上回講到細蚊佢哋四個就冒住大風大雨咁潛行!
移動速度慢咗!細蚊就趁呢個機會問問Cherry尋晚好狠喎!
原來Cherry父母都因國安法受冤獄!
Cherry成年都要喺親戚屋企暫住!
難得捱到同父母團聚,而家又搞成咁!
都好吖~有明事理嘅父母~細蚊就冇Cherry咁好喇~
細蚊老豆藍到黑!就係唔想返到去面阻阻先搞到晚晚咁夜返!結果就嚟到呢個恐怖世界!
Cherry深明細蚊嘅難處!好支持佢!
都話佢哋係一齊㗎啦~
差唔多走到去醫院,阿Jill想望清楚,但又大雨又黑,點睇都睇唔清!
再行近啲!應該就冇其他人又冇怪物嘅身影!就行快幾步!
冒住橫風橫雨極速狂奔!然後就喺雨簾之間...開始見到醫院...
Chris舉起支突擊步槍咁衝!
細蚊同Cherry都舉起突擊步槍!左瞄右瞄咁跟住Chris同阿Jill身後衝!
冇異樣...雖然大雨到乜都睇唔到...但應該冇異樣!
佢哋一衝入醫院門口!再喺陰暗嘅環境之中用突擊步槍指指!開著電筒指兩指!
好明顯佢哋全身又淋到濕晒!滴晒水咁!
而啱啱喺室外衝入室內都未發現...
發現啲乜?
發現而家喺醫院裡面...都係幾陰暗...
頭上嘅光管...有啲壞咗冇著...有啲就閃爍閃爍...
點解...好似有啲...唔對路?
跟住嘅劇情發展又會係點呢?
準備出文