好
最簡單例如（唔係戲內嗰種日本兵）
一個士兵「保家衞國」鎗殺外敵
或者記者揭破咗某件內幕
有好人放監 亦有無辜嘅人受影響家破人亡
嗰種環環相扣係複雜到
我覺得人係無辦法明白個system係點
因為依呢套嘢 係細緻到
你偷望一個女仔個波那
再細到返工同個新同事打招呼
再細到你飲兩啖水定三啖水
都「影響」緊呢個世界
甚至所謂種善 好似漫畫monster咁
個醫生反抗醫院權力 執意幫個平民細路
個細路大個會周圍害人
呢種無力感
好似穿鑿附會咁
要講做某件事 所以第度會有某種報
鬼知 亂到七彩 上面講嗰啲嘢先未講
70億人編織 都不計所以生物連細菌…

咁點解你唔支持普世價值

值得思考 我自己無了解原始佛教 唔知佢有無三世概念 真係得韋家輝先知佢要填海講嗰句野同帶出既野 佢戲中強調業報公平 但如果佢本意係想講作因同受報係以類蝴蝶效應示現 感覺變到唔合符佛教個種各人種因各是受 變到模棱兩可

成件事到個警察打個印度佬，劉德華一手阻止，後尾講句一念天堂一念地獄，咪解釋咗。你今世果即係前世嘅因，你前世因即係再前前世嘅果，循環不絕，只有放下仇恨先可以走出個個無限。

老實講，成班人睇完星爺套鹿鼎記，重可以討論大隻佬，真係有病。