聽日就要移民了 (2)

冇辦法啊真係，你唔督促自己，都冇人幫到你了～ 自己休息夠就自己督促自己～ 人大了，其實就算係邊度，香港定外地都要自己督促，唔係靠屋企人，朋友，終有日你係要自己生活

多謝你啊～你都要加油～～！

黎加拿大第241日了 (今次update 有d 長 因為好耐冇update 了 下次會頻密d 呢排有d 忙，呢排諗好多野）

之前講到返咁多份parttime update 係全部比人炒哂了，三份，中餐，雪糕同奶茶。自己衰，因為返fulltime 以外都要做parttime 好攰，狀態差，但返咁多份工，草錢好快，依家要搵多份工，7月學完車可以買車了，可能平平地二手都ok,同埋其實我仲有返其他工下面再講，tldr 可以睇紅字我分享吓朋友搵工心得，希望幫到你

話說早幾個禮拜係pride month, 然後我咁岩個個禮拜比中餐炒左，同一時間搵到份做炒散嘅，pride parade 擺booth 賣性玩具。我其實好驚講比朋友知，因為覺得好多人都會用有色眼鏡望呢個行業，自己覺得係正當生意，不過都會怕人地嘅目光，但覺得過到黎社會開放d,同埋都係做一日，可以試吓呢d. 下面有d 相，係pride parade 影嘅，以前成日覺得外國人身材好正，會比較，但呢個parade 睇哂唔同人嘅身形都會比較接受自己～另外就係對於性呢個行業接受都多左，其實都係正當職業，覺得黎到加拿大好多性行業都比較開放，有好多都有法律監管，比香港更加接受，同埋安全。

同埋無論係做呢個攤位嘅時候，定係做珍奶，雪糕等等嘅時候都覺得呢度d 人都幾道德重，例如中學生想買d 性玩具唔會比佢買，同埋珍奶店好重視d 人百潔布絲會唔會係洗野個陣殘留，令客人食得唔舒服。係香港都有做過快餐，都覺得d 老闆求快，唔會太理好多細節位，賣得出，賣得快，賣得好重要d.




同埋我同朋友早幾日去左考celpip英文了，裸考，因為佢最近比人炒左，我想搵d 野做吓，佢係dse 英文3,好似係，可以全pass, 分數係listening 10, writing 9, writing 8, speaking 7,比大家參考～我考慮過ielts, 覺得以後會有用，但覺得都係兩年有效，celpip 快d 有位，同埋呢兩年我都係係加拿大，所以直接考celpip 了。

另外最近身邊那個人被炒了，但因為佢趕deadline 未儲好鐘關係，所以好急咁搵工，加埋我搵parttime 嘅心得以下歸類幾點希望幫到人～

一定要準備cv 見工，唔好直入諗住人地請
做reception/前台個類通常通常請返女仔，講通常因為某d 行業難請d, 例如性玩具之類，見係男仔都會唔理你了
趕deadline 想快搵工就去樓下younge 街，pacific mall, 個類直入鋪頭交cv, 唔好上indeed 等啦。
趕deadline 就要預左返華人工，華人工通常做野快，規模細，可以即請朋友嘅工佢都係靠51.ca,同埋約克論壇睇，打個電話，email 都唔使，即刻請，第二日返工，我地都有試過tg group 有推介工，同埋facebook 個類，但趕deadline 可能做住勞動工先，之後再騎牛搵馬。
我之前share 過嘅cv, 同埋幫朋友整嘅都靠chatgpt, 回音高，hi覺得寫嘅時候真係可以參考
參考係奶茶店同中餐係華人，佢地都係即時請，先有試工，之後就做，然後雪糕係西人公司，交左cv 兩個禮拜之後先有interview, 再兩個禮拜之後先training, 之後先做，做個陣我已經係奶茶店做左一個月兼比人炒左。

朋友原來之前用canva 整cv, 出jpeg cv, 諗住加拿大會中意d colorful d 嘅cv,咁樣回音好低，因為圖像cv 篩選唔到字眼，用返pdf 個類會好d~而我都覺得佢好叻的，只係一過到黎可能英文唔好，好冇信心所以咩都做，做過倉又做過清潔，但至從最近我鼓勵佢多d 搵返本行或者唔咁辛苦嘅勞動工之後，佢好順理咁搵得返本行，由勞動最低工資，做到文職有專業嘅工。我想表達嘅意思係，唔好因為英文唔好所以冇信心搵到好工，好多人都唔好太快落定論，例如經驗少所以唔敢搵高人工，過到黎一定要由低做起，冇人脈就一定入唔到大公司。

我呢位朋友係比勞動工炒嘅，佢之前好唔開心覺得咁低門檻嘅工都比人炒咁樣，我覺得自己身邊好多人都係咁嘅際遇，然後好唔開心，但我覺得你係大學畢業，做開文職就做開文職，唔好諗住挑戰做勞動而又做得好。如果係諗住做住先，就係做住先，唔好諗住要成為叻嘅員工，留係呢間公司，因為會浪費左自己，為左stream b 所以一年冇做本行，最後入唔返本行係浪費左四年嘅學歷。最後可能勞動工都係話炒就炒左你

好多人都呻自己覺得呢度係nobody, 唔開心，懷才小用，希望呢個比到你少少動力，係自己令自己懷才小用，盡力自己搵返本行工～～大家加油



早幾日係加拿大嘅國慶，我地早幾日去左釣魚，一直係香港都好想釣魚，但都冇乜地方，朋友想同我釣～黎到有機會釣，呢個活動第一次參加教會嘅活動，係身邊那個人推介嘅～感覺教會都係一個易融入社區嘅活動，除左自己做義工同埋工作之外，聽過有好多人有不愉快經歷，我係香港有過不愉快，但黎到都係第一次參加，覺得還好～身邊那個人個時未搵到工，係教會都搵到人refer, 所以我覺得如果想靠教會識人有工作唔係話唔得嘅～但我自己真係唔中意祈禱之類，玩就得～


車我嘅同事話要離開加拿大，我好唔開心，依家又煩返工點算，冇公共交通到，我請佢食最後一餐飯：


分享最近嘅生活小相片，我去左野生動物園

勁到

動物園O唔Ok
定其實都係普普通通冇咩特別野

Canva可以出pdf

由勞動最低工資，做到文職有專業嘅工

介唔介意講多少少你朋友本行係咩
最低工資工佢有冇落cv 當local exp？
有啲人話有用，但文職工作同勞動工差咁遠，真係有用咩

而家應該唔使趕住儲鐘啦 可以放鬆啲慢慢搵
嗰邊二手車大概幾錢到？連埋保險油錢好似都係一筆唔少嘅支出

除咗教會，點樣係加拿大識多啲人 even唔同國藉
同事好多都係indian 已經成咗個community 好難真係融入 同埋年齡都差得大 做唔到朋友

仲有，我都想知二手車咩價位，想買架車weekend 周圍去下

大家都好努力～只係我會講出黎做左d 咩，好多野大家努力左都唔講出黎～我身邊好多人都努力緊

都幾ok 啊（加拿大質數黎講）40幾蚊，我十點去玩到佢4點幾山門都未睇完，有唔同show 同埋d 動物都幾野生，唔係瞓覺，同埋好重視講保育嘅野～～！！我推介的

佢衰

換左四份工。最長個份有寫，其他兩三份冇，純粹想寫local experience 咁樣
係嘅，係勞動工，但我叫chatgpt gen 份cv. 你可以同佢講，叫佢盡量寫到文職d, 例如佢會嘟barcode, chatgpt 就寫到data entry d 咁樣～

嚟咗幾日感覺都好正 天氣真係好好好舒服 同埋生活節奏都慢啲
而家bnb 嗰區環境好好 似係啲富人區 環境好靜同時又好方便

開始睇樓就感受到呢度嘅物價同車嘅重要性
租樓本身選擇已經少 要揀交通方便嘅就更少 聽有車嘅fd講租遠小小啲地方又平又大 所以都諗緊快啲儲錢買車
新移民嚟到冇工又冇credit history 真係好劣勢 就算肯交一年prepay都好大機會俾人turndown offer
同埋一年prepay 都唔少錢 好抗拒一嘢掉咁大舊錢出去

想問下樓主有冇渣車？
冇車建議一開始落腳邊區？

準備入地獄

樓主對性玩具好有興趣

佢見到消息一出成個人放鬆左 我都為佢開心，多謝你啊

二手車都貴啊，如果18 年打後都大相要17000up ,要睇公里數同年份，牌子，我覺得唔平，但我可能會買d 再平d ,舊d 嘅二手車,因為finance 好唔抵，我寧願一係lease 一係就full pay.

係好大嘅支出，所以我最近都諗緊不如轉工，而唔係為左份工去買車，不過都係諗緊同搵緊工嘅階段，有offer 先再算

你可以上kijiji 同autotrader 睇 你想要嘅二手車價位，因為公里數，年份牌子唔一樣，都已經好大分別，所以好難講

我聽過人話要融入indian 嘅圈子唔容易，但要盡量融入，因為佢地嘅力量同圈子真係好大，會幫到你，但我的確暫時未融入到。

識人嘅話，可以由香港心開始先嘅，我覺得會比較易，tg group, 或者facebook group 周不時都有d 小型聚，連登都有，參與下～或者就係一d 政治活動，例如呢度好興一齊睇電影，或者政治聚會之類。

如果想識local , 我就係做parttime, 或者有時去gym上堂都會識到，有join 過義工，但好高要求，要有車，有時間commitment 先做到，我覺得十分難。另外我個人幾中意玩boardgame, 中意到會出去識一d discord group 識人去玩。 我覺得係睇你有d 咩興趣～

希望幫到你吧～～

呢個都係一個好大嘅成長，要學識點樣面對自己嘅憂慮，孤獨都係一個自己黎移民其中一個好大要學識嘅事。所以你要加油！～ 有咩事當然可以上黎呻，同埋搵朋友傾下，但都要自己積極面對，有時有d 問題可能控制唔到，要學識隨遇而安～呢個係一大難題。

黎到之後我都有遇到你嘅問題，可能唔完全一樣，但租屋，屋企人生活狀況都出現問題，我相信你同人講一定會有人明白，唔需要自己一個屈住，都可以上黎搵共鳴。

anyway 想講自己都懷疑自己曾經焦慮症過，但我發現我依家學識控制自己嘅焦慮，令我成長左好多，我有時都仍然會控制唔到，手震得好勁，飲食唔受控制，同埋鑽牛角尖，但我其實都慶幸自己曾經有呢個經歷，令我比一般人更加洞察危機，更加你可以話快或者焦慮地諗哂所有可能性，結果，從而做哂準備功夫。