聖誕特價買左數碼暴龍絕境求生，睇下係咪真係五星極伏電子垃圾先。

真實線最終章：被選餘的細路最終的絕境求生。







春近姊姊出場，明明係你一開始攞你細路割韭菜，呢家春近玩大左先急急腳話要求見...


搞到呢家好似畢業典禮咁。當然呢家畢業係Youtube界有更深入的意義，大家有幾多心愛的VTuber被畢業？


又係祠堂個道死人門，不過原來道門係四聖獸整出來的，呢家我一次過打柒曬佢地，自然就會乖乖開門啦！雖然四聖獸都係吹出來的廢老，只要稍微暴力一D就可以爆開道門。


隔左成七百幾年仲係一個超級深紅怨魂嚟，然後又同道義線一樣諗住又玩人體鍊成。不過係真實線下我地搶先一步深雪融合失敗，唔洗變奧米加獸救人了。


到左呢家仲係左膠上身玩互相理解，深雪係咪想過多一千年後仲係繼續神隱打春近呀？



一個等左50年，另一個等左七百年，時代係好幾十倍當然無法互相理解啦。再過多幾百年可能深雪同樣會抑鬱黑化。


同道義線唔同，道義線係王道熱血全家總動員，真實線只可以出六個，咁唯有出四聖獸加一隻奧米加啦！










異色黃龍獸現身，起碼紫色好睇過傳統黑色。當然我個人比較鍾意SMT的黃龍獸更加有氣勢。


真終極大戰爆發！

真實線最終章：被選餘的細路最終的絕境求生。



打黃龍獸個場仲慘，只可以出五個，連加布都上唔到場，只可以用戰暴頂住(當然第五輪亞古獸可以進黃龍獸，做到真正的神獸大戰)。




同樣的道義線訊息大戰加Buff，可惜今場出唔齊人成個畫面好虛下。




巫女能力再度神化，仲可以淨化埋黑化數碼暴龍。可惜深雪係下水道時無左一半靈魂仲未覺醒，修司抵死變肉醬。





金光閃閃真金龍！


如果話係要保護家人就唔會迫你細路送死啦，殺人犯！



姊弟重逢，又係度左膠洗白。但今次唔係修司呢種家暴犯，而係侵略藍星為禍百年的黑暗大魔王。


同激情線黑化葵一樣，搞爛個場講句Sorry就RIP直接卸責。



四條線之中只有道義線人類世界同數碼世界繼續分開，其餘路線全部都會合二為一、互相理解。


你地唔係初代，你地只係有教授睇住死好命，生存餘低落嚟啫！



真終極大結局，下次出後記同個人感想。

真實線最終章：被選餘的細路最終的絕境求生。










新一代被選餘的細路，呢班真係細路嚟，唔係拓真呢D中學生。



不經不覺獸神亦轉變成數碼暴龍，道義線會有進一步解釋。


四聖獸加黃龍獸都係吹大左，本身只係個傲嬌廢老。數碼暴龍仲有七大魔王、十三位皇家騎士同十二位奧林匹斯神。






梗係驚啦，會變肉醬喎！


02主角V仔獸豆丁獸出場，如果隻game出續作的話，到時又有帝龍廚問點解我隻V仔獸進唔到做V龍/V仔獸EX啦！



真大合照。


當然最終Boss自然會比主角用啦！


果然係最終Boss，有超強大的能力值，加上無屬性同超強抗性，可以話係無敵的存在。攻擊又係無屬性無視抗性，加上平時究極體必殺技大約都係三百至四百威力，佢就勁到超過六百，以後唔洗驚高抗性打唔入的眷屬啦！


創世紀砲發射！





全遊戲總共打左四輪：
第一輪：51.1小時(總計：51.1小時)
第二輪：16.1小時(總計：67.2小時)
第三輪：14.2小時(總計：81.4小時)
第四輪：24.8小時(總計：106.2小時)

遊戲比我想像中嘥時間，第一輪都可以打超過五十個鐘，主要係因為我儲圖鑑需要時間。呢隻唔係SMT，無得用惡魔之書合仲魔，要乖乖說得求班數碼暴龍入隊。D完全體究極體低到得7%、14%加入率反覆Load Save好多次呀救命！

講返係咪五星極伏，個人完全唔同意平民遊戲工作室。我自己玩呢隻game坃得好開心。雖然只係Visual Novel，但故事緊湊令到我有意卻去返落去，而且黑暗劇情有驚喜，自從玩左SMT之後再愛上黑暗風多過王道劇情，不過應該唔係人人都可以接受到，隨時毀童年啦。當然遊戲怪物得113隻實在太少，進化路線亂Q咁來，戰棋又太過薄弱，同皇家騎士團同FFT相比根本得啖笑，諗住衝戰棋的玩家實中伏。

終於打完，可以休息訓覺啦！

樓主辛苦曬
睇得好開心

爆左一次，個故事吸引唔到落去玩2，3周目，戰鬥系統純粹係你玩家搵d野㩒下，唔洗坐係到齋睇故

無戰鬥純VN都幾難吸引到人，所以D人見到戰棋畫面買左隻game咪中左伏變極度負評囉！

就咁睇你玩又未至於5星伏,若非製作人換左咁多手,集中精力寫好劇情嘅話可以好似13機兵防衛團咁好劇情蓋過哂所有遊戲性不足問題

戰鬥做好少少，多d變化，件事會好好多。

同埋第一週目就整2個完全唔討好既角色要佢死，真係冇動力去救佢地 ，一個都還好，2個真係搞唔掂，佢2個第一週目係咪一定要死？定我搞錯野整死佢地？

佢地揀d偏門獸我覺得ok,獨眼龍，三頭龍果d好耐冇見過，又有特色，但可唔可以再搵亞古獸做主角，集集都係佢俾人無限消費，定諗住搵佢做比卡超個角色，賣情懷sell老玩家

良都算，修司真係無動機去救，連故事入面班細路都屌佢無作為又精神失常影響團隊合作，你就知條友注定係要死。

亞古獸做主角又係照顧返D 01廚，同pokemon萬年用比卡超做宣傳一樣。不過可能佢地見到第一章亞古獸進巨龍大角就無再玩落去。呢隻game係毀童年，唔係佢地心中熱血拯救世界、友情是巫術的數碼暴動（除非你玩道義線）。

數碼暴龍最初其實冇特定進化路線, 睇慣動畫先覺得亞古獸一定要進暴龍獸

明明官方一直出正統進化，偏偏呢隻game D 進化好似pokemon randomizer咁。

不過13機兵隻game都ok好玩

追曬！ 個故事比樓主d caption 搞到好正

好有心機，謝謝🙏🏻

追哂
正評是俾樓主的

Thx

一次追返哂
補返個thx先 好好心機

痴撚線玩成100個鐘

一周目都係50幾個鐘，係打埋其餘3條線先拖到100個鐘。

正常4線玩晒純睇故唔儲齊圖鑑都座底70粒鐘起跳
幾舊水睇70粒鐘故他,伏唔伏真係見仁見智
不過end game果個50層定100層自由戰鬥真係不了