講下我以前喺大陸做編劇寫爛片嘅經歷（二）

大概會由我畢業後點僥倖入行，搵到工作室開始做嘢講起，當中都會講下編劇呢行係點樣運作，嗰時嘅收入有幾多。

都會提及一啲行內秘聞：演員潛規則、陰陽合同、幽靈票房......等等。

睇完之後，大家應該會對編劇呢個行業甚至成個影視行業有更加多嘅認識。

覺得好睇嘅畀個正評或者推下post話畀我聽，我會更新得快啲，感謝大家。

上個post: https://lihkg.com/thread/3055312/page/1

老沙嘅FB，我唔多寫叫春文，得閑可以追蹤留意下老沙動態：
https://www.facebook.com/sarspressure/

老沙嘅IG，會放相上去：
https://www.instagram.com/sarspressure123/

老沙嘅TG群，有一大堆小妹係入邊：
https://t.me/+hk0iv5dKBvBhZDNl

十二點左右，我實在太肚餓，唔想連續兩餐都食即食麵，於是就拎起小語放低嘅大門門卡同鎖匙，打算落樓下嘅細餐廳是但搵啲嘢食。

我呢次嚟北京淨係帶咗二千蚊，反正諗住包食宿做嘢，洗費都唔會太多，應該夠用。

好彩嗰時北京嘅物價未算好貴，我見到有間小餐館喺門口放咗個大瓦罐，有個店員不斷用毛巾將一個一個拳頭大小嘅細瓦罐由大瓦罐入邊拎出嚟。

行近一睇先知原來細瓦罐入面裝嘅原來係湯嚟，種類都有好多種：蘿蔔排骨湯、粟米排骨湯、茶菇老鴨湯、蘿蔔老鴨湯同好多好多，成十幾種。

我見冬天咁凍，不自覺就行咗入去想飲啖熱湯暖下身。

店內人唔算多，半滿。

我行到櫃台用手指叫咗一碟青椒炒蛋飯再加一罐瓦罐湯，埋單都只係用咗十五蚊人仔，個飯九蚊，個湯六蚊。

味道普通，但勝在份量夠大，我食完飲完即刻成個身暖晒，行返去嗰時都冇落嚟嗰時咁難頂。

返到去冇嘢做嘅我打開電腦想上下網，點知Facebook上唔到，YouTube又冇得睇。

打開電視，唔知係我唔識用定點，電視機似乎淨係睇到抗日神劇同埋還珠格格。

還珠格格我睇過，抗日神劇就真係聽過未睇過，於是我坐喺電視機面前好認真咁睇咗一陣。

我已經唔記得叫咩名，但內容真係好深刻，好痴孖根，大概係講一個士兵發明咗一款「包子炸彈」。

我聽完之後個反應同劇入邊嘅長官一樣滿頭問號，之後個士兵就咬咗個包一啖，然後將剩底嗰半個包拋咗出去。

個包落地之後就好似手榴彈咁發生猛烈爆炸，所有人包括電視機前嘅我都呆咗。

士兵仲好得戚咁同長官講：「可以食用同時也可以炸人，用來迷惑日本鬼子一流。」

到底有咩炸藥可以安全食用嘅同時又可以用嚟炸人？
 
我睇完之後就開始憂慮，擔心自己會寫唔出呢種劇情。

抗日神劇睇睇下我連頭都痛埋，索性熄咗電視機就算。

喺客廳等到差唔多下晝兩點，阿星先起身刷牙洗面，而女編劇小語間房依然係靜默狀態。

等佢搞掂出嚟嗰時，我終於忍唔住上前問：「阿星，今日我要做啲咩？」

「做嘢？做咩嘢？」阿星好困惑咁望住我問。

「欸……編劇嘅嘢？」

「哦！宜家等緊『報批』，過咗審先有得繼續。」

「哦，原來係咁。」我扮到好似聽得明，但實情係完全唔知佢噏緊乜。

「不過你提醒咗我今日的確有嘢要做。」佢望咗下掛喺客廳嘅鐘又講：「準備一下，四點幾我哋就出發，遲啲出門就會塞車。」

「欸？我哋要去邊？」

「導演話你山長水遠過到嚟，叫我帶你食餐好嘅洗下塵。」

「哦？」

推

牙星其實係咩樣

早晨

新po 名

似似哋關智斌

追緊文

LM

呢個係牙叉

喺強国畀人爆出你係gay 係咪玩撚完

留名沙士同小語會有開心嘢發生

我唔係但我見郭敬明嗰啲之前仲可以生存，所以應該係冇嘢

我日日畀佢屌

重甜 thx

繼續留名

Lm支持

Lm

以上事件係咩年份？