【結局】《青梅竹馬真係最難追》III／／你有無試過覺得自己同鐘意嘅人都變左？

呢樣真係有得拗
因為係童童放狗

咁你就咪成日殺人啦

只有做好了被擊斃的覺悟的人，才有資格開槍

聽日有事做, 夜文

支持

果然不負眾望，愛情故都係有人死嘅
我地嚟打開冷面個腦睇下咩構造
又係一個因為鍾意人就走錯路嘅人物，同之前個故嗰個一樣

千鈞一發的瞬間，我直接抓向刀刃

以下嘅野同故事完全無關，舊故都無關

其實都算正常反應

以為完咗故 竟然仲live到
每次見到妍妍出場都有一種温暖窩心救贖嘅感覺 點解要揀咁麻撚煩嘅童桐

一口氣追哂
好好睇

好攰



但都係要出文

《青梅竹馬真係最難追》
作者：陳立正
終章
無論追尋幾多次

閉上了不知多久的門再次打開，拘留室之中終於又有了風聲雨聲以外的動靜，只有天曉得我被關了在這兒多久。

「馬川遊。」警員叫喚我的名字。

「係…」我站起來，自從在醫院被於手心上縫了十多針後，我便被一直關在這兒。

「拎返你Ｄ野先。」他拿出一袋又一袋的東西，是我和童桐出事時我身上的手機，銀包之類。

「呀遊。」警員身後，依然穿著整齊套裝的利律師出現。

「唔…唔該你，利律師。」

「你唔好同我講多謝住，你聽阿SIR講野先。」

警員把東西交給我後，拿出幾張文件：「簽左佢走得。」

「等陣。」利律師一個搶步上前，仔細地看著那些文件，眼鏡上閃過密密麻麻的條款細則之類。

「你可以簽。」利律師把筆交到我身上，「然後就走得。」

「嗄？走…走得？」看Kay那樣子大概是活不成了吧，我真的能走？

「出到去我會同你解釋，至於呢Ｄ文件。」她轉身向那警員說，「全部要Scan一份Soft copy俾我私人助理。」

也就是菁婷小姐吧。

「嘁，麻鳩煩…」那警員收回文件便轉身離去。

「黎啦，你走得架啦，肚唔肚餓？佢地有無俾水你飲？你中途有咩事，覺得唔岩，唔舒服唔對路既可以同我講。」

「唔該你，我好好，利律師。」我苦笑著用縫完針的手揮揮說。

「咁就好。」

「依加…件事點？」

利律師托托眼鏡說：「你放心，有車Cam可以證明到個個叫Kay既人先對你地施襲，你只係自衛，唔會有法律責任。」

「咁亞基同童桐…」

「佢兩個爭議點就係童桐主動放開亞基既狗繩，同亞基將Kay推出馬路。」

利律師一邊走一邊說。

「第一，童桐當時係自然反應想保護你，所以先放開狗繩，佢並無叫出　"亞基！Attack！"　之類既口令，所以我地可以排除佢係有心傷害Kay。」利律師說，「咁樣即係話呢個行為，完全係亞基自發。」

我激動地說：「利律師，你要幫下我，救我隻狗！」

「放心放心，我都未講完。」利律師說，「雖然我短時間內未搵到案例，但狗正常情況係唔會有一個去殺人既念頭，佢只係按本能反應保護主人，而Kay的確襲擊緊你地，呢點所有人睇左車CAM後同你既傷口相後，都係信服，亞基只係基於本能保護你同童桐。」

她頓一頓然後說：「而狗係唔識分行人路同馬路。」

我緊張地問：「咁童桐，亞基都唔會有事？」

「Kay既死會轉到死因庭判決，但我諗一係就判死於不幸，又或者判死於意外。」利律師說，「至於童桐同亞基。」

我和利律師走到大堂，童桐，牽著亞基的我媽站在角落，連我爸都在。

「佢地無事，警方都同意唔起訴，畢竟你地好明顯係自衛緊，告黎都浪費人力物力…」

「童桐！！」

利律師話還沒說完，我飛奔到童桐面前，緊緊的抱住她。

童桐卻沒有回抱過來，只是發著呆。

「童桐，你無事呀嘛…」

「Kay…Kay佢…佢…」童桐臉上的恐懼，不安，遠超任何重獲自由或我們平安無事的喜悅。

「…無事啦，返去先講。」我說。

「嗯…嗯…」童桐整個人嚇壞了。

這樣子我見過。

當天植嵐晨被那怒漢襲擊時，她全身血污在醫院時她也是這樣。

但現在卻明顯更嚴重，是因為已經是第二次嗎？是因為這次死了人嗎？是因為Kay死前那滿是冤恨的一瞪嗎？是因為亞基是從她手上解放的嗎？是因為她本身已經有精神壓力嗎？是因為她的厭食症嗎？

恐怕全部都是。

「如果再要幫手就聯絡我，呀遊有菁婷電話。」利律師說。

「尾…尾數我會呢一兩日俾你，利律師。」我媽鞠躬說。

「嗯，打風啦，萬事小心。」利律師才一走出大堂，一架超吵耳的超級跑車會停在門口，菁婷小姐下車打開一把尺寸很誇張的巨傘接利律師，直到她滴水不沾地登上跑車駕車離去。

「阿媽…」

「返去再講，你好好照顧童桐。」

我看看手機，現在已經掛上了三號風球，是遇襲當天晚上十時多。」

「你去拎車。」我媽說，我爸點點頭便走向停車場。

「童桐，我地無做錯任何事架。」我柔聲地說。

亞基這時輕輕走向童桐，想一如以往地找童桐玩耍討摸。

但是這時，童桐先是面色一變，接著—

「呀呀呀！！！」

童桐恐懼地甩開我往後猛，還「劈拍」的摔到地上！

但即使這樣她還是狼狽地往後退後！好像眼前是甚麼吃人怪物一樣！亞基被她嚇倒，只能悲鳴一聲轉身逃到我媽雙腿之間，垂下尾巴，顫抖著用頭蹭向我媽。

「唔好俾佢過黎！唔好俾佢過黎！！救命！救命呀！！呀遊！拉住佢！！呀呀！！」童桐的手在空中亂抓，用自己的頭髮擋住自己的雙眼！

「童桐！童桐！！唔使驚！佢唔會過黎！！」我捉住童桐在空中亂抓的手不給她傷害自己，「童桐！冷靜Ｄ！望住我！深呼吸！深呼吸！呼～～吁～～冷靜，ＯＫ？」

至於亞基，牠自以為救了我們，自以為立了大功來討摸，也的確如此，我沒打算怪責這頭忠犬，牠可是救了植嵐晨，救了我，又救了童桐的忠犬。

但亞基即使再聰明也沒法理解童桐的恐懼，她心中的心理陰影，亞基只能垂頭喪氣地伏在角落裡我媽雙腳之間，眼眶也閃亮亮不知是不是在哭。

「童桐，唔使驚，佢唔會過黎，ＯＫ？」我搭住她肩膊痛心地說，「我唔會俾佢過黎，無事，今晚我地去你個邊訓好唔好？」

童桐哭著，扁著嘴巴點點頭。

「…我同亞基自己坐的士，你地跟你阿爸車。」我媽說。

「嗯。」我點點頭。

「行啦，亞基，係你救左佢兩個，你俾Ｄ時間佢地。」

亞基似懂非懂，搖搖尾巴跟著我媽離去。

「對唔住，呀遊，我…我好驚，我…」童桐語無論次的樣子使我心痛。

「我明，我明，我諗亞基應該都會明。」我說。

「……對唔住，呀遊，我真係控制唔到…我…」童桐陷入自疚當中。

「返去先講啦，你依加咩都唔使解釋。」我說，「返到去，你沖個涼，我沖杯棉花糖朱古力你飲，飲完就氹你訓，有咩事既訓醒先算好唔好？」

童桐抹抹眼淚勉強點點頭。

「行唔行到？唔得既我抱你。」

「唔…唔使…你隻手點樣？」童桐問。

「同你比，我好小事。」

物理上的傷口總會治癒，心理上的創傷卻說不準。

一朝被蛇咬，十年怕草繩可是一點也沒有誇大。

但這絕非軟弱，如果看到這意外的畫面後了無感覺，才是真正的鐵石心腸。

「呀遊，係我…」

「唔係你錯。」我說，「返去先啦？」

童桐扶著我站起來，然後突然之間——

「嚇！！」

童桐倒抽一口涼氣猛然回頭，臉色發青，起了一手的雞皮疙瘩，連牽著我的手也發冷。但她身後只有坐在接待處的一名軍裝警員，正低頭看著文件，除此之外甚麼也沒有。

我望向前，那兒有玻璃門。

玻璃門外，是三號風球的夜晚。

但玻璃門中，有我和童桐的倒影。

…早已披頭散髮她是不是看到倒影中的自己身後，有個血肉模糊的人影在瞪著她看？雖不中也不遠矣。

但這刻，我心如刀割。

超攰超眼訓
錯字檢查左一次但應該有
請自行克服
聽日先覆留言，我睇晒的，多謝大家支持

童桐應該係好sensitive嘅人
點解要咁對佢哋
好彩亞基唔洗人道毀滅

如果阿基要人道毀滅
我會不人道毀滅樓主

仆你個街，你憑乜撚嘢屌鳩亞基
癲婆返青山啦

Btw 個司機好撚慘

真係無一例外咁慘，就算係痴線刺客kay都過咗唔少事先痴線，如果佢好似童桐細細個咁有個遊仔，咁可能唔會痴線。

見佢屌鳩亞基我真係火都嚟

佢唔係見到亞基推人出馬路車死左
Ptsd 驚左佢咩 邊度屌