聽日就要移民了 (2)

你最近點啊～去到新環境適唔適應到～？

你嘅講法，買車住遠d 我都有諗過，冇車冇credit history 係好麻煩，但過埋呢一年，下年就會好很多了～加油～

黎加拿大第253日了

今次冇咩好update, 但都覺得有時間就多d update ，下個月考車，會再update 考成點，睇黎都會fail, 但我又冇堅持話要一take pass.

反而呢排想分享吓自己嘅反思，呢掛成日諗獨立生活，自己原本有問題嘅屋企，其實我本來同原生家庭嘅關係唔好，我比較同d 姨媽姑姐，婆婆公公熟，一直以黎所講嘅屋企人都係指緊佢地。

自己原來嘅屋企有個啊哥，但係我眼中屋企人都係比較偏心佢嘅，由細到大都係,比較覺醒嘅一次係幾年前運動期間前，用緊同屋企人嘅聯名戶口，佢地拎哂我銀行嘅錢，唔想我繼續讀大學（話大學生冇前途），同埋唔比我返屋企，但同時係大陸買左層樓，買左架suv比啊哥。

但我覺得，呢d 對佢嘅寵愛，都成就左啊哥到依家都係一個巨嬰，其實我屋企人係我臨離開之前知道我黎加拿大，雙眼發哂光咁樣，好想我pr /citizenship 個陣寫埋佢地個名，開始同我講返野，係咁比錢我，但我都過返哂比佢地。

但有時諗返，點解自己屋企人比錢我唔想要，要返多份工？因為我覺得我唔想欠左佢地，依家唔收少少錢，辛苦少少，之後我連見佢地嘅機會都冇，佢地黎唔到加拿大，黎到都唔會搵到我，我可以永遠都唔使見佢地了，我仲記得第一晚係加拿大瞓嘅時候心諗，噢，原來離開就係咁簡單嘅一件事，我講左咁多年，依家剩返我一個了。

另外，我有時都諗返我啊哥，諗起自己一個離開一個toxic 嘅家庭真係好幸運，雖然辛苦，但唔係每個人都有呢個機會，啊哥到依家係香港都係靠屋企人比錢佢再出面租地方住，我今日係度諗，我真係想像唔到過到黎要同佢面對失業，搵屋，搬屋，落雪冇車，冇朋友，由零開始，冇錢嘅問題，覺得簡單至可能聽日返工要帶飯都係要我照顧埋佢咁。諗返之前佢面對疫情成家係屋企佢都會大吵大鬧，會掉爛野，打人，個次係我第二次覺醒，佢打啊公啊婆，打我，我報左警，當時好想告佢，但一諗到我搞咁多野不如直接黎加拿大，官司都唔想同佢搞。然後因為報左警，所以啊媽就比錢佢出去自己租同女朋友住，唔係話想同佢住，但我覺得佢黎到如果要一齊面對呢d 問題，都會類似咁樣發脾氣然後屋企人繼續幫。

有時諗，黎到我都係重新做人了，我唔會再好似細個咁怪屋企人偏心，所以我冇xxx，做唔到xxx，一定要做xxx，依家開始自己嘅人生的確由自己掌握，所有嘅問題都係因為自己，所有嘅成就都係，對自己負責了。其實我雖然唔希望發生係我嘅家庭問題發生同樣發生係我朋友身上，但諗返呢個的確係令我成長左好多，變得獨立，其實我係呢度遇到嘅問題最多係令我覺得煩，無奈，糟糕之類，但係香港遇到嘅係令我覺得唔開心，受困，委屈之類。

所以到依家我都慶幸我離開，我黎左八個月多d 我都係冇後悔，可能唔關加拿大/移民嘅事，但係佢比左我一個機會走

分享生活碎片：

最近沉迷zelda, 屋企附近跑步見到洛克果實：


朋友屋企個魚江係海綿寶寶主題：


搬左屋之後未買煲，依家日日食杯麵：


最近搵到其他賺錢機會，係做人體實驗,試一d 藥， 呢個study 已經過左期，但黎緊想試吓，再update.

人體實驗仲要講明華人，小心d

點解自己屋企人比錢我唔想要，要返多份工？因為我覺得我唔想欠左佢地

樓主唔好咁傻豬錢就緊係照收
以後你父母百年歸老，畀晒成副身家你阿哥，你就會後悔無收佢地錢
你亦都唔好因為收咗錢，就覺得有義務帶埋佢地嚟加拿大，因為而家係佢地償還緊當初對你咁差

你咁講好似有d 道理喎

欣賞樓主，enjoy your new life

會唔會返港

多謝樓主 大家都要加油～
呢個comment都十日前了
十日過去 準備搬屋 買咗啲傢俬 期待整靚間房 in咗幾份工 屋企人武肺好返了 考咗G1 識咗新朋友
雖然仲係會成日焦慮 明明乜事都未發生就驚一餐先
但係要相信日子會過得越黎越好

睇真d佢係話如果你參加，有機會有補償
即係好大機會99.9%做義工
唔死都唔知有冇得補

買咗咩車

個谷咩人都入得？

黎加拿大第286日了

其實呢個account 唔是我的，之前用黎登入嘅電話壞左，依家托人幫我post 了。

但因為唔係原po 樓主關係，所以冇得置頂，想問問大家想我用呢account 開過另一個post, 定係繼續住先～？ 定冇乜所謂～？
👍開過新post
👎繼續到p40 先

自己心情方面，最近天氣開始轉涼了，自己最近搬左屋有d 唔開心依家住緊shared house，所以會成日做parttime, 起碼唔會係屋企每日無所事事，但同時有少少感覺就係點解成個夏天用左黎返工，難得加拿大天氣好，用黎還債咁。自己一個住都比較孤獨，覺得好多時會唔開心，我以為自己會ok, 因為之前去exchange 自住同埋住過hall 都ok, 但我諗呢度比我想像差，真係可以全日唔出房然後唔煮野食，成個感覺似老人院咁，d 人又唔識咁。


然後都覺得時間過得好快，尤其每兩個星期出糧，加埋parttime, 我真係變左好期待星期五嘅人，但我都反思返係呢度係完全草唔到錢。第一年過黎就好彩搵到頂租，到我續租我就諗我要比一年down pay(呢度潛規矩咁)如果真係咁做我完全負擔唔起。之後我就將呢筆錢草黎買車，又砍掉重練，買完之後可以住遠d, 唔使比一年pay.


但其實覺得移民都唔係諗到咁美好，呢度就算慳住慳住洗，覺得都係一個圈套咁樣，第一年草錢down pay, 第二年草錢買車，然後未來十年草左嘅錢都係一筆過洗哂係買屋/建立家庭，計埋升職加人工都係一筆清，然後圈套咁，而我其實已經唔算最低工資，雖然未去到百萬年薪咁，但例如平時已經係有超市特價先買，然後返parttime 就唔煮，我都有返兼職賺嘅錢，同埋其實我都冇去旅行。之前係香港又staycation, 又成日去旅行，成日買新衫，新袋，返工放工lunch 同dinner會同朋友食飯，星期六日放假就去間貴d 嘅cafe 或者酒店食吓野，傾吓日常，去同朋友玩party room,做義工，又一日，一年都會去最少一次旅行。唔係話要完全一樣，但抺開左新鮮感之後，差別都唔細。

而係呢度其實我係度諗，我人工有20%比左稅，如果出去食野，消費稅13%, 稅上再比tips, 最少通常揀15%, oh,咁食一餐飯其實有50%以上嘅錢都唔係自己度。如果正常買野就人工稅20%,之後再消費稅13%.

之前講嘅考車冇考到，師傅話我咁樣一定fail, 咁我寧願慳返租車錢，蝕考試費，之後再update 如果考到車之類。

如果要我對比咁多份parttime工，我個人會咁樣評分：
西人工> cbc 華人工> 華人工
依家搵到份parttime 係西人工，感覺比之前兩份華人工都好。小事上面，例如華人工要求你有嘅時間都比哂parttime, 我fulltime 以外可能頂盡返32 個鐘，佢就真係要我返哂同埋編更有時會編左一d 我根本冇比到availability 嘅時間佢，會話我冇請假，但我不嬲個日都唔得閑，做飲食業連微波爐都冇，冇比食飯時間你等等，西人工，依家想請假都ok, 然後有tips 分成，彈性，好多人一個星期得一更之類，可以帶野食返屋企。總之好多小事，但整體會照顧員工多d. 我覺得就算cbc 都大概受呢度文化影響，公司都會chill d, 有得揀國籍嘅話，問心個句我覺得大陸人>香港人>台灣人， 可能有biased,但之前遇過台灣人真係最西，然後大陸人個份最好。我聽過好多香港人用「過黎幫返香港人」黎情勒/利用香港人，比最差嘅待遇，自己好似救世主咁，自己冇親身體驗，但身邊好多人都係咁樣。我覺得有得揀就揀西人工。

然後我覺得其實所有工都有某程度嘅歧視，最近返西人工，呢間算好diverse, 但聽好多同事話其實知道老細係asian 嘅時候都預左自己唔會比人請到，都岩嘅，有幾多間奶茶鋪會請西人，而我最近係度再想搵一d 高級酒店餐廳侍應嘅parttime 做，全部都冇回音，發現呢類西餐全部都係請西人同黑人多，我覺得道理係一樣，個stereotype, 類似係諗吓呢個膚色/樣貌/性別/年齡會唔會似係代表到呢間公司。


anyway 依家有一個account 可以比我借用我再update 多d

最近生活碎片：
黎左加拿大就快十個月 先黎niagara


公司summer picnic 同事拒絕參與公司活動，食shisha


去左太陽花園


加拿大壽司，牛油果當刺身，明明我以前覺得呢d 係明將級，依家只係想排隊食壽司郎

愛丁堡點架～？

感謝感謝大家加油～

我覺得我冇限制人入啊～

我之前個account 登入唔返了，所以一直復唔到，但我希望黎緊會聽到你嘅好消息啦～～
聽落你一個月前已經生活開始安定了，希望你情緒都愈黎愈穩定~ 得閑上黎update 吓啊～～

日子會過得愈黎愈好的，你嘅生活都會愈黎愈好，呢個都係我目標，希望每搬一次屋，每轉一份工係愈黎愈好

我諗你講得岩，最近佢成日打黎，都入左spam call 好彩當時冇去。

咁點解仲要留？

國外嘅多人都係比起香港日常爭好遠，我依家完全想像唔到自己返香港會點，可能會有少少人群恐懼。