唔經唔覺,已經第二十個甲章,讚一下自己。究竟喺第三十個甲章之前,會係我收皮先,定係隻Game收皮先?
依家有少少時間,講下今次活動。
我覺得今次活動唔算難,至少冇上次要大武鎖頭咁難。但我知咁講,可能有啲人會唔高興,道中真係幾恐怖。但係我諗呢個,就係一個社畜提督嘅優勢,打窿,女神,間宮,全部瞌埋眼課落去,咁樣做,真係可以慳好多時間,同埋最重要嘅,保持住好嘅心態。
我諗,今次活動之後,好多人講嘅,就係二號機問題。我覺得以下嘅二號機,真係好重要:
BB: 大和重,長陸
CA: 最上
CL: 夕張,矢矧(矢矧二號今次發揮機會唔多,但係之後會有用)
DD: 天霧(三隻更好),大發手(満潮/霞/Bep,呢三隻更加係有四對以上都唔過份)
另外有多幾架武裝大發會有用
好笑地,係睇到Nelson係幾咁快跌落神檯,之前大家仲好熱衷去撈二號機,但我今次,連佢一號機都未出過。大和改二嘅影響真係太大,關底,除非有咩特別倍卡/帶路,唔係嘅話,大和似乎係唯一一個正確答案。但係大和唔易拎,更加唔易升,你要點樣令到新人(動畫之後可能有)點追? 更加唔講二號機。
諗到有嘢想講再補充。