【亂禁寫】《與學生妹搭黨鐵尾班車入屯瞞...咁就出事》(23)

Chris一手拉開個藥架...擰擰頭：「睇個情況應該唔會有...要搶都搶晒...而家呢度嘅物資都唔多...」

『喂好難講吖又！話唔埋又會有人好似我哋咁唔知頭唔知路過咗嚟先知呢度早已經俾人搶掠一空！』有啲嘢唔試過係唔知㗎嘛...

Chris繼續搵搵：「咁唯有提高警覺...」

一直都提高緊啦...一直都係一邊搵...一邊聽聽出面有冇異樣...

Cherry好用力咁想拉開橫瞓喺地上嘅藥架：「人類真係好奇怪...點解要搶奪呢？唔係應該諗共生方法？」

我都過去幫幫Cherry手...

二人合力...終於都將幾個橫瞓喺地上嘅藥架拉開...見到有幾盒藥！

阿Jill點點頭...再用電筒照照地下：「有人類就有戰爭...人類就係咁嘅生物...」

Cherry執起地上幾盒藥：「自相殘殺...」

有人類就有戰爭...自相殘殺...

係唔係只有我哋人類先係咁？

又唔一定...

喺地球上...總係弱肉強食...適者生存...

當中唔單止係唔同物種同唔同物種之間...就算係同類...都會相殘...

我唔係動物學家...我唔清楚有幾多種生物會係咁...最起碼有一種...我哋常見嘅...鳥類...

鳥類係會捕食自己嘅同類...

會食佢哋嘅蛋...雛鳥...

體形龐大啲嘅甚至乜鳥都食...

真真正正嘅自相殘殺...弱肉強食...

所以自相殘殺並唔係人類專利...

問題係...點解人類會自相殘殺...咁戇鳩？

雀仔個腦咁細...諗唔到唔出奇...但人類係高智慧生物...冇理由諗唔到自相殘殺...長此下去就只會自我滅絕！

我哋人類係高智慧生物...可以製造出大量具毀滅性嘅武器...

自相殘殺嘅話...一發不可收拾...

喺一瞬之間...就會有一堆人蒸發...

人類冇理由咁都諗唔到...諗到就唔會自相殘殺咁戇鳩！

咁講法...或者係我哋人類嘅智慧冇我哋自己諗得咁高...

喺黑漆漆又亂到乜咁嘅藥房搵咗一段時間...

真係唔算搵到好多藥...

阿Jill將幾盒藥放入背囊：「都係得啲止痛藥...消炎藥...」

Chris都將幾包藥放入背囊：「應該仲有其他...我哋拎到返去先睇睇啦...」

返去先睇睇...我就真係唔識分...都係睇佢哋啦...

大家都將搜刮到嘅藥物都放入背囊後...

「繼續行...」Chris就帶頭！

我哋都跟住Chris身後離開藥房！

喺黑漆漆嘅醫院裡面...用槍上嘅電筒照住嚟行...

『我哋下一站係？』我都左照右照...照照通道...

咪撚俾我照到啲奇怪黑影吖...真係好撚驚驚吖...

Chris照住前路：「急症室...」

『係急症室...係要去搵手術用具？』頭先就有講過...手術用具都喺手術室同急症室...

「嗯...」Chris點點頭，「都係快啲搵咗手術用具先...」

阿Jill都拎住支手槍，跟住喺Chris身邊邊行邊照照：「啱吖...無謂夜長夢多...」

Chris一行到轉角就立即靠近牆邊！再探頭睇睇出面：「如果急症室冇就麻煩...要去手術室搵...」

手術室...要行好遠喎...

雖然唔知手術室嗰邊係咩環境...但而家成間醫院都好似鬼屋咁...越行得多地方...遇到危險嘅機會就越大！

Chris再帶頭繼續行：「好喇...差唔多到喇...行快幾步...」

我哋四個繼續小心翼翼咁急步走...

而家呢邊...又光猛少少...

起碼頭頂都有光管係著嘅...

視野廣闊啲...可以睇清楚周圍嘅情況...

大致上都係得個亂字囉...

唉咁仆街喇...睇嚟急症室都俾人洗劫一空...

好唔容易先俾我哋走到過嚟急症室...一睇...

裡面又係一地雜物...啲凳又反晒...檯面亂七八糟...又係亂到乜咁...

Chris就行多兩步，開始搵搵：「盡量搵咗先...」

大家就開始喺亂到乜咁嘅急症室搜索...

啲櫃又俾人打開晒...反晒...裡面乜都冇晒...

檯面同地上都係得啲雜物...

雖然我都唔知要搵啲乜手術用具...係點嘅樣...但就咁睇...乜鳩都冇...

阿Jill喺個櫃裡面拎個盒喺手...打開睇睇：「冇...」

Chris又係啲櫃裡面搵搵...拎幾個盒出嚟打開睇睇：「都係冇...」

Cherry都喺櫃睇睇：「都係得啲...消毒藥水...仲要得半支...」

阿Jill點點頭：「半支都好...仲有冇其他？」

Cherry繼續摷摷：「有啲綿花...紗布...」

Chris點點頭：「都好！拎咗先！」

都好...都真係得好少咋喎...點睇都唔夠用...

要再搵多啲...希望仲有多啲物資俾我哋搵到啦！

我都好努力咁搵...摷嚟摷去！翻嚟翻去！啲櫃同雜物堆都俾我搵過...但乜都搵唔到！

有時候真係...係冇就冇...再努力都冇用...

就喺再睇睇空空如也嘅櫃...再喺雜物堆當中搵搵有冇有用嘅物資...我就望到...

望到喺病床旁邊...放咗幾個...

『背...囊？』

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 09－背後目的] PART 09

行近兩步睇清楚...三個背囊加一個大斜孭袋都放得好整齊...又好似...滿滿咁...

我就行到埋去...睇一睇...再拎起其中一個背囊：『好重...』

已經將[Day 09－背後目的] PART 08 Upload上Penana

應該係搵到外勤急救背包，A&E醫生出意外事故現場用果種，入面會有止血用具同手術刀。。

另外，平時手術室係唔會有手術儀器，剩係得麻醉科儀器，因為手術儀器係因應進行那類手術而配備，手術儀器平常會存放在低溫儀器倉。

不過就咁睇 重要嘅物資都已經俾人搶掠一空

咁似第一次去醫院嗰陣嘅

係有啲似喎
不過嗰陣冇咁亂

晚

木各身尚晚
上完堂喇？

天台有架電既直升機

橫風橫雨喎

仲做咗一陣野
係時候返舊居啦

順唔順利先

essay嚟 一般啦