[盡量多圖][隨時爛尾]毒撚一個人的新海誠作品聖巡之旅

小弟第一次學人出遊記，請多多指教！呢個post應該會盡量多圖（同埋圖size可能會比較大），所以如果閣下手機data唔係好夠的話（如果呢個post真係會有人睇的話），請注意數據用量或者連番wifi睇啦。
另外由於小弟語言能力極差，所以如果你唔係好明我打咩嘅時候，就請多多見諒同包涵啦。

最後如果認到我的話，請求唔好相認或開朵

前言：
相信大家都應該睇過或者聽過上年一套好熱門嘅日本動畫《你的名字》，而小弟我作為一個誠哥嘅fans，點可以唔去聖地巡禮呢？咁岩見到hkexpress做緊特價，就扑鎚買機票啦。而今次呢個旅程就聖巡左《秒速5厘米》，《言葉之庭》同埋《你的名字》呢三套作品。

機票：
上面都有提過，航空公司係hkexpress，重要係特價飛，出發同回程時間就唔會太靚仔嫁啦。
出發：23:30（後改23:50）->04:40
回程：06:35 -> 10:05

而呢個行程日數就數目上9日，實則得7日（減走頭尾兩日搭飛機）

行程：
今次個行程其實我係無咩點特別plan過，好多時都係隨心，最主要都係唔想好似太「香港人模式」咁一日行三，四個景點（雖然去到最後都唔係好做到）。
住宿方面，因為我訂完機票之後第二日就book酒店，所以今次係成個旅程都係住一間酒店。

另外小弟今次係唔只留係東京市內，會有幾程要搭新幹線同特急，所以係買左個7日全國JR pass嘅

旅程洗費：
所有野大約用左HKD10000。不過當中酒店同jr pass係比較貴嘅（~HKD3000同JPY29110(~HKD2000)），所以如果唔係應該可以做到一萬蚊樓下。


由於每日聖巡嘅作品可能會多過一套，所以都係用大家一向見慣嘅日數黎分成唔同嘅篇幅，免得一套作品會跳唔同日數令內文太過混亂。另外有某d會有機會透露到個人資料嘅相係會有些少修改嘅，請多多見諒。

由於每日聖巡嘅作品可能會多過一套，所以都係用大家一向見慣嘅日數黎分成唔同嘅篇幅，免得一套作品會跳唔同日數令內文太過混亂。另外有某d會有機會透露到個人資料嘅相係會有些少修改嘅，請多多見諒。

===== Day 1 part 1=====
(Day 1影左好多相，為免一次出太多相，會分成幾part出)

出發當日小弟我係搭pm 11點機，當然要影番張相啦。而小弟我係懶撚黎嘅，所以求期影左張有gate number嘅相就算啦（如果當中有巴絲係大約一個月係呢個時間，呢個gate度去東京，請勿相認）

呢個時間嘅terminal 2真係鬼城咁，超冷清。

gate number相


諗住係機上邊訓一訓，落到地入埋境再去機場d餐廳度求期搵d平價早餐hea一陣就夠鐘可以換pass，點知係計錯晒時間嘅。順帶一提，hkexpress 嘅好處係可以好平，不過d機椅真係會坐到屎忽痛，坐位空間又細，郁都郁唔到。所以如果想坐得舒服d的話，就唔好坐廉航啦。

落到地，見到個日出，就梗係snap番張相先啦


入境過晒海關拎埋行李，就決定去食個早餐。呢個時候見到似乎係電視台嘅crew，可能係拍緊日本版嘅「香港早晨」之類嘅節目掛。不過目前目的係醫左個肚先，所以我就無深究落去，又snap兩野就算



最後係食Mos Burger嘅

亦影左食早餐位置望出去嘅景



當日係打算係機場換pass，再去東京站搵locker放低個行李，之後開始個行程嘅。點知食埋個早餐後連7點都未夠，而個換pass嘅office要7點45分先開。本身打算係機場等嘅，但諗下諗下又驚locker會比人先一步搶晒，同時又醒起大車站都有可以換pass嘅綠色窗口，於是就博一博，去離羽田機場最近嘅大站 — 浜松町碰下運氣。（好彩身上有上次旅行時用落嘅西瓜卡，不過呢程就用唔到jr pass嘅免費優惠黎搭monorail）

好在去到浜松町都有locker可以租，咁就二話不說，租番個黎用用先，起碼解決左個行李問題先。


解決完行李問題，就梗係去綠色窗口搞埋張jr pass啦，點知個綠色窗口都係未開嘅。見依家兩手fing fing無野好做，又未到綠色窗口開始營業時間，於是決定求期行下消磨下時間

途中影到個公園幾靚，不過9點先開門



係香港用咁嘅價錢買個便當，應該買唔到咁大份

行行下見到座幾靚嘅建築物，一開始以為係貴價旅館

行近一睇原來係餐廳


重係酒店門口影到加McLaren，不過果時酒店門口都幾多人，所以都係影一張就算

遇到隻唔怕人嘅雀（鴿類？）

行到咁上下，時間又差不多，就番去綠色窗口換jr pass。點知浜松町駅嘅綠色窗口係換唔到全國jr pass嫁（個職員同我講換唔到）！咁無辦法啦，唯有再搭多程車，去東京駅換啦。換完pass之後，就正式去行程嘅第一站：言葉之庭中出場嘅新宿御苑！

係新宿站東南口行過去大約5分鐘就見到目的地嘅指示牌

行行下發現：咦？咁多人嘅？



睇黎係遇到幼稚園旅行日之類


襯班小朋友未走入個公園亂跑亂叫時快d聖巡影相先



入場費係200羊，而且係嘟QR code。可惜嘅係閘機款式同劇中唔一樣


 
不得不說新宿御苑真係一個好地方，環境清幽，風景極靚。如果大家想感受一下自然嘅風息，又唔介意係個行程度拎1,2個鐘出黎hea下，「慢活」下的話，新宿御苑係一個唔錯嘅選擇





跟住落黎就係去劇中出現嘅涼亭



呢度係劇中出現過嘅其中一個場景，可惜張相out focus


記唔記得一開始我話似乎係幼稚園旅行日呢？影晒group photo咁，重唔係旅行日？


我自己幾鐘意呢張，有一種又窗口望出去窗外風景嘅感覺

比石屎森林包圍住嘅自然森林



下一part將會進入聖巡嘅主題，會有更多同聖巡有關嘅相

待續

打完第一part之後嘅小後記：
其實呢篇遊記係我當時一路遊行已經有構思去寫，但係旅行完番到香港之後因為個人性格超懶同工作上嘅原因而遲遲都未動筆。另外亦估唔到寫一篇遊記會咁辛苦，由揀相、汁相、upload相、開始寫稿到最後整合成依家呢篇遊記，樣樣野所需要嘅時間全部都超出預算，結果拖到依家先post到第一篇。希望大家唔會睇我呢篇遊記睇到一頭霧水，或者係睇到悶啦。係度多謝各位巴絲收睇呢篇遊記。小弟我會盡量每日都寫d，減少出下一篇遊記所需時間。最後再次多謝各位

我都係誠哥fans
佢既作品小說漫畫都有睇
上年一睇完你的名字即刻衝左去聖巡

新宿御苑我都去過朝聖
個亨中間多左個煙灰柱

呢度幾靚

出年去高山搵埋個神社朝聖

年尾同屋企人去鹿兒島
不過應該唔會去島子島咁遠

廢相可以唔洗po

lm

止住渴先

加油留名

我都係誠哥fans
佢既作品小說漫畫都有睇
上年一睇完你的名字即刻衝左去聖巡

誠哥fans
我都係一睇完就想去聖巡，不過我就貪心d，一程去晒三個

新宿御苑我都去過朝聖
個亨中間多左個煙灰柱

呢度幾靚

出年去高山搵埋個神社朝聖

年尾同屋企人去鹿兒島
不過應該唔會去島子島咁遠

呢個shot我都有影，應該會係下part出現

高山同飛驒我都有去，兩個地方d風景都好靚

廢相可以唔洗po

多謝巴打意見，下次我會試下減少d相

lm

新宿御苑我都去過朝聖
個亨中間多左個煙灰柱

呢度幾靚

出年去高山搵埋個神社朝聖

年尾同屋企人去鹿兒島
不過應該唔會去島子島咁遠

煙灰柱 no good

我都係誠哥fans
佢既作品小說漫畫都有睇
上年一睇完你的名字即刻衝左去聖巡

誠哥fans
我都係一睇完就想去聖巡，不過我就貪心d，一程去晒三個

等你繼續分享 加油

各位唔好意思，今日實在無時間，出唔到post（講到好似真係會有人睇我呢個post咁 lol）
不過有一個好消息就係我已經一早汁多左2個part呀嘅相，剩低就係寫稿同整合，應該好快就可以出更新

另外就有一樣野想收集一下意見，大家會係想我出得密，但係每次嘅篇幅少定係出得無咁快，但係長篇？

另外目前嘅寫作方向係根據番當時嘅行程去編寫，所以會有d同聖巡無關嘅篇幅係度，而呢堆同聖巡無關嘅篇幅係可長可短嘅。大家會係唔介意睇埋呢d行程，定係會prefer集中番係聖巡度？

還請大家多多發表意見，你地嘅意見會影響到接住落黎既遊記嘅內容

各位有睇我篇遊記嘅巴絲唔好意思，呢幾日番工番到癲左，完全無寫遊記嘅時間。我希望可以聽晚出到下一篇update。

有去過睇諏訪湖

有去過睇諏訪湖

今次行程我都有去諏訪湖，不過就要後d先會出到
行上立石公園果段路堅攞命

有去過睇諏訪湖

今次行程我都有去諏訪湖，不過就要後d先會出到
行上立石公園果段路堅攞命

一般啦
高山果個神社仲遠
仲有新海三海神社好荒涼

有去過睇諏訪湖

今次行程我都有去諏訪湖，不過就要後d先會出到
行上立石公園果段路堅攞命

一般啦
高山果個神社仲遠
仲有新海三海神社好荒涼

高山果個我都有去
不過高山果邊係行平路，同上山無得比

我都係新海誠粉，樓主可以加少量動畫入面既圖比其他人易入口少少

男主第一次上火山口嗰一幕好震撼
樓主會唔會去？