【小確幸愛情/微甜】殘酷暗戀物語

《殘酷暗戀物語》已連載完結，
再次感謝各位讀者一齊以來嘅支持、教誨同鞭策，
遲啲有機會可能會出感想文，
有興趣嘅歡迎follow我IG: midnightdessertstory

未來見

冇對清楚排版就出咗大結局文，sad咗，大家可以skip #201，直接睇#203
內容冇變，但可能觀感有異

岩岩睇完，每個角色都好用心去寫，心理描述細節都好好。
不過我要訓覺，聽日再講。

一次過追哂尾幾章好好睇

大家都幸福

覺得好奇異，初戀同現任
感情真係好複雜，初戀好似好重要，但同時間現任又好重要

早啲休息身體好期待你嘅評語

多謝巴打追到最尾

感謝鐵拳巴打睇到最尾
懂得放手同懂得珍惜，
先至能夠留低最美好嘅回憶。

正如某男主角所講，
或者，人生最美好的時光，
只會發生在分秒之間，
但往往最困難的，
便是懂得及時去享受這一剎感覺。

當然，呢段說話都係啟發自林家謙首在半空中的這一秒。

感情有時候都可以好簡單㗎，初戀同現任都係個人成長嘅一部分，兩者邊個重要啲，又何苦比較太多。

睇嚟巴打好有歷練

冇咩歷練㗎咋，都係聽歌學返嚟。

我由頭再看，畢竟評論要用多幾倍心力。

結構上:
前後呼應得好好，首章已經埋線索，有旅行，有男朋友，有煮飯。同最後一部結尾產生呼應。呢個應該準備好晒先落筆。
有好多故事結構鬆散，就係前面無伏脈，後面突然爆一個人，或者加插一段解釋。成件事好牽強。有啲前面吹得好大，架構宏大，埋好多伏筆。但完全冇考慮點收科，點連結，一味吸引人追故，最後爛尾。
對比不負責任嘅作者，你呢方面寫得好好，結構非常完整。

角色上：
角色出場順序和方式有細心設計過，分三部，每部第一人稱，層層揭開。如果人物次序顛倒，個敘事會冇咁精彩。由細到大，由淺到深，慢慢煲滾水方式，呢方面寫得好吸引。
每個角色都有關連，呈網狀結構。唔似其他小說，呈線性角色用完即棄。角色具多重身份，不停反復出現先深刻，令人記得你個角色。訓導主任，區嘉桐，都令我深刻。佢哋都有自己故事，如果連叔叔都有，有埋自己一套故事就好玩。

故事上：
設計唔錯，好多細節顯示到角色特點。第一部主角時刻關注女性身體，睇得出佢都幾咸。打韆鞭，食飯等等描述得細膩，有啲場景反覆出現，加深到讀者記憶。劇情重疊又唔會重覆太拖，不同角度講翻成件事。 校園幾段畫面描述得似日劇。

表達上：
敘事手法用喺呢個故事好適合，三個角色都有足夠多心理描述。至於動作互動方面，有好多場景都好深刻，例如:球場。一個故事有一兩個名場面已經好成功。唔會睇完就唔記得咗。
作者鐘意咩手法表達，視個人風格喜好，只要睇得明，我估讀者都唔介意。唔駛怕創新。

整體上，好有水準嘅作品。多謝你畀所有讀者一個咁好嘅故事。
個人喜好歡樂嘅故事，故仔唔算好殘酷，每個角色都有自己嘅美好結局。
下個故事再見。

不能同意更多

原諒我洗版直接引用

首先真係好多謝淫棍巴花咗咁多筆力去寫一篇豐富詳盡嘅評語。

我必須坦白原本構思只有第一部曲，寫完之後先有衝動落筆再補完第二同最終部曲，所以其實我並冇刻意去設計最頭同最尾部份嘅連結。

正因如此，我寫到後期差啲就要宣布爛尾，原因係第一部曲好多細節位寫得太實，我收唔到尾，例如家朗明知要移民但仲會俾樂兒自己飛去歐洲。

我好好彩，有大家一直追故支持住，無形上鞭策住我就算幾難都好，都唔可以放棄，亦都有人默默喺背後提點咗我好多事，如果唔係我相信呢篇小說老早已經崩壞。

至於角色方面，原本設計比而家呢個版本更為複雜騎呢。唔怕話俾大家知，我曾經有度過，叔叔同曾皓賢其實係父子關係，不過後尾我都係決定唔好玩自己，都唔好玩讀者，更加唔好玩樂兒。

最後，我想不嫌其煩咁再硬推多一首歌，呢首歌好早就已經存在喺我呢篇小說嘅歌單裡面，但並唔屬於故事內容範圍。

或者故事最殘酷嘅部份，係時間嘅流逝，往日熱血灑淚嘅排球場永遠塵封喺回憶當中，青春不再往返嘅唏噓總教人沉重。不過隨著年月流逝，青苔可能一早已經鋪滿球場，又可必再記掛住當年秒速之間嘅回憶。

https://youtu.be/QE1piGBS1sI

最後最後，原來有人認真對待自己嘅文章，係一件咁微妙嘅事，可能小確幸就係咁解？

有緣再見