養魚/蝦/蟹/草/珊瑚 魚缸討論區(4)

想問下，
啲米蝦打側或者反轉咁訓係地
係咪即係就死？

乜野火鑽?
火鑽金翅?
咪普通燈咁養囉?

係

想請問有冇巴打知邊度有twinstar燈賣

想問下有冇人經HKTVmall間Exotic Mall買過濾筒？見嗰到個Eheim 250平平地想買返個，不過唔知包唔包快接

想問下呢
隻係咩藻？
之前入左大和藻蝦，佢地食曬好長好大條既藻，然後淨返d 短既就唔食，去左搶魚糧，食飽就集體跳缸走曬

換左第二批小精靈同蜜蜂角螺，佢地都係淨食缸壁既藻，泥上面，水草面同濾水器既就唔食，好似係到種菜咁，長食長有

有無咩辦法可以可以令佢地食左水草面上既藻？ 泥上面既可唔可以加泥蓋住佢，當睇唔到

最後就係所有魚都好驚人，無時無刻都匿埋係水草底，背後窿窿罅罅位。有人無人，開燈關燈都唔多出黎，除咗食飯先至會出嚟搶嘢食 有無得搞吓

Eheim就二手至少平一半，仲有啲人退坑賤賣

新缸黑土又重肥，草未成熟未生根(加上你少草)，加上強光，藻自然就多，黎緊唔好加肥，3~4日換一次水(30~50%)至少維持1個月，直到草有輕微缺肥徵狀(縮頭，發白，脫葉etc.)再對應加肥

CO2盡量比燈早30mins開，然後早30mins熄，確保水草開始做光合作用時CO2已到穩定水平

換水同時盡量抹走啲藻，換水後加適量SeaChem Excel(液態碳)，加快光合作用，幫助水草吸肥
https://www.seachem.com/flourish-excel.php

螺好賤格，永遠只會食曬啲玻璃藻先會食葉上面啲藻，所以唔好太依賴生物除藻，佢地最多減慢藻生成，唔會食得曬全缸嘅藻

魚都好多都好有性格，唔係隻隻都咁有社交性，不過你似係新缸所以佢地先咁驚

我個缸已經開左就黎3個月，一星期換一次水，50%左右。平時就補水，已經一直都無加肥。

水草唔生根，綠菊插泥，但無耐就會同泥接觸果到斷開，浮上水，唔點出根。趴地珍珠有出根，但唔爬地，最後個面生曬藻，俾我拔走曬。最新就到紅雨傘溶左2棵，散曬，執到我hihi

再加魚中左白點，成缸加温30度煲緊，水草又開始溶，藻大爆發，好想拔曬出黎重新開始過

盡可能都唔想落藥，而家試緊關燈，淨係夜晚餵糧開燈

魚本身係唔驚人，但唔知咩事，愈黎愈怕人，中層魚俾我養到變曬底層魚

本身個缸近唔近個陽台?
TDS幾多?
CO2一秒幾泡?
個缸幾L
有冇全缸圖睇下

唔近陽台，唔會有陽光可以直射到
唔知咩係TDS, 呢個係星期日check既
pH6 ; GH 6; NO2 0.01； NO3 0.5; NH3/4 0.1
CO2 4秒一個，24小時，但夜晚會另外開氣泵
缸係40L水

拎走曬啲珊瑚骨，夜晚同朝早ph反差大同鈣過多好易縮頭同發生拮抗，啲草生唔起有打co2同黑土都冇用
另外co2升上3秒1泡試下
仲有日照幾耐？

珊瑚骨係因為有蝦同埋有蜜蜂角螺，唔想GH太低佢地溶殼而死先特登加俾佢地，補下，


co2照樣3秒一泡都係行24？

基本上係得太陽散射光，LED燈就開十個鐘，雜嘜牌

黑土本身已經夠鈣俾米蝦同螺如無意外唔洗咁上心，佢地冇想像中咁易溶，返而高鈣米蝦有可能脫唔到殼同會影響到草生長
CO2最好買個電磁閥俾生物有休息時間，不過只要魚唔浮頭行7/24都OK
所有太陽光都會加快藻生成，你咁少草又未成型個LED減到6~7hrs都OK

你問題係水溫30度 呢個狀態水草好難生得好 唔死已經執到 水草生長不良 吸唔到咁多肥=爆藻

btw 我都同意co2 開大d

你中白點係你換水換太快？

謝謝呀，我跟你方法試一星期睇下點先

本身魚街買返黎既魚有白點，但無睇清楚掉左落去，新入既魚一齊中曬
所以成缸一齊加熱，今日睇已經無曬白點，煲埋今晚，聽日可以關暖管

迷你椒草 定 湯匙萍
易種d （冇co2)

想問下火柴岩岩落到缸幾耐先會開番大呢

巴打們有冇推介，魚街買魚蝦邊間舖比較信得過？

垃圾站對面黑媽媽個間殷X水族 so far我買過既魚到依家都仲肥肥白白 買過幾次唔同品種

臭豆腐水族

千尋聽聞話好熱
同埋啲人都話唔係咁好用