我好少貼遮蓋, 因為手油嘅話通常會滲咗一啲落去個底, 唔似噴油咁遮咗就無事. 到時滲到周圍都係仲煩
通常我油細位係用面相筆, 價錢平貴嘅筆感覺都未必差好遠. 至於補色, 如果本身個底色係手油, 面色又係手油, 咁我面色出街後通常會用底色遮返. 你見個紅白花紋就係不斷互遮嘅結果.
而無論水性底色定油性底色都好, 當個底乾咗, 你可以響油出界時快速地用濕水棉花棒 (甚至玻璃水) 擦走佢, 呢啲最好響萬寧屈臣氏之類買啲尖頭嘅棒去做.
而如果個底係硝基油, 面用水性手油, 個人就仲有一個小方法, 就係等水性出界嗰啲位乾咗後, 用牙簽好輕力咁試下刮走啲油, 不過呢個就一時時有效
我都想知仲有無更多補救油出界嘅方法, 有時手震一震已經要補救