一個人去新加坡有啲咩要注意？

其實有冇人去玩過bungy jump
聖淘沙啲極限運動每樣都想玩

我諗住住膠囊旅館啊青年旅舍嗰啲
新加坡啲酒店都好貴

新加坡好悶㗎 3日乜都夠
除非你預左去到hea時間發吽豆

係諗住有一兩日去hea 本身獨遊都冇乜諗住日日玩到盡

但係就好安全既 一個女仔去冇問題

我去過2次都係做野 之後留多一日行下咁

好

咁你可以搵搵特色餐廳/cafe
坐住hea幾個鐘都幾悠閑既
果邊啲商場唔吸引 冇野好睇
去睇下Garden by the bay 都靚㗎

新加坡無野好驚
有唔少人識廣東話
就算唔識都會識普通話
安全過而家香港
基本上去邊都係搭地鐵
當年我都係咁自己去
根本當香港咁就得
你話過去馬來西亞就要小心D

聖淘沙啲沙灘公眾入唔入得？

我疫情前去過三日，自己一個窮遊:

DAY1
機場 ->
東海岸公園 (感受到新加坡海道既貨輪比香港仲繁忙) ->
KOON SENG ROAD 土生華人村屋 ->
早餐係附近食左個蝦麵 ->
舊機場路一帶行下 ->
魚尾獅公園、新加坡河附近行下 ->
午餐係芳林苑熟食中心食好出名個檔炒棵條，好好食 ->
入住珍珠山附BOOK 左既酒店，休息
夜晚行下牛車水

DAY2
珍珠山出發 ->
蘇丹回教堂 ->
早餐食黃亞細肉骨茶 (不過我覺得馬來式好食啲)
義順，類似上水既市鎮，四圍行下 ->
兀蘭公園 (好大個公園，望晒柔佛海峽同埋新山市) ->
武吉班讓，坐下有條monorail 鐵路 ->
新加坡植物園，由北行到南 ->
烏節路，類似香港尖沙咀
晚餐係紐頓熟食中心，食椰漿飯、魚丸湯
返酒店

DAY3
珍珠山酒店行過去中峇魯
中峇魯熟食中心食蠔煎
牛車水買手信
四圍行下就走

只係住左兩晚酒店，其實都行左半個新加坡
我對賭場個啲新野冇咩興趣
反而鍾意行下啲組屋區、超市、熟食中心
嘉頓、李錦記蠔油、蝴蝶牌果仁，係搵到made in hk 既貨品

你不如縮短日數，住好啲好過啦

扮撚夠女人未

好

都係唔諗住過馬拉了
聽人講新加坡都係第一次獨遊唔錯嘅選擇

入得啊嘛
唔係就係比人入去玩？

玩過megazip 好正，由樹林飛去沙灘個邊，撞正日落好靚

我都鍾意去呢啲地方
唔該曬巴打，近排好努力搵緊新加坡有咩呢種地方可以去行下

其實我對膠囊旅館都ok，因為有其他人喺度
雖然好on9，但我唯一驚嘅就係自己住酒店

同埋覺得淨玩聖淘沙已經好夠
住下resort 游下水
本身聖淘沙都多野玩

我喺呢啲po扮女人做乜？

呢個我一定會玩
睇人玩嘅片都已經好期待
唯獨諗緊玩唔玩bungy jump，好鍾意玩刺激嘢但真係有啲淆淆地

就係聖淘沙令我好想快啲去

太似香港 根本同係香港無分別
不過就係無人識既香港 可以輕鬆自在
其實好過去日本 去日本就算原本想hea遊但最後都會排好多地方想去好多地方
個時我自己去新加坡hea到可以每日去試哂佢地出名既肉骨茶
話多唔多地方好去 完全可以慢活幾日

真係我有諗過不如貴啲去日本算啦 但睇人啲vlog同埋日本景點都覺得好難抉擇 好多地方都想去
而且應該周圍逼到痴線
今次獨遊就係想去第二到hea下靜下 淨係玩一兩日已經好夠
就算日本幾靚都好 都係等以後想為玩而旅行先再去

超級多， 呢度四圍都係組屋