聽日就要移民了 (2)

走左已經啱左一半

多倫多~

有的，入group 找我吧～

呢度0 回音要適應吓，可能要多d 時間咁樣，唔使太氣累～反而既然佢in 左你，你可以試吓問佢一d interview feedback, 會唔會比到你知自己錯d 咩，呢度好興架，我之前想寫落平時工作tips 度，不過有d 懶，之後再寫～

另外你搵工都要加油～ 呢度好嘅事就係冇好似香港咁睇高某d 職業，睇唔起某d, 我幾欣賞你可以爽快地唔做，搵到自己中意嘅野去做啊～你要加油

我係tg 識朋友啊～ 上去問自己個頭有冇人中意做自己中意嘅野，同埋最熟嘅係當時夾租group 識，最後做唔到rm,但覺得興趣好似所以一直做好朋友啊～

另外有搵d 義工做，同同事吹水都識到朋友。

sin number 我第一日就整啦，因為offshore offer 要開工要先比到sin num 佢～

未有100%決心要離開

離開其實唔好諗到咁大件事，有咩大不了就快返香港吧～決心唔需要100%, 我自問當時只有70~80%(如果一定要比個百分比），過到黎見步行步，都係過黎一陣當體驗吓，可以唔中意就再返香港，再試英國。

我自己暫時冇個心想留係加拿大，都唔排除有咩令我想留的，但決心走唔係決心留（或者當係一個一年exchange 咁樣會唔會舒服少少？，拎到pr 再算）或者真係當拎work permit, 好耐冇去旅行咁樣，就去左半年～一年working holiday (我當時係咁諗）我覺得呢個諗法會冇乜壓力？而且黎到之後更加想之後落美國發展，暫時計劃三年之後就走，如果唔中意依家住嘅地方，一年拎左pr 之後，兩年之內會轉城市。

加油，我相信落決定個吓唔容易，但我覺得唔需要比太大壓力自己，可以當比千幾蚊體驗外國工作/生活，然後再半年/一年就走～唔中意返香港，轉城市，去英國，過幾年去美國，等等，依家有好多機會的 , 我反而覺得食家有咁多scheme,出去體驗吓都好～呢個就好似比左我另一個機會去exchange (當時因為covid 冇乜點exchange 過， 又冇去旅行幾年，所以依家去加拿大都開心～）

有少少耐性會搵到的 你要加油～！
老細唔夾嘅話，感覺呢度有好多工都可以易搵到夾嘅老細，我諗你咁樣裸辭原本老細一定好難頂～

黎加拿大第115日了

呢排冇乜感覺，只係最近同朋友傾計期間發現好掛住香港。香港嘅朋友，屋企人，工作等等。唔係放負嘅，我係呢度都好開心，只係會掛住。

以前返工個陣唔洗點做，lunch 出去買吓野，行吓街，同事之間有傾有講，日日放工做gym , 步行距離，做完仲可以約返朋友食飯，或者玩board game, 或者做完gym 落樓下食格仔餅，每日帶飯屋企人煮d 野真係幾好味，星期六日同朋友簡簡單單出街食吓野，傾吓計，做吓運動，之前拍吓拖又一個禮拜了。

呢度返工只不過係多左野做，但唔係話應付唔到，朋友都好多，好開心識到佢地，活動都有，就係玩吓board game, 滑雪，但好似每日都重新認識一d 野/人嘅感覺有d 攰。

最近香港朋友搵我傾訴，關於感情，工作，未來，自己，等等，有少少想係佢地身邊陪佢地，安慰佢地，但我係加拿大，時差各樣都拉遠左距離。

都係咁講吓，好似開始思鄉，但呢度冇咩問題嘅，掛住個種隨手可得，落街想食碗車仔麵唔使行到好遠，搵車揸嘅感覺，可以同朋友隨心地食完飯就下一個行程唔需要諗，行吓行吓就有d 野做嘅feel.

另外，公司琴日有international womens day, 我地有慶祝，覺得呢度公司係真係對呢d 節日好重視，真係會有個event 之類，而香港當時我嘅公司只係普通一日，或者當係csr 咁做，琴日有個人係全體自我介紹個陣講左自己國家女權問題，我好欣賞，我知道香港依家女性政治犯比例最高，但當我做自我介紹個陣，我都冇勇氣講（好似好inappropriate 公司講政治野） 我希望自己有日可以敢講出黎。

都好多謝大家同我講原來有咁多人追我post 的，都係一個鼓勵 原來我嘅文字感動到你，令你覺得親切，都好開心有人會同我share 佢地嘅諗法同難處～你地繼續講，我都會用心地聽嘅～

咁public/official講真係難d
不過政治野 平時久唔久chitchat
咁岩講開
其實都可以帶一兩句

始終 要係大會/咁多audience面前講
唔準備好少少 鳩講講得差講錯 就好大問題

五月過黎 焦慮緊

如果真係太短嘅不如唔好寫入cv?
我上一份都好短啊，但個原因就係因為過黎加拿大，上一份工係hk 所以我照直咁答。
我唔知會點答啊，因為都睇好多情況，但我諗通常最正路答法就係唔岩/太遠/唔高人工之類？ 希望幫到你啊～

其實有時都好驚會講錯啊，所以盡量唔講，但發現我愈唔講，愈多人當我係中國人，其實從個人黎睇，佢覺得我係咩人冇咩所謂，有時覺得唔想糾正人地，都係識個人姐，但從想令佢知道香港發生嘅事情嘅情況黎睇，我又好想比佢知我係香港人，從而打開個話題討論香港發生嘅事，但的確最怕係自己講錯野。

黎加拿大第121 日了

覺得依家似life update 多d, 唔似一個移民update ?

好多人好害怕黎加拿大識唔到人，好惆悵，但我覺得躺開心扉自然會識到好朋友，希望你睇到呢度會放心d

最近有香港朋友同我講佢十月嘅時候有諗過自殺，係我好好嘅朋友黎，大學好多時間都係同佢過，我有時好糾結，如果係香港，係佢唔開心嘅時候起碼可以陪係佢身邊，但如果係加拿大，乜野都係隔個時區的，雖然佢仲有搵我，但我好希望比佢實際陪伴嘅感覺，都好多謝你同我講好多嘅秘密，我用心咁聽，希望你如果真係想做傻事嘅時候，可以飛一飛過黎加拿大，見我最後一面，我認真地當你係最好朋友。

最近都有少少社交疲勞了，所以我del 左ig, 但我仍然係一個好多野想share 嘅人，所以我依家上左呢度講。我最近發現自己好似冇左自己，我究竟想做咩呢？好似人話滑雪好，我就個個禮拜去左滑雪，其實我係咪真係中意滑雪？我enjoy 嘅，但好似因為每次都係朋友叫，然後自己冇聊過人嘅關係，我唔太清楚我究竟有幾中意，定係其實我只係跟住人去玩， 呢個包埋係其他野度，例如朋友約我玩board game, 去打牌，去食飯之類，我想認清返自己究竟想做d 咩，而唔係因為朋友約我，而我又得閑，所以就去做，我想係我真係好中意做，所以我去做。

呢排應該會有多d 時間做自己野，我想練返自己d 手藝，研究吓唔同菜色，試吓唔同餐廳，試吓唔同活動，做吓義工，種吓花種吓草，做吓運動，見一見我熟嘅朋友，學吓野，上吓興趣班，清潔吓自己屋企，汁吓d 野，早少少瞓，簡簡單單又一day. 我都想感受多d 自己嘅孤獨，空虛，雖然唔好受，但我會明白自己多d,我更加feel 到自己嘅存在，好多謝朋友一直由我分手都有陪我，但我都想正面咁消化呢件事，感受吓有時自己一個嘅感覺。

可能因為del 左ig 嘅關係，有咩都會想係呢度講，冇人識我，我係呢度講就唔係比人知，比我識嘅人睇，冇形象，只係最真實嘅自己。呢度可能會update 得更加多了

btw 最近見到的靚景 想分享，小確幸一直係身邊，想多d見到靚景就捕捉落黎，多d 同朋友影相，留底美好回憶～ 希望你地都會中意

唔使驚，你會冇事的，慢慢梳理自己驚d 咩，做好準備，有咩擔心多d 上黎傾～

預左過去乜都做住先 要捱
做緊心理準備

唔好唔講 出得去
有責任同其他人share
橫掂練英文 試下每晚沖涼就prep下
會想點講 同講d乜
不過最少 都要擺明自己反共
同事知你立場 易相處好多
佢地唔知 會怕講錯野你屌鬼