其實真係好難講,要睇嘅實在太多,我盡量講下其他留返俾專家補充。
車身方面要睇裙腳同埋尾沙板有冇生銹,當然最緊要係睇車底,外觀就你有眼都識睇啦,有冇花笠咁樣。
洗手盆同埋龍門架都唔少得,要睇吓有冇撞過嘅痕跡。
然後機器方面就要睇油,例如波箱油同機油有冇燶味,油嘅高度係咪喺正常範圍,另外仲要睇水箱水有冇變咗花生醬,有嘅話即係燒爭口,電就可以着頭燈撻車,睇吓盞燈有冇變到好暗,有嘅話即係舊電都唔係好得。
睇風油軚扭落有冇響聲,有嘅話可能係軚泵收皮,死氣喉就聽聲睇吓有冇穿,其餘底擔嘢就試吓架車會唔會好鬆散,另外波箱要試吓佢會唔會Chok。
另外最簡單就試吓冷暖氣電窗頭尾燈燈係咪全部都work,玻璃有冇裂。
利申,唔係好識車,交俾其他巴打補充