一個人去新加坡有啲咩要注意？

點解咁多當地人識廣東話？

我諗我今次之後都唔會想同人去旅行 只有自己去先可以咁樣即日諗去邊然後突然自己改行程 想停低就停
不過去人多熱鬧嘅地方就會開心中多少夾雜啲寂寞

聽日去食

咁痴線我依家準備坐巴士返牛車水 應該唔會太耐

真㗎咩我見到啲華人面孔嘅人都係講英文聽到啲馬拉式普通話都會覺得開心

頂乜呢度啲巴士唔會講站名？
我依家好緊張

我竟然落啱車
啱啱條路越駛越黑 真係好驚自己坐錯或者坐過咗
見到多啲人嘅站即刻跳落車諗住搵地鐵站
點知呢個站就係牛車水個站
感動到

係咪好有成功感
呢D真係一個人去旅行先有既感受

睇彩數架咋
搭過新車就會好似張圖咁有報站有顯示
亦都搭過有d單層係有報站(當然英文only)無顯示
當然咩都無既都遇過唔少

但唔駛驚既，開住GPS睇地圖望下架車行都邊再決定落唔落都好穩陣架啦

係
嚟咗咁耐第一次真係覺得驚 落車行多兩步見到啲咁熟口面嘅燈籠 再行前啲見到chinatown嘅地鐵入口 真係好感動以為自己今晚會失驚無神需要曬錢坐的士返嚟

我上車之後慢慢覺得點解好似全程都咁靜，望下前面車頭都見唔到有站名顯示，當下即刻覺得仆街
係咁開成堆app睇我到底去緊邊，佢停嘅每站我都即刻望出面個站叫咩名，但好似同我喺app見到嘅名有啲出入，當下仲驚
冇咩事都係搭地鐵算

其實芽籠係咪少數入夜仲有活人既區
個陣住晚晚落去宵夜周圍都係人 見你地講到其他區死城咁都幾好彩

呢度巴士公司弱智架， 根本部車永遠都知自己去到邊個站（果四部卡機上面有排細字講明， 因為跟里數收錢， 司機果部收費機panel 都會show） 但sbs 大多數車係無報站， 真心好弱智
但新車就有報站既， 真係好擔心就坐近卡機望住站名

我之前成日自己去旅行
試過有一次去左d主題樂園
見到個個成雙成對，個一刻既寂幕感未試過咁強
跟住頂唔順留左1個鐘即走，去返d市中心飲飲食食感覺先好返d

馬來西亞吉隆坡周邊就好多人講粵語，甚至乎以前去檳城食飯，畀搭枱呀姐誤以為我都係怡保（一個最多粵語人口嘅馬來西亞城市，楊紫瓊鄉下，佢唔係香港人嚟，弱智局長點會知）人

反而星架坡我只係聽過一兩次粵語，大部分時間都係Singlish/Mandarin

同埋班大學生圍內自己就Singlish，對住我哋呢啲外人會講返好流利冇乜亞洲口音嘅英文

我啲旅行，一半自己一個去，一半係同一至兩個朋友去

好少會多過四個人

或者可以試下兩個人去

幾日前去高島屋 勁多人 新年氣氛真係好濃厚

啲singlish唔係幾聽得明下下同啲服務員講嘢都覺得自己成個智障咁

今次之後完全想像唔到同人去旅行會有幾煩
應該比盡兩個人去