上回講到細蚊見有幾個背囊!就睇睇有啲乜喺裡面!
大家都打開摷摷!有糧食仲有啲藥!
仲要唔止得止痛藥!仲有特效藥!
竟然搵到有用嘅嘢!
細蚊再摷摷!就摷到本日記!
打開裡面睇睇!寫日記嘅同一個叫阿希嘅人一齊搭黨鐵尾班車返到入嚟!全個世界嘅人都消失晒!
就好似細蚊同Cherry咁!
佢哋向住Vcity方向行!係細蚊佢哋冇行過嘅地方!
然後天氣好焗!就入咗M記抖抖!
裡面又係好正常咁!只係好似啲人突然消失晒咁!
又係呢種...一秒全部消失嘅錯覺...
事實並唔係一秒全部消失...假如有命過多幾晚...去到有古怪字符嘅地方...
“我同阿希見出面咁悶熱...都諗住拎啲嘢食...斟啲可樂飲...喺金拱門裡面坐住邊食邊飲邊等等...睇睇會唔會有人...但等咗成個鐘...仲係一個人都冇...”
一個鐘都遇唔到其他人...又遇唔到怪物...係好彩定唔好彩?
“我哋等咗咁耐都唔見有其他人...就打算繼續行返屋企...咁啱我哋都係住同一個屋苑...所以就繼續一齊行...”
同一個屋苑...即係住邊呢?
“我哋繼續行...發現路經嘅便利店...廿四小時營業嘅店舖都如常開舖...所有嘢都好似平常一樣...就連好似Victy嗰啲商場需要開放嘅行人通道都仍然開放...只係冇人...都仲係遇唔到有人...”
最重要都係遇唔到怪物姐...唔係嘅話你都冇機會寫日記啦...
“而當我哋行過條橋...行過咗輕鐵路軌...行上月台睇睇...雖然已經停止服務...但全部都好似平時咁...凌晨返到嚟屋企樓下呢個輕鐵站咁...所有嘢都好正常...就算冇人...都好正常...”
行過條橋...過咗輕鐵路軌...係...蔡意橋?
跟住嘅劇情發展又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~