上回講到細蚊提議去屯門醫院搵醫療物資!
因為屯門醫院啲物資會重生!最穩陣!
大家都唔係好想!話屯門醫院先唔穩陣!
距離咁遠!都唔知會唔會俾人伏擊啦!
Cherry話咁不如一槍打死女皇啦!
細蚊阻止!話冇權定人生死喎!
講笑咩~殺咗咁多人先嚟講呢啲~
嗱細蚊係冇殺過人㗎!就只有殺怪物姐!唔信自己重睇啦~
唔係為救女皇,都救倫仔啦~
而且大家都需要搵返啲醫療物資返嚟!
咁就決定好去屯門醫院走一轉!
Mia留低睇住!佢哋四個拎齊晒裝備...各自孭起個背囊就行出體育館!
一出到去...
“灑灑灑灑灑灑灑灑灑灑灑!”都仲係橫風橫雨...落狗屎咁!
阿Jill同阿Chris就帶頭:「趁住有風雨掩護...我哋行快啲!」
細蚊就同Cherry一齊跟住阿Jill同Chris身後跑!
都係嗰句...細蚊呢個路痴真係唔識路...只係跟住阿Jill同Chris身後跑...完全唔知跑緊去邊個方向...
不過有佢哋兩兄妹帶路...跟住佢哋就冇錯...
至於細蚊...都係好好顧住Cherry...
Cherry選擇同細蚊一齊冒險...細蚊絕對唔可以讓佢遇險...
“㗳㗳㗳㗳㗳㗳㗳㗳㗳㗳㗳”佢哋四個身影...就喺雨簾之中踩住積水咁奔跑!
水面高度都浸過腳...跑起上嚟都唔容易...
好唔容易先離開咗基地範圍...開始出到嚟一個唔安全嘅區域...
阿Jill同Chris明顯比之前更加小心...提高警覺!
細蚊同Cherry亦都一樣!
喺呢種隨時冇命嘅環境之中生存咗咁多晚...早就已經將危機意識撻著...
只係...只係唔知仲有乜危機喺前面等住佢哋...
跟住嘅劇情發展又會係點呢?
準備出文
Cherry捉一捉實我隻手...點點頭...
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~