之後發覺佢越嚟越奇怪
同佢出街食飯埋單個陣會主動拎錢出黎俾，但係各有各返到屋企之後佢就會send個Excel出黎，上面會寫住今日做左咩用左幾錢（例如一齊食飯用左150，佢就會紅色字寫住我差佢75 佢亦都因為我用咗75）記低晒全部同我一齊時用左幾錢，好似搵完我之後搭車返屋企嘅錢都會寫低
我差夠佢某個數目，佢就會喺下次食飯嘅時候同我講提我還錢
唔係我唔想即時俾返錢佢，但佢次次都好man咁一馬當先拎銀包出嚟俾錢，然後同我講：之後先計啦～ 然後收埋張單。
但係佢連condom都同我AA ，買完計返入佢嗰Excel表。
就嗰日聖誕節啦，咁佢非常之貼心上咗我屋企煮咗聖誕大餐俾我同我屋企人食，嘩 果下我覺得自己有啲想嫁俾佢，佢仲幫我哋洗埋碗之後先走，咁我就送咗佢去搭車啦。佢亦都問我好唔好食，咁我就當然非常開心答佢好食啦！
咁我之後就諗起之前同佢買嘢好似冇俾返錢佢啦。（係我哋一齊咗一個禮拜之後，佢就已經share左條Google link 俾我，叫我可以自己睇）
我一望 仆你個街！ 
嗰餐聖誕飯佢竟然要我俾返75%佢！跟住佢話我比較細食所以比70%就得啦
（計埋屋企兩老 所以四個人食）我唔係覺得佢唔好，唔想同佢分手（thx)，但真係好小氣。
