聽日就要移民了 (2)

有冇update 啊咁～ 希望係收左啦～

好多謝你既付出 分享所見所聞睇到有啲安心

有冇食深海魚 食多啲奧米加三 維他命D抗抑鬱

真係要建立運動習慣 冇咁易有seasonal depression

黎加拿大第185日了

冇update 一排因為真係好忙我諗我真係對加拿大個種新鮮感冇左了～之前有幾個禮拜因為續租冇錢比按金所以搵多幾份parttime 黎做，（之前有講過我黎加拿大只係拎左三千蚊）依家三份工咁樣。但我諗呢個情況我唔想長遠黎做，可能當係自我挑戰了解自己都好。

最近的確會覺得很想念香港，好想返去，點解要係度返咁多份工，起碼係香港都係同屋企人住先，少好多野煩，唔續租，比按金。人工又高d,但最後都係覺得自己條路自己揀的，可能係香港我反而會覺得無意義，未挑戰過自己（當時返香港份工係咁諗的，係中意個種舒適，高人工，唔怕比人炒，但都問自己，啊，咁就成世了嗎？個陣好似係disney 個套蜜蜂電影咁，咁我永遠就係香港兜兜轉轉唔同公司咁轉工，炒高人工嗎？）但黎到呢度又恰恰相反。

做左parttime 之後真係多錢左好多，我諗依家做左兩個禮拜就已經夠交按金了。玩嘅時間用哂黎賺錢，食又係parttime 度包埋，所以的確係好賺。

但冇哂自己時間，我仲要學車，一個星期一次，因為依家考加拿大保險試就可以早少少考車牌，方便我返那份在鳥不生蛋區的工作咁樣私人時間是少之有少。

了解自己多左，例如我發現自己可以去到幾盡，以後遇到咩事都唔會怕冇方法/錢，同埋其實會容易d 融入本地社會，識嘅雖然都係大陸台灣人，但的確了解多左其他香港以外嘅人。





最近都有煩租屋嘅問題，真係好煩，好多人見完都係覺得我間屋唔適合之類，對於我黎講已經抽時間兼職加見屋。我很心累啊



之前都有同朋友一起去montreal 啊， 慶祝他生日的～



anyway 最近狀態是很累，但很開心，想比一d 唔再係關於滑雪，但係一d 加拿大嘅風景相～ 同埋返工的一些照片啦～
公司朋友生日 我地一齊食外國食物：


montreal 日出（好多雲）


montreal 教堂


去左附近park 行吓

你是咪去多倫多啊～ 唔使怕，我都可以做你朋友啊，如果咁樣會令你安心d

呢度最煩係消費咁樣～？ 始終出黎自己一個人住同埋好多野都稅貴，但對於我黎講唔難適應，其他野其實都好樸素～

依家日日有食supplement ah ~ 但冇諗過係用黎抗depression. 純粹係健康d ~

呢排陽光多左，出街出多左。開心返好多啦，只係忙姐

講移民壞話係藍屍

其實我唔太清楚係咪是但搵間driving school ah, 不過我跟呢個師傅係有朋友推介的，佢都係靠呢個保險試就八個月可以考G2車牌了

保險試要做嘅野包括：
1.網上課程（30個鐘） 我識人會搵師傅比幾百蚊waive 左呢個課程，但我冇咁做到。
2.十個鐘嘅搾車課程同師傳

我全個course 係675 包稅，比較過都覺得係平嘅，你可以參考吓～～

唔係啊，我覺得身邊女仔朋友冇話恨拍拖啊，不過可能係我身邊d 朋友啦～
我其實都有聽一d 女仔好恨拍拖，但個d 唔係我身邊嘅朋友～
所以唔可以一概而論～～

我都唔知自己係咪講緊移民壞話，純粹係咩都照直講～enjoy 呢種生活嘅，可以係講緊移民好說話，唔enjoy 嘅係講緊移民壞話～

個教堂入場費唔平，咁都捨得入
幾年前無咁貴
不過係靚嘅

冇啊 同朋友去旅行開心就好～ 我都中意睇古蹟嘅 係的確好靚

黎加拿大第206日了

好多謝有人會中意睇我嘅分享～我都好中意分享～

前個排好迷好忙，好似加拿大斬掉重練，咁呢一兩個月就真係由負資產草錢草到有大概5000蚊加紙啦～咁我都覺得算係咁～我做左好多parttime, 有珍奶有畢雪糕，有中餐，平時正職就wfh, 然後放工同星期六日真係用哂d 時間黎做parttime, 我覺得好體驗生活，好青春同時，做耐左都好攰，覺得錢搵唔哂，做做吓就比少左更佢地，真係頂唔順，平時fulltime 返工係呆滯同諗唔到野。依家珍奶同雪糕店炒左我了～不過都唔打算再搵工，因為仲返緊中餐。

做parttime 時，我發現加拿大真係好睇重一個人做事嘅態度，我去到後期唔係做錯野，而係態度差，都唔係我想，而係做左一個零月，內耗得太多，冇時間做自己野，冇時間見朋友，好多時候要人就我去見我，多過我就人，我覺得可能鋪頭佢地都睇得出我冇乜力之類，即使做岩所有野都炒我，我覺得合理嘅。但做呢d 我都覺得幾開心，識左好多朋友，做吓d 畢雪糕沖野飲嘅工作都係我一直以來好想試嘅。但依家都有兩份，一份正職，一份parttime,暫時唔想再搵了。



我最中意自己沖嘅野飲係芋泥抹茶拿鐵奶蓋，最中意嘅雪糕係港式奶茶配抹茶

其實用parttime 去維持加拿大生活唔係唔得，最緊要個人覺得要搵到平嘅租金，我個陣一個禮拜返四日parttime(2個fullday 同兩個夜更），每個月可以賺大概1800 加紙～～10800 港幣左右我冇車，租金係850,住緊多倫多新手村嘅好舊嘅house , 水電我覺得呢度幾貴，大概係100蚊一個月左右，咁當係仲有900蚊去買餸煮野食之類，但因為我返飲食，所以通常都會返工食好多野/同事整好多野食，所以呢一兩個月嘅錢係fulltime 直接落儲蓄，而parttime 都仲草到錢，冇時間娛樂咁樣～

我呢排都草緊錢買車了，而且最近開始學車，上左五堂左右嘅保險試，預計八月尾可以考到車，希望到時自己可以草夠錢買架二手車，但依家冇哂parttime 覺得離呢個目標都有d 遠，不過唔急，最緊要自己生活得舒服～～



同埋之前講嘅租屋，搵roommate 問題都解決了，岩岩六月開始，舊嘅兩個roommate 已經走左，佢地平時唔清潔，好污糟，煮完野食唔洗，或者成日倒瀉外賣之類，好多次幫佢地清，佢地都唔認數，不過佢地已經走左，好好彩。而我都搵到下一個租盤了，都係新手村，係業主自己租出嘅semi basement, 比依家仲平，好感恩自己幸運但都盡量唔想同任何人夾任何野，幫人清潔之類了～

都係新手村，套房咁樣，再近少少條大街，800蚊租金，包水電媒，所有野，獨廁，basement 黎講算光猛，同埋應該係十年嘅house, 好好彩業主係會請人清潔廚房同埋雪櫃，剷雪同剪草之類，最近都見到有好多呢d 叫做唔錯嘅deal,(最平我見到係basement 600 包水玩媒車位係markham, 但同住嘅人性別唔夾，所以唔太想租個個）我覺得上telegram group 個d 其實好貴，我都係返parttime 識同事介紹,好感恩 下個月會住，之後再update 吧～

最近工作老闆都比左好多機會我再學野，開始覺得工作得心應手了～


唔知再講d 咩，希望夏天多倫多有多d 野玩～


呢個禮拜唔使返咁多parttime 之後煮多左飯，真係肥左好多，希望自己黎緊可以做返gym

Ho ball

樓主 加油 我男朋友都就嚟出發了

加油加油！～ 咁你會唔會過黎啊～？

10月如果順利grad

我琴晚買左機票了

Hello樓主，好多謝你會係度Keep住update自己生活比嚟緊會嚟加拿大嘅人睇

由你啱啱開post追到而家
我下個禮拜都過黎了
一齊加油

多謝樓主keep 住update
嚟緊都會過嚟
都想好似你咁wfh正職之外搵份part time 幫補下 儲多啲錢買車/去旅行 同時又識下人
但又好難平衡返工同出去玩嘅時間

加油啊～long d 唔容易， 要keep 住啊～
買左機票就唔好諗其他野了～一定會ok 的

Grad 有幾多錢準備