聽日就要移民了 (2)

樓主最近冇曬update??

講真個句 成個人好頹，愈黎愈唔中意加拿大，雖然唔後悔一年前嘅選擇，但都好冇信心黎緊兩三年留係呢度，我成日諗依家先20幾，我青春嘅時候，好想生活精彩，呢度係退休，頹活。 同埋，如果今日比人炒我係完全冇信心搵到下一份工嘅。

我有諗過update, 雖然仍然都係我嘅真實情況，我係加拿大生活開心/唔開心，我唔係返港叫人返去藍絲，但我都真係係呢度超級struggle, 我係香港未見過有IT 人打兩份工，我都見到D 朋友去歐遊去台灣，日本，我自己就連去MONTREAL (隔離省）都未有咁多錢，而且係悶十倍。

我同d local 熟左，傾多左好多計，佢地個個都係想去亞洲，佢地移民夢係想去亞洲，我地係想去北美。有朋友同我講呢個係一個國際scam, 依家個個想去澳洲，加拿大，etcetc, 但呢d 地方係以前d 國家比d 監犯坐監嘅地方， lol , 我地依家比錢去住，而且依家世界每個人好似都想移民一次，好似一個marketing 嘅移民scam, 令所有國家都至少賺一大筆一個人嘅移民金。education 係依家加拿大最穩定同埋最賺錢嘅生意之一。

我了解左呢度生活情況之後，整體就係以後會愈黎愈多人技術移民，勞動人口會愈黎愈飽和，真係好多人專業資格（尤其IT),然後失業，做飲食業（我唔排除佢地係真係想，但我覺得唔多人真係咁），呢度好多人都入不膚支，唔夠錢交租。

我最近同人講，冇人明，個個只係話係呢度生活質數低左，人工低左，草唔到太多錢，但個人舒服左，我聽到真係覺得聽落去好唔諗將來啊！其實我成日係度諗生活唔係應該要愈黎愈好架咩？ 簡單一句：下年完左租，我會住係邊啊？係咪仲係basement? 係咪仲要同人夾？ 住嘅地區係會愈好定愈差？自己有冇車？我三五年見唔見到自己有能力自住，建立家庭？工作上嘅進展係咪真係我以為嘅係加拿大提升競爭力？我好想反問佢地呢堆問題，我覺得直情會整崩佢地，或者答我 唔諗啦，咁快諗做咩。

anyway 會攞埋citizenship, 嘅原因好低能其實，其實真係因為我見到世界發生緊好多戰爭，我好驚啊，會唔會打到黎，打美國，返香港，打中國/亞洲，去加拿大。同埋我人生流流長（仲有大約60年嘅生命），以後邊個地方發生咩事我唔知，但每個地方會衰落，會進步，既然留左一年都會做埋佢。

我之後再update 啦，最近真係好頹好睇唔到係加拿大嘅將來，我會拎埋citizenship, 但留唔留真係唔知，任所有藍絲，所有人話我係點點點啦，但我自己覺得係策略性咁諗自己將來嘅事。

點解樓主你最近心態咁大改變，發生咗啲咩？
唔係想串你，純粹因為自己都經歷緊
最近諗可能都係回港算，係到過咗半年但越黎越睇唔到未來。

我了解左呢度生活情況之後，整體就係以後會愈黎愈多人技術移民，勞動人口會愈黎愈飽和，真係好多人專業資格（尤其IT),然後失業，做飲食業（我唔排除佢地係真係想，但我覺得唔多人真係咁），呢度好多人都入不膚支，唔夠錢交租。

That’s true 係可見嘅將來會越來越多高學歷新移民湧入加拿大
然後做min pay
某程度上成個就業市場環境同大陸一樣內卷

駁唔到，所以我成日都覺得捱本護照好on9, 你係果個地方唔開心，有本護照有鳩用咩，又浪費自己時間

其實你最後話拎citizenship, 可以避戰亂等等, 呢個就已經係加拿大係你心目中既價值
凡事有得必有失

移民去到另一個環境重新開始, 仿佛好似生命重新開始咁, 一向都係好艱難既事, 而且年紀愈大愈難
每個移民都經歷緊一樣既野
分別只係適應能力

我完全明白你感受
不過可能你捱到3,4年後就會有唔同想法

有冇group 傾下！！！！

生存同戰火中生存
邊樣易啲

用捱既話就4年後都只會一樣

你幾歲

走難仲諗咁多咩
走得去加拿大代表香港俾人炸到仆街喎

炸到仆街仲以為自己走到？，加沙都大把外國人走唔到啦

3頭啦, 未去之前搵得唔算多,又自己一個人,自由D
不過如果出去有個伴陪心靈上會好好多