聽日就要移民了 (2)

加油樓主

多謝你，雖然呢d 野唔想係上網講哂出黎，但都覺得係自己移民生活嘅一部份所以講左，無論如何，依家心情好複雜。

樓主加油 過多半年就走 都唔知點算好
可能真係長痛不如短痛

西方國家既印度人，interview都幾乎只會請返自己人
美國H1B都係咁玩到爛

只係可能公司policy問題佢要扮野跟一跟

絲打

渣男嚟，分手快

IB 唔可以直接轉翻去HSBC ONE嗎？之後再轉去HSBC CA

分手唔怕，最緊要做得快啊

黎加拿大第86日～

最近有少少感觸，覺得開始體驗多左呢度嘅文化差異，我覺得最近令我最深刻嘅體會就係我唔識問人幫手。下面講左少少搵工tips, 我周不時都會係我個group同同朋友傾計間，歸納返d tips , 希望呢個post 可以總結比d tldr 嘅人～

最近生活都係咁樣，正常幾好，諗返，我之前諗到加拿大只係充滿雪山，冇乜城市，荒無，無發展，又悶又無趣咁樣，都幾大分別。感恩係呢度識到朋友，都係呢段期間開解左我好多

大慨想像係咁：



現實可以影多d 相比未黎嘅人，都唔係太差：





我最近發現自己唔識搵人幫手，唔識開口，我都無呢個諗法，唔想麻煩人，都唔想欠左人地人情。 我之前同左一個uber 司機傾得好熟，佢話可以揸我周圍去附近帶我買野之類，我一同香港朋友講，佢地話uber 司機無事獻殷勤。 uber 司機講左好多次之後我先終於去左同佢揸，佢帶我大家傾我好開心，最後請我飲tims, 然後佢就話，克啊， i always said i can bring u to the nearby supermarket, but you always thought i was bullshitting you. 我嘗試同佢解釋，我發現英文冇一隻字代表到「人情」，而且我發現我唔識同佢解釋 「有事鍾無艷，無事夏迎春」或者feel 「唔好意思麻煩到人」呢個慨念，我唔想我同佢嘅關係係咁利益，然後先發現呢種自己有事自己搞點係香港人諗法，外國人冇乜。

然後之前都有同大家講過我係公司老闆比人鬧個件事，佢嬲我唔當佢係一team, 有咩事唔坦白講出黎，係度避免比佢知我覺得都係一種唔想麻煩到人嘅諗法，之後呢幾日老闆同我開會又講我呢個唔肯問人幫手嘅問題，我之後同左一d local 朋友傾計，先發現原來佢地有呢d 諗法，我真係從來冇從呢一個角度諗過，成日都聽人講主動問問題係show 到你主動，但我發現係香港係show 到你辦事不力，唔醒目，有問題，唔識變通之類。例如我做好IT, 要處理好多TICKET, 咁我會覺得如果我唔識呢個TICKET, 係香港問上SENIOR或者MANAGER點搞，咪直接推左個波上去，況且佢地咁忙，都唔會想理我呢d 小薯做嘅細位啦，自己應該變通d 自己諗方法。但呢度，佢地會覺得如果我唔問，自己諗左個就算係成功嘅解決方法，但事先冇同佢地講，都係一種問題。

朋友同我講嘅野：


其實呢兩件事都好刷新我嘅價值觀。如果之前有朋友同我講，克啊，我覺得問人幫助好難，或者主動問問題show 到你個initiative, 我會覺得好明顯，好簡單嘅logic 黎姐，但當呢d 事嘅時候，我先發現自己係有比自己框死。

----------------------

工作tips 比tldr 嘅人 我有係群到講，但有delay post 上黎。

btw 好開心慢慢聽到呢個群都有人都開始有interview / offer 了， 我今日同朋友傾開佢都開始陸續有offer, 佢地share 左少少野比我，我呢度再歸納share 返，但呢d 都係我地好個人嘅sharing, 可以參考吓，但唔一定岩，希望有人都可以指正吓：

Interview 方面，
1. 呢度發現都好多公司test 你嘅價值觀，例如朋友比hr 問左條， tell me an interesting story, 我比人問左條： 我地公司有7個core values, 你可唔可以排序講邊個最重要。我地都覺得呢d 問題，最好講返工作以外，但可能係義工/上莊嘅經歷，最好圍繞返JD 上寫嘅一D 性格，例如TEAMPLAYER, 或者INDEPENDENT WORKING 之類。

2. 問題可以試吓GOOGLE SEARCH XXX INTERVIEW QUESTIONS ( xxx 為職位，例如Engineer, surveyor, HR Specialist) 通常first in 問呢d google 出黎嘅questions

3. 如果hr突然phone in 你，千奇唔好即刻爆肚in, 因為未準備好，可以同hr 講唔方便，陣間打比佢，再做（2) 然後準備好先打返會好d~

4. 朋友話佢interview 會錄低自己，然後聽返自己lo 唔logical 同時限，點樣做好d, 同人一齊練。同埋佢係做ui ux 嘅，佢話in ui 同in ux 講嘅self intro 都唔一樣，（實際唔記得講咩）但感覺香港職份一樣嘅工作係呢度都會分得細d.


offer 扭計
5. 攞到offer 之後可以扭計，以下係我個frd 教我，然後我再傳左比兩個frd 嘅話術，幫左一個人提高左offer, 但另一個人提高唔到，但仍然穩拎offer, 比大家參考吓：
你個offer 好好啊，我好有興趣做啊，但我上glassdoor 睇過類似職位會高（5~10%佢比offer 個價），i wonder if i can argue for more? / is this offer final 之類
朋友同我解釋話好好，你都表示左接受，但之後你可以同時試吓argue一吓，我朋友一個argue 到升左6%左右，另一個argue 唔到，hr 直接話，no, this offer is final.


interview 後reject
6. 如果有interview 但人地最後唔收，可以嘗試比封follow up email, 問自己有d 咩不足，呢度好興咁做，希望下次可以改好，令自己interview 更順利

7. 再者，問完之後都可以同佢地保持聯絡，例如add linkedin /coffee chat 咁樣，朋友都話呢度興完左之後，即使冇請，但如果之後佢地知道有更好嘅post 可以refer 返你咁樣，可以幫你同佢省略好多interview 嘅時間，因為都知大家background 咁樣。

完全係文化大不同希望我到時都順利有offer

巴打加油！我6月都黎了 呢排係咁諗將來會點

你冇咩打算啊～？

你有咩打算啊～？

會搵到嘅，唔好擔心太多，你要加油

但係個offer 你想唔想接受，因為文化實在太唔一樣了，呢度都唔嫌棄做藍領，同埋受重視行業同香港好唔同，上一個post 有好多藍絲攻擊我話去到外國窮撚做藍領，但我覺得呢度真係冇人會介意你咩工作，都唔會咁勢利嘅～

巴打仲唔瞓

係到諗如果長留 其實都好難買到樓置業咁
會唔會到最後都只係生存 唔係生活
啱啱去到外國嘅蜜月期梗係會令你覺得好爽啦
但之後呢？
所以而家心態當係working holiday先啦
我又未去過加拿大
都唔敢口響響話去咗就唔會返 可能凍到頂唔順呢
反正到時如果真係要返 我都仲係廿尾

好多嘢諗

呢排都因為成日夜晚禁電話所以瞓唔著

其實我同你諗法好似wo, 但我係真係未去到買樓嘅打算，暫時都覺得有好多野想試想做，可能落美國，可能之後反香港照顧父母，我覺得我都唔係口響響同人講移民就永遠留係同一地方，其實有好多選擇都唔使限制自己

另一個我發現嘅轉變就係我發現黎左真係冇人care 你有冇樓或者屋？ 唔知啊，暫時我聽d 人講未來有咩打算都係轉城市或者點，好少話買樓
你唔係自己一個的 有我相信大家都有呢種迷惘，但我都幾enjoy 自己一個有咩諗法都可以冇限制～

你幾月報？我都搞緊

多戲你追左咁耐，我都慢慢少update 了， 你飛去邊啊，加拿大嘅話可以做個朋友，自己一個出國唔容易啊～

黎加拿大第97日了

我好開心自己會識到有相同興趣嘅朋友，有人話黎到呢度大家多多少少諗法可能有d 似同埋都會有d 行動力，我好開心識到咁樣嘅朋友。識落好多人都唔知自己以後究竟會點，或者離開時都會有唔確定嘅諗法，以後究竟會唔會想入籍，入左籍之後又點，好多人都唔確定，但做左先，而且生活上都有好多唔開心，例如搵唔到朋友，冇野做，好悶，香港屋企人生病，但都保持樂觀心態，我好欣賞呢種諗法，同埋有朋友唔開心，我都會用心安慰同陪伴，最近聽到朋友話因為我所以先撐到落黎留係加拿大，就覺得開心自己安慰到人，因為一直對於人地嘅唔開心都束手無策，唔知比咩反應，但又唔想唔比反應個種，我做到嘅野只有聽～開心自己比到力量其他人～

另外工作都過左probation 了，工作都有少少壓力，覺得追唔上要求，同埋自知自己underqualified 嘅，不過過到probation 我都好感恩了～

最近聽朋友講，我都覺得係，就係生活係外國係悶左但開心左，日日只係煮吓飯，工作又一日，感覺返返去人應有嘅生活，好多野都唔趕，唔做住，都少左追求名牌同埋物質，反而研究多左煮咩飯好食之類，我都覺得係咁樣。

之前有少少社交疲勞，覺得有d 攰，每次同朋友一齊好次要提起精神咁樣，我到依家都有少少，好似剩係想同最熟個幾個相處咁樣，不過之後覺得都開心自己有咁多朋友嘅，只係以後希望自己嘅活動可以更多元d, 之後天氣變好希望可以行吓trail, 潛水，做義工。

同埋都反省d 人成日覺得多倫多冇文化，但我諗緊會唔會係一個文化特色係商業化出黎？姐係係d 人為左推廣旅遊業，而做？ 例如如果有人話黎得加拿大一定要去睇一次rugby,真係好有氣氛，好正架，可能有人就會去左，如果我話黎得加拿大，一定要食呢間餐廳，佢主打法國菜，米芝連嘅，會唔會有人就會版吸引？有呢個諗法之後，我嘗試用心感受每一日嘅小事，其實都有好多好特別嘅回憶係呢度～暫時未有車，只可以uber 同朋友去唔同地方，或者搵朋友有車揸過去

早幾日滑雪：

個日天氣好熱，d 雪係人造，上左個堂，包哂gear 咁，都幾好。


早幾日睇左superbowl, 學識左睇呢個運動，同埋一直係香港睇superbowl halftime show 都一直好有氣氛，想係外國睇一次，個日終於睇左。


仲去左音樂會，其實都彈得幾唔錯，香港都有去過聽，我你中意聽音樂會嘅人～一直拖未做嘅事琴日就去左聽了～


去左個trail 行（早幾日暖d ) 覺得好舒服～

黎加拿大第101日了

其實冇人復有時真係冇咩動力寫落去，但慢慢有多d 人同我講佢地點追我呢個post 得都好驚訝，因為係我第一個po 黎架姐 估唔到出左（2), 仲估唔到有人會追住黎睇，好多謝你咁有耐心聽我share 咁多野，追我d post.

呢排都冇咩update, 但突然有感觸上黎寫野，我突然諗返自己成三個月之前對於黎之前個刻嘅心情，（造成呢個post 嘅開始，好迷惘，未知，好驚）有好多未知，我怕識唔到新朋友，工作做到一半比人炒，或者會冬天唔夠暖好涷，好depressed, 自己一個，咩都冇依靠嘅感覺。因為之前去過大學d 外地做義工試過自己一個面對孤獨，咩人都冇，好驚，好靜嘅感覺，令到自己好depressed, 所以我都有擔心過到黎會咁樣。

但好慶幸係呢度識到好多朋友，我同housemate 相處都好好，有好多野可以講，令我知道點返到屋企都會有人係身邊。

另外都有識好多諗法相近嘅朋友，好多人想試好多野，想探索好多，對於未來又可以話有概括嘅plan, 但冇野定死，我好開心係呢度識咁多朋友咁諗。我係呢度識左幾個bestfriend, 而我覺得係香港好似冇咁易打開心扉，好似冇一個共同困難，或者大家都好急，好少同理嘅感覺，令交流變得好表面。

係呢度好多人都唔容易，我想盡力去陪伴自己嘅朋友，令佢地知道自己一個去到外國都永遠有朋友係身邊，支持佢，陪住，我可以聽佢地嘅唔開心事，可以陪佢地做其他野。我好欣賞佢地嘅樂觀，即使係幾有不如意事，都繼續， 會呻，但都繼續。

好多人同我講，自己覺得黎到外國賺錢少左（可能讀書仲會洗多左錢），但真係成個人少左物質，多左同朋友交流，日日如是地煮吓飯，做吓野，聽吓歌，洗吓碗，又一日。



驚涷個方面，我可以話黎到真係好涷，但我係香港每年冬天都會涷到發一兩次燒，一定會，但我到依家都好慶幸未涷到發燒，但d 雪真係好厚，覺得有25~30cm.但我都生活到啊！～ 所以都希望如果有追緊post 嘅人驚去到外國自己一個好擔心天氣，孤獨，希望我可以比到少少勇氣你～

睇嚟嘅日記睇到有啲眼濕濕，個原因好奇怪，希望你唔好介意，你寫日記嘅方式同我死鬼老竇好似，對生活瑣碎事嘅關注，對自己感情嘅流露好真摯，好似同你一齊生活，同你一齊面對加拿大嘅事，我格主個mon都感受到你嘅內心，希望樓主繼續寫，有一日加拿大相見

好睇 支持樓主