03鋼鍊真係屌打fa鋼鍊

鍾意FA冇bug、架構完整同埋戰力描寫相對合理
鍾意03嘅人性黑暗面、人造人設定同埋哲學意味

睇正皮數
完

因為fa先係原作

太多細蚊仔

雲尼勁慘

03精華係電影版

https://youtu.be/DtAcrlYaf0I

決心不可缺，才可從困局中解脫

睇哂漫 03 電影 同fa
03傷感啲 fa完整啲
兩套都太好 揀唔落手

題外話 03 同fa 啲歌全都好撚正

我都係鍾意03多啲
唔係話貼近原作唔好睇，漫畫睇到我停唔到手添
但睇完之後，個餘韻冇03咁多

我都係鍾意人造人個storyline，同意所有嘢都係環環相扣，有因有果
最後愛德華老母人造人講嘅自白都好深刻：到底自己係邊個？明明有作為兩兄弟老母嘅記憶，但真正嘅佢根本冇做過人老母所以佢先要隊冧兩兄弟，佢覺得只要兩兄弟唔再存在，佢就可以做真正嘅自己

明明兩兄弟做人體鍊成嘅原因係因為愛，但最後呢一種自以為是嘅愛會令人痛苦

agree
03成個劇情都好灰暗
現實已經夠灰 FA完滿仲好

03極其量只係拋出一個問題，並無觀點與解答，水島當年係未有呢個能力，所以就故事結構而言兩兄弟既旅程係冇意義的，佢地甚至得唔到精神得著，所以成套03版係側重氣氛渲染，單單就係一套矯情片

而fa就等價交換呢個問題，分別從理性與感性出發，灌注原作者既觀點，去感染讀者，最後佢一樣冇下結論，通過某角色咁樣做，呢個角色就咁樣做，去任由讀者去衡量得失，相比之下，比起單單拋出問題，不單觀點上凌駕大部份讀者，處理手法亦係top之中既top，提出問題，有邊個唔識，引你深入去探討問題，再有意無意間提出自己既觀點，引導讀者更深刻反思自己既選擇，至係有意思既提問

好似等價交換既破解，係由溫莉把口講出黎呢一幕，佢冇定死，冇好似但丁咁說教式去灌輸，淨係將溫莉破解方法既美好呈現俾觀眾，等觀眾自行定奪，呢一刻破解等價交換呢個偽邏輯唔單止只有謊言既現實，仲有真誠既美好，所以讀者唔單止深刻，而且觀點唔會只流於“等價交換係假既”就停既睇法

所以點解fa版既fans係可以長年係討論post度講出故事細節，佢地所體悟既感受，而03版既fans往往只能講出好撚正，好撚sad，度門既設定好正，俾老母打返轉頭好撚慘之類流於表面，來來去去都係三幅被既低質言論？再深入講落去就冇野好講，呢個係現實，鋼鍊post成日有，大家追下post睇下撐03版d人講乜就知，係因為鐘意fa版既人高質d？係因為03版d人低質d?no,事實係03版除左為悲而悲就冇野好講，佢連03版fans既心靈都撼動唔到，自然唔會有人講得出睇呢套野之後有咩體悟，佢單單就只係一套悲情劇，悲完之後，係乜都冇，乜撚野都冇，所以d人淨係會記得佢好撚悲


其實呢樣正正係03版失敗既地方，呢個反故事主體既設定，甚至影響到劇場版香巴拉征服者既添食，繼而令當年人氣如日中天既03版無以為繼，以佢當年咁既人氣，你話佢自己發展一套外傳體系，其實係唔難，但當水島決定左呢個反故事主體既設定之後，係乜都作唔到落去，亦可以從03版睇出，即使已經發展到脫離原著，中段十零集都仲係有文有路，一去到但丁呢個角色出現，鍊金術能量來自異世界人命被揭露之後，故事質素即時大跌，打後既橋段係無法再推進，寫唔出進展，因為呢個設定違反哂故事所有前設，破壞哂一直埋住可以再利用既素材，令故事往後再點去發展都好，一有關於鍊金術就會變得突兀，所以香巴拉征服者只能焗住搬去倫敦

首先，鋼鍊即使係03版，前段都係用大量篇幅去描寫兩兄弟小時候到犯錯到開始旅行呢段時間，當中所有橋段都係原作者精心策劃，呢一段故事就係為左擺正呢套作品既主體，突顯兩兄弟旅行既動機---

不再走精面觸犯禁忌，踏實尋求智識，用鍊金術追返手腳/艾爾身體

首先，兩個人都發誓不再走精面去行佢地唔理解既捷徑，即係人體鍊成，不再觸犯禁忌，而仲有一個重點，佢地係各自為對方而行動，而旅行，雖然唔可以話完全冇諗過自己，但對於愛德華黎講，最優先既係艾爾身體，對艾爾黎講，最優先既係愛德華手腳，所以佢地既旅程係帶有相互奉獻既精神光輝的，而奉獻精神再引伸出一樣野，用賢者之石係自私既行為，等同將他人既性命建立於自身利益一樣，所以佢地一知道賢者之石係咩料，唔駛討論已經決定唔用，正正係不利用他人而達到目的

所以呢兩個信條：
不觸犯禁忌，不重複犯錯，尋求鍊金術恢復身體既方法

不利用他人達到目的

就係成個故事前半部既篇幅確立出黎既主體

然而，你忽然同佢講，你用鍊金術，個原理同用賢者之石一鳩樣，由一開波已經等同觸犯禁忌，咁個故仲點撚落去，我唔理道德潔癖既愛德華能否接受自己一直以來都係用人地條命黎鍊成，我當佢當時不知者不罪，但佢型棍地燒屋企，霸氣地拒絕envy既邀請，理直氣壯地斥責用賢者之石既人，到時至今日，佢仲用唔用鍊金術好？以前半部既篇幅所構成既人格，係一定唔會再用鍊金術，咁唔再用鍊金術既愛德華既故事，仲算唔算鋼之鍊金術士？所以響03版既後段，係會見到愛德華今天的我打倒昨天的我，知道事實，繼續用鍊金術，好似當以前d野冇講過咁，呢種選撞起設定上黎不願面對提都唔柒提既手法係好撚低章的，故事只要再發展落去，必然會俾讀者睇到端倪，所以自從鍊金術能量來自他人性命呢樣胃被揭發後，愛德華除左驚愕，就係驚愕，故事亦從此停濟兜圈，無法發展


如果，係要剋意做到天意弄人既悲劇效果，以黑暗題材角度黎睇，呢個設定亦係突如其來而且唔入流的，因為佢前面根本唔係為左咁而寫
天意弄人，作者玩鳩角色，做得好既係有，好似愛德華一直依賴鍊金術，但鍊金術與佢信條相違背既03版劇情，其實同一d編劇家既手段好似

角色所相信之物，多番堅持掙扎後，最終先發覺與佢信條相違背，係咪好熟口面?冇錯，就係虛淵
衛宮切嗣相信正義，相信救大多數人係冇錯，但最後原來救大多數人唔係佢諗咁，最後決定救多數人既佢等同行惡

魔法少女們既力量係奇跡，但原來奇跡建基於絕望，有幾多奇跡等於有幾多絕望，最後所有魔法少女必然變成佢地要討伐，週圍害人既魔女

主角相信，追尋之事物，到手後先發現該事物與佢信條相對，呢種手法虛淵最拿手，佢刻劃既角色，響知道殘酷既現實後，係唔會不願面對，今天的我打倒昨天的我，繼續on99咁的，好似切嗣咁直接崩潰，改變人生觀，或者好似小圓咁，犧牲自己搵到出路，都係一個劇情發展，呢d先係有文有路既悲劇，你可以俾佢悲到底，或者得到救贖解脫，都係一個手法，但悲完就繼續乜事都冇咁用鍊金術，真係當觀眾係傻仔


而且人地虛淵d黑暗題材，一開波已經開始鋪陳，唔會好似03版咁用一個咁有覺悟，咁有奉獻精神既前設，黎鋪天意弄人，令觀眾一開波既感動完全白費

Credit
https://lih.kg/iwEOLT

次次有人吹奏03 都要po 一次

珍

原著好唔代表03差既
03個編劇都係大粒野認真寫

03版得兩兄弟有好結局
難為雲妮幫佢哋咁多最後留返佢一個係果邊

你用火影死神動畫果啲鳩故事同03版比
證明你無睇過03版

03最後冇記錯好似有講唔係全部野都可以用等價交換來解釋
要用埋門既另外一邊

唔同入坑年代嘅風格好影響個人口味
Alien Nine, 聖槍修女, eureka7, LAST EXILE, 廢棄公主, R.O.D, 妖精的旋律, 翼神世音,最終兵器少女
2000年前後大部份名作都王道之中帶有灰暗
fa年代入坑嘅人睇係多少會有啲消化不良

講03版TVB
就要聽返Eason首鋼鍊了
若被傷害夠

03版對既敵人係每個人體鍊成既後果
FA對既敵人係愛德老豆一個人既後果

FA有bug 真係笑左
佢唔止係唔要錬金街
而係成個真理之門
每個人都會有真理之門
做得鍊金術師都會想透過度門的重要性
愛德華都係經歷左咁多野先搵到答案
果個一直都唔係佢地認知上的答案來
人柱果度都講明左個boss有能力召到佢地去中心
一個玩全國鍊成，有齊情報網同人造人幫手的boss
點會控制唔到主角召去鍊成陣中心

勁撚中二

果陣小學聽到成首識背

睇標題已經知入黎要負皮