聽日就要移民了 (2)

移民有第啲問題
但同留低嘅問題又唔同
樓主其實summarise得幾好
問題都有逐一解決

但樓主講偏心果 part 有啲奇怪，本身偏心個原因係乜呢？阿哥聽話啲？然後仲話屋企人因為佢黎左加拿大後同番佢講野同比錢佢？唔係質疑樓主啲乜，但有時啲野一隻手係拍唔響，會唔會係本身樓主同屋企人既相處上既問題係樓主都有問題呢？

題外話，因為未買煲餐餐食合味道係咩玩法？呢度啲杯麵貴到我都唔捨得買

當地人都解決唔到，你點搞？

除非你有幸在香港帶錢過去

偏心唔需要原因咩一隻手拍唔響真係難聽過粗口

佢屋企人見佢有利益咪接觸返佢俾錢佢，目的係想樓主第時接佢哋過加拿大養佢哋老囉 咁個大仔起香港就無咁大養老壓力好難明咩？唔係個個父母都係鐘意自己仔女㗎

真，樓主個心態好好，好值得學習

開個post 聽日就要回流先啦

見到話樓主讀書冇用就知係重男輕女啦重問問問

家家有本難念的經啦 ching問得出應該都家庭和睦幸福

呢d 問題我聽唔少，成日都有人話會唔會我本身有問題，所以搞到家庭關係咁/一隻手拍唔響/每個世界上嘅老豆老母都一定錫自己個仔女，但我都唔覺得我係特殊例子，我身邊都有好多人係咁，我聽過人話我咁樣好慘，但我唔覺得，我都有自力更新，而且我更新到，同埋覺得今日行到呢步來至我嘅性格，我嘅性格好大程度黎至佢地點養我。

um 我認同留言話你係幸福家庭出生，但你都可以多d 同你d 朋友傾計，出去睇吓世界，都仲有好多好多人有同樣問題。

同埋呢個係我原生家庭，但我大大吓都認為家庭嘅概念未必只係血緣上，我覺得我依家真正當係嘅家庭已經可以係我d 親戚同朋友，我唔覺得我親生啊媽，啊哥係我屋企人了。我依家仍然會比家用我啊公啊婆，親戚，我啊媽真係賺緊好多錢，但佢都唔比家用我唔婆，啊哥份人冇乜用，佢有能力嘅話都唔會比。

餐餐合味道因為其實係我partner 買比我的 我依家都已經唔係餐餐咁啦，都有煮，我係講當時我嘅update (唔係到永遠），個陣唔知搬左幾耐屋，我都有好多parttime, 我當時都好忙，而且當時parttime 有時有飯食，所以咪係屋企煮杯麵。

唔知點講，感覺同你講野好像要畫公仔畫出腸你先明咁。

多謝你明白 我有嘗試解決咁樣，但覺得自己都好似係加拿大見唔到將來。不過我依家再試吓搞其他野咁樣～有機會再update.

回應其他人講嘅王子公主生活，我覺得我只係想要我自己嘅簡單生活，可以有長遠發展嘅生活，我只係一個普通簡單人，我唔知有邊度睇得出我想要工作保障，儲蓄，等嘅生活質素係一種公主王子。

好奇想問吓樓主份IT工咩人工？有正職收入都要打幾份part time先生活到？

我都唔知講咩好，點檢討啊 返工就係咁遠。我都有試過搵carpool. 但我公司離職率好高，carpool 左陣又離左職，我都有試過用carpool app 去carpool,依家仲不斷用緊，但個日係冇carpool 就冇carpool 架啦。

我都有試過搵最近嘅交通工具，但係最近都要uber 過去。我都有叫過同事可唔可以車我，但幫極有限。

我都有試過轉工，但轉唔到就係轉唔到。我都有試過返多d parttime,彌補我呢邊嘅支出。

同埋我唔想要你嘅安慰，依家都唔係係呢post 乞人安慰同情憐憫。我只係分享我嘅移民生活，可以係好獨特係我自己，唔好樣樣野都諗到我想係你身上要安慰，要d 咩。我都唔識你。

樓主最後點？

回流左卦

依家仲未回流，十二月開始搬左去markham, 買左車，開心左好多
我覺得之前自己一個住basement 有有少少抑鬱症狀（我之前post講個d 野都好負面，但全部都係我真實想法）但之前成日會冇胃口食野，因為壓力大所以肥胖，有時野晚札醒因為好似有下好強嘅心跳。好多野都覺得我kick 死左，工作，生活，金錢，所有（都係事實黎）

咁新年就交左pr申請，考同買左車，同埋搬左屋都開心左好多，依家冇全basement ,成個人開心左，瞓得好左。


anyway 今日突然比人炒左（perm 工），4點叫我入房，汁左我d 野走，我星期六就飛返香港，所以我覺得可能揀1月31 同埋今日，其實老闆都卒左我一陣，又唔比我請sick, 又攞野鬧，我覺得之前係搏我自己辭職，咁就唔使賠錢，不過我個人好硬鏡同埋可以做到好低，佢有幾鬧我，我就比佢任卒之類。可能佢睇到炒我唔郁。（同埋多謝呢個comment 推返上去，令我可以呻，因為我真係好需要，平時都唔再講野）

因為咁耐以黎都冇請過任何一日AL. 所以賠嘅錢都多，然後會拎埋失業救濟金（返黎先申請） ,不過返香港呢段期間我都會搵工，同埋延長知holiday如果有好offer 我都諗下下一步係點，我覺得今日仍然係有唔開心，但好多野預料之內，你地d 人中意點話我就點話，但我覺得可能都係返香港搵工，然後不斷offshore 搵呢邊又好，過黎加拿大拎住EI 都好。

咁係香港搵加拿大嘅工，搵到先返去？
希望申請pr一切順利

多謝你～！

應該會留多陣係香港，然後一直搵offshore 工，拖長知假，
應該三月中/尾返加拿大，然後我就一路攞失業救濟金，一路搵工咁樣，應該拎完其實都差唔多申請到PR,申請完PR 我就再諗下一步，不過真係未知。

我都好迷EI 係點拎，不過呢排都可以放鬆下啦終於，我本身係想做到六月都會辭，因為咁樣就有三年工作經驗，不過依家佢炒我都可以係另一個斬欖嘅好機會。同埋我斬上網搵其他人睇吓有冇意見可以比我。

我覺得好搞笑係我地新屋成間屋依家所有人都係自己辭職/比人炒，或者比人cut鐘嘅，搬左一個月都冇，依家成屋人都係失業狀態

如果搏炒怕唔怕整花 job reference之後難搵工？

我暫時真係唔知，但我冇搏炒啊，我知道有d 人會真係做d 咁嘅事 唔知佢地點做，不過我計過拎ei 都唔錯，job reference 方面，暫時都知道好多龍頭大公司比人炒個d 都係寫shortage of work/ layoff.我冇乜所謂，本身有諗過如果claim 唔到 ei 返香港就唔反黎了，但claim 到，計過條數覺得留係度都有賺，仲有得退稅。

因為長遠唔會留係加拿大，諗緊到時攞到pr 都差唔多claim 完ei, 到時可以穿洲試吓搵都無妨。辛苦左成年，一年得十日AL 嘅國家，一日都冇放過，一放就炒左，一過到黎就有工，其實我都未真正咁探索過呢個國家，拎住EI 去探索都好，或者到時返香港又得，但暫時覺得對citizenship 有莫名情意結。

如果真係返香港，reference check 已經唔重要，如果穿洲，我唔知，如果留加拿大，我暫時冇諗法點算，不過好想拎EI

啱啱追完post，覺得樓主嘅心路歷程都唔罕見，起碼連登都睇到唔少人灰機不過最後都睇唔明點解樓主對拎EI咁執着，為EI返加拿大有咩意思定樓主搵到工？