最近砌咗朋友比嘅one piece 船, 響學識上色後第一次砌非高達嘅模型.
盒嘢好少板同件, 其實比細路仔砌嘅話, 剪完件, 貼下貼紙, 應該一日砌得起.
但當我諗住全船上色嘅時候, 發覺呢啲咁簡單嘅模型先係地獄... 船身、船桿、窗、船頭都有好多好細嘅花紋同圖案, 本身學噴油無耐嘅我真係諗咗好耐點分色同噴...
最尾決定除咗噴大範圍平面之外, 啲細位全部用手油. 例如船身我係噴咗啡色, 再遮蓋噴淺啡色去, 淨係遮蓋啲曲位都花咗好多時間.. 之後啲花紋同窗之類全部手油, 但手油都唔係講笑, 例如船身個紅白花紋同啲窗真係油到嘔...
搞咗好耐, 由剪件磨件、無鏠(有啲位做唔到)、噴、手油、滲線、漬洗等等, 終於完成, 細睇有啲位油出界, 亦都有啲偷懶位, 但真係盡晒力.
最滿意其實係個海同中間啲紅白花紋, 而唔滿意就係個帆感覺同船色調少少唔夾, 但我有用帆嘅背面試下漬洗, 感覺又太殘舊...
砌完呢個可能要開始砌V2AB 或者白龍