03鋼鍊真係屌打fa鋼鍊

成日講03版中二
到底中二嘅地方喺邊

呢part我都覺得03寫得幾好
戰爭嘅沉重

同埋兩兄弟以為自己幫咗城入面嘅人，後嚟先知城中人嘅結局仲慘無人道嗰種震撼

再加埋講軍隊內裡嘅黑暗

最後斯卡犧牲自己去引敵軍入場去整賢者之石嗰幕都好震撼

呢啲好普通咋喎
齋up台詞

boss同幹部呢個形容真係好貼切

所以應該唔好拉個性格出黎，主角整出黎個人造人好似無性格寫俾佢，咁點解唔直接將原有既都收埋唔講，呢一下係敗筆。

因為動畫出左先，後來反而漫畫畫太慢，比動畫追到。所以魔改原創劇情，咁樣都叫敗筆咩？

媽媽係「怠惰」，可以變做水呢個能力其實幾有趣。

都係唔覺,吹咩?

其實03播果時，係黃金時段播，果時好興講等價交換，學校開早會校長都講等價交換

真，其實改篇得好

屌我個陣上堂講等價交換，成班同呀蛇都無反應，一係扮到無睇咁又陰陰嘴笑

03賢石設定都好正，靠積聚憎恨同絕望而嚟，想要強大力量但個代價就係先令自己走向滅亡

仲有修塔卡好痴迷於練成返自己個女，但只係練到無靈魂嘅人偶

當然仲有打老母無靈魂嘅老母仲係咪自己老母

而接近不老不死人造人想做真正嘅人類

仲有親人愛人之間根本無視等價交換法則

同埋化學原理同鍊成陣劃成都係03高質啲，愛德華真係有天才嘅感覺，元素表背得熟，鍊成陣點劃、點改個效果有咩唔同都好講究

當年聖鬥士星矢好似都係咁
動畫組好睇過原作漫

好明顯樓主睇唔明FA講咩
反派大佬係主角老豆都講得出

成班人車輪戰再比修巴爾人執雞 都算係因果

人造人係七宗罪出黎 邊度係是旦整
而且死法係每個都有些少特色咁死

主角永遠唔用賢者之石去幫自己拎番身體

故事想話俾大家知 無主角威能 靠既係大家
連Greed死前都發現原來自己慾望就係想得到伙伴

成套野有始有終 咁都唔好睇 ?

03入面人造人之死好多都睇到人好心噏
除咗愛德華老母(Sloth)嗰段, 仲有:

Lust: 一路俾上一世嘅記憶片段折磨, 同斯卡相處, 經歷咗咁多, 最後發現死仲好過以人造人嘅身份長命活下去..
https://youtu.be/1TgjIbu9mLg

Greed: 佢自知自己同但丁班人鬥唔過, 亦唔想去求饒/再俾人困一世, 所以寧靜死喺愛德華手下, 仲講埋人造人弱點俾愛德華知
https://youtu.be/qCJFK2awf1E

Envy: 變咗條龍去咗現實世界, 最後同老豆一齊死
其實由頭到尾都只係想得到父愛, 佢好討厭兩兄弟, 點解自己俾人製造出嚟之後就唔理, 但個老豆就走咗去搵第二個生咗仔

Gluttony: 知道Lust死咗之後好傷心, 冇晒戰鬥能力, 但俾但丁釋放佢100%嘅食慾, 變撚咗完全嘅怪物, 最後劇場版同Wrath一齊做鍊成材料開向現實世界嘅門

Wrath: 最後明白Izumi對佢嘅愛, 係Izumi死後一直都好抑鬱, 最後為咗幫艾爾, 同Gluttony一齊成為材料開向現實世界嘅門, 希望死後可以同Izumi一齊
https://youtu.be/xBac1xg7jDE

利申: 有少少憑記憶打, 有錯請指正

03輸左真理之門係通去無練金術世界

但依個都係bug黎
因為變相黎講人體鍊成其實係成功
只係代價好高

先入為主 先覺03較好

03係佳作 FA係神作

發覺成個post睇落黎，鍾意03版既人，講d野都不著邊際，咩好哲學，好高層次，咩貼近現實，但係直出結論，冇橋段同劇情等例子作證，只係講03版既乜乜乜好高層次，物物物好黑暗貼近現實，完全冇例子訴諸個人感覺，真係討論都唔知點討論


而且呢班人仲往往會記錯03版既劇情

好似頭幾頁有位朋友話03版既等價交換貫徹劇情，用等價交換可以解釋哂所有野，聽完真係懷疑佢有冇睇過，水嵨精二冇橋，從設定上推翻等價交換，等價交換既轉換能量來自異世界人靈魂，達成鍊金術由一開始就唔係等價交換，呢樣野令由劇情中段開始愛德華做緊理念相違背既事實，仲話用等價交換解釋一切，真係冇睇過咁款

另一個上幾個回覆仲攪笑，話腎石係用憎惡同怨念鍊成既，其實任何人既靈魂均能鍊成腎石，只係由於被鍊成腎石既靈魂被囚禁，消耗，枉死，所以呈現怨恨既形態咋


劇情，設定都記錯既，唔見得個作品有幾深刻喎，唔見得佢有幾令人鍾意喎，呢種撐既人，話佢地純粹唔爽fa太紅比較合理啦下話

而鍾意fa既人，佢地大都可以講返出黎，邊個位，邊個橋段，令佢地感受好深，講得返出黎，唔係d直出結論虛無縹緲既野


所以話，呢兩套邊套好，睇返各自撐既人講d野合唔合理就一目了然

03有女因為戰爭比人姦埋喎
邊個寫實啲

Ching你係咪調轉咗

我反而見到，鍾意fa嘅人，剩係識講咩故事好完整，戰力好平衡，每個人都有啲用。

反而留言捧03嘅人，論點就高質得多，講得返咩位，咩橋段令佢哋感受好深，唔係講啲咩虛無縹緲嘅嘢

我想講，其實你啲論點都好廢