各位早晨
星期三總係好眼瞓
上回講到細蚊佢哋四個入到醫院!明顯唔對路!好似大戰過咁!
咁大鑊?仲有冇資源重生吖?
再行入啲睇睇!food court裡面勁亂!又冇食材!
唔亂都冇㗎喇其實!睇睇七仔嗰邊啦!
但一望過去,七仔個招牌都爛嘅!裡面又係亂到乜咁!
俾人洗劫晒!乜都冇喇!
點解會咁㗎呢?Cherry諗到個問題!究竟係因為俾人搶掠先唔再重生?定係因為冇再重生先會有人搶掠?
Cherry好有想法!細蚊就諗到個個死都唔係問題!Cherry一定唔可以死!
話唔定Cherry就係人類唯一希望!
大家再去藥房睇睇!但行到過去都覺得希望渺茫!
「果然...」Chris用電筒照照啲藥架...
橫瞓喺地上嘅又有...疊埋一堆嘅又有...
阿Jill行入去再睇清楚:「都係好似打完仗咁...」
係...亂到乜咁...
Cherry都行入啲...再睇睇:「但話唔定...都仲有啲藥...」
『Cherry!』細蚊行前兩步!跟住Cherry!『小心啲...』
Cherry點點頭:「嗯...」
佢哋四個就開始喺亂到乜咁嘅藥房裡面搵搵...
『係呢...其實我哋有冇話要搵啲咩藥?』講起上嚟...又好似冇提過...
阿Jill一邊喺地上搵...同時又要戒備四周:「而家咁嘅情況...有藥都拎走啦!」
啱...你啱...
Chris都喺阿Jill身邊一邊戒備...一邊喺藥架之間搵搵:「不過最重要嘅都係...手術用具...」
手術…用具...
阿Jill都點點頭:「例如手術刀...鋸...針線...針筒...麻醉藥...特別係...止血夾血管鉗...」
特別係...止血夾血管鉗?
跟住嘅劇情發展又會係點呢?
準備出文