講下我以前喺大陸畀個女編劇搾乾嘅經歷（五）

大概會由我畢業後點僥倖入行，搵到工作室開始做嘢講起，當中都會講下編劇呢行係點樣運作，嗰時嘅收入有幾多。

都會提及一啲行內秘聞：演員潛規則、陰陽合同、幽靈票房......等等。

睇完之後，大家應該會對編劇呢個行業甚至成個影視行業有更加多嘅認識。

覺得好睇嘅畀個正評或者推下post話畀我聽，我會更新得快啲，感謝大家。

＊＊＊＊＊

FB會有合集達標就更新，想睇整合版可以like 下：

https://www.facebook.com/100044190501129/posts/pfbid02HoEeEbJpdGtXRAWT2ntfq1TkwLcvqGHnWMx4kiE1XZb2So1XSYRNvDu9fzHMqYiBl/

＊＊＊＊＊

（一）：https://lihkg.com/thread/3055312/page/1
（二）：https://lihkg.com/thread/3056168/page/1
（三）：https://lihkg.com/thread/3059383/page/1
（四）：https://lihkg.com/thread/3062891/page/1

老沙嘅FB，我唔多寫叫春文，得閑可以追蹤留意下老沙動態：
https://www.facebook.com/sarspressure/

老沙嘅IG，會放相上去：
https://www.instagram.com/sarspressure123/

老沙嘅TG群，有一大堆小妹係入邊：
https://t.me/+hk0iv5dKBvBhZDNl

1001

入正題

返到北京，佢哋一行人已經由上海返嚟，導演叫咗我、小語同阿肥一齊寫之前嘅網大。

好彩宜家唔洗我再做資料搜集，由阿肥做咗我當年嘅位，負責搵資料同埋做會議紀錄。

我就主要同小語傾分場，我哋粗略估算過一次，九十分鐘嘅網大，以每一場兩分鐘嚟計算最少都要有四十五場。

我喺小語嘅指導下將上次通過嘅大綱分成五十四場，然後又喺佢指示下完成咗所有分場大綱。

「點解全部都係我做嘅？」我略有微言。

小語即刻皮笑肉不笑咁語帶威脅：「那你幹不幹？」

「做……點敢唔做……」講完之後我又係乖乖地冇聲出。

完成分場大綱之後，下一個階段就係劇本階段，如果情節上有咩要調整，最好係分場大綱嘅階段就提出，一旦寫成劇本，改起上嚟就麻煩好多。

我哋將目前完成嘅分場大綱交咗畀導演睇，佢睇完初步冇問題，於是又拎去畀平台嗰邊睇。

一來一回都可能要一星期，期間冇嘢做嘅我無聊上網搵嘢睇，順手吸收下新嘅知識。

於是我上網睇下最近流行緊咩劇，我見好多人都推美劇，有兩套推得特別厲害，分別係《權力的遊戲》同《陰屍路》。

夜晚一點嗰時，所有人都返去自己房做嘢，成個一樓客廳即刻變成我私人嘅戲院。

因為工作嘅緣故，工作室入面部電視非常之大，可能有成七十幾吋，用嚟睇戲煲劇簡直一流。

我揀好咗睇《權力的遊戲》，買咗一堆零食打算邊睇邊食。

正當一切準備就緒，小語咁啱落嚟食煙，見我好似開party咁，於是笑住問：「你在看什麼？」

「《權力的遊戲》，你睇過未？」

小語搖搖頭然後行出露台點煙，咁我諗佢冇興趣於是就撳播放，點不知佢忽然叫停我：「等我一下，我也想看看。」

「哦。」我唯有再度暫停。

小語喺露台食完煙之後就急急腳嚟到梳化旁邊，坐喺我隔籬。

我身上本來冚住一張毛氈，小語一坐落嚟就搶咗半張過去。

「你自己唔係都有一張咩？」我不滿咁問。

「懶得回去房間拿。」小語好不滿咁用手踭批咗我一嘢，打完先問：「幹嘛？分你半張很不樂意嗎？」

「唔敢……」我摀住個肚講。

「去，幫我拿罐啤酒過來。」小語不斷推搡我。

「搞錯吖，搶完我嘢又點我做嘢……」我唔想又俾佢批多下，雖然口噏噏唔情願但最終都係起身行去雪櫃。

點知一返到去梳化，我差啲成罐啤酒捏爆咗。

原來拎啤酒只不過係調虎離山之計，佢趁我一走就即刻打橫瞓落去將成張梳化同毛氈都霸佔咗。

係咪到重點喇？

小語奸計得逞之後笑得好開心，用毛氈包實自己不斷催促我：「快按播放！」

我先行去原本坐嘅位置，一嘢拍落佢對腳上面：「縮腳！我都要坐！」

「不要！」佢撒賴咁講。

「嗱！你唔縮我就咁坐落去㗎喇！」

「你敢！」

「咩唔敢吖！」我見佢唔肯縮腳，直接就成個人坐咗落去。

「啊！」小語笑住抽返對腳出嚟然後又踢咗我幾下，埋怨我：「你這樣我腳就不能伸長了！」

「腳長大晒咩！」我順勢都搶返屬於我嗰半張毛氈。

Netflix and Chill

我拎起一包薯片喺電腦上面按下播放之後就安坐喺梳化之上，總算可以舒舒服服咁追下劇。

點知小語見踢我唔走，索性一聲不吭成對腳枕咗喺我大脾之上。

我低頭見到毛氈鼓起咗一舊，唔知可能以為我搭緊帳篷。

「喂！」我即刻出聲抗議。

「我腳沒地方放！」小語又鬧咗我一句：「開始了，別吵！」

冇聲出嘅我唯有乖乖地食薯片煲劇，雖然宜家知道套劇嘅結局不如人意，俾人感覺草草了事，但頭嗰幾季《權力的遊戲》的確拍得相當出色，而第一集結尾嘅一段皇后同親細佬嘅情慾戲彷彿喺我腦海中投下咗一粒震撼彈，搞到我差啲有生理反應。

小語對腳就喺我大脾上面，一唔小心就大Ｑ鑊，於是我闔埋眼瘋狂背乘數表，同埋不斷默唸寫天黑嗰時學返嚟嘅大悲咒，咁先勉強分散注意力。

我深呼吸平心靜氣咁諗，難怪會有咁多人推薦呢套，無論係劇本同拍攝以及所有製作都做得非常好，單係睇咗一集我就已經想繼續追睇落去。

小語飲咗酒，臉色有少少紅，佢望著片尾製作人名單迷迷離離咁問：「那皇后最後跟誰在做愛？」

「同佢細佬囉！」

「所以這算是姐弟戀嗎？」

「吓，何止姐弟戀，佢哋兩個直頭係亂倫啵。」

「你不覺得這樣很刺激嗎？」小語望著我問。

「咩意思……」我聽完之後唔多明。

但話口未完，小語直接用腳喺我襠部隔住條褲就磨起上嚟，面上始終笑意盈盈。

我第一反應係毫無反應，成個人呆咗，腦海一片空白。

過咗好耐，我先意識到眼前呢個女人似乎勾引緊我。

老沙真係要趕住出門，遲少少再更新

加甜

小語走開啦
還我牙星

終於有甜

推

老沙 咁多人睇到硬哂你先停？

題目吸引 正評
等睇阿星比肥肥瘦瘦吸乾

個F5爛咗

腳交
我可以除褲未?

屌你喇