「想要正能量既入黎」有咩心事、生活有咩艱難，你起到打幾多字，我都會睇晒同詳覆

同老竇關係好差 近e幾個月返到屋企都要望下我老竇返入房未 未既就要係出面樓梯9hea hea到佢返入房為止
今個月要填房署張申報表 中學果陣時我求佢簽份通告手擺係佢面前都唔肯
到前幾日就屌哂鬼咁掉份野係我枱到 而我淨係填左入息同簽名已經算係咁 心入面一d都唔想填份野
本身諗住儲多小小錢下個月再搬 不過真係頂唔順喇 睇下e幾日搵唔搵到盤搬

一樣 我係同老母
搬咗出嚟好大壓力

成日覺得寂寞，得自己一個
好似所有人都只係利用自己，朋友揾你都係因為其他人唔得閒，永遠都有人重要過自己，就算之前有拍拖嘅時候都久唔久都覺得男朋友係咁
雖然好努力揾唔同嘅興趣去學去做，但係唔無人可以分享
明白人大左，會忙好多野要照顧，自己都一樣，但係都好想可以有一個人可以聽下我講嘢，但係無

已經出左黎做野了,我嘅興趣都係啲搵唔到食嘅野真正返工要用到嘅技能廢到癲

生活好攰，太多阻礙，好似咩決定都錯咁，咩都巧合咁錯

各位連登既兄弟姊妹們

多謝你地咁相信我呀
無諗過咁多人會留言呀
所以我需要時間去逐個回應

我留意到好多人呢排都好迷失
（其實我都係架）
其實我呢排現實都經歷緊一啲重大既變化
所以相對需要多點時間自我復原，請大家見諒

為左唔想大家失望，因為我知道大家會對我有期望，所以做啲期望管理先

起呢個post，我同你地既關係係完全無條件既：
一）我唔會因為你係男定女，有錢定窮
二）無論做既野道唔道德，感性定痴線
三）打字多與少，敵意定友善

我都承諾你地：
一）每個MSG我都會用心感受同回應
二）我會逐個逐個回應，由上至下回應
三）我唔會放棄每一位你地，一個都不能少，我只會遲到，唔會唔到

但我不能應承你地：
一）我可以短時間回覆你地，因為我都需要儲能量架
二）俾意見你地做任何決定，因為決定係屬於你既人生，我只可以起到陪住你，直到你唔需要我
三）可以令你地情緒有幫助，我只係盡我所能去從文字上接觸你地；我只能想像你發生既事，唔能夠完全明白你地係好正常的

我都希望：
一）其他路人見到都可以一齊回應呀，互相靈魂的接觸係一件美好的事
二）經常寂寞或迷失的你：大家可以預留啲一些時間整理下自己呀，照顧自己，學習享受獨處
三）自信不足的你：接納自己的不完美同學習欣賞自己

最後，多謝你將你地既心暫時交比我
讓我陪你地行一段路
可惜我相信每個人都有適當既溝通距離
所以我地既交流就只留在連登

等你地留言呀

呢排睇到好多關於唔同巴打
察覺到佢地既屋企人患上cancer
甚至一黎就末期 只能堅持活下去
呢d突然既惡耗 令我覺得世界都幾無情
呢種無奈 唔知巴打點睇

Btw巴打開解我地之餘
唔好比我地負能量影響身心

嗯，其實你遇到咩考官、當日路面同天氣情況，甚至你心理同生理狀況，的確好多運氣架！

我感受到今次唔pass帶比你既挫敗感好大呀，令你亦唔可以正面咁對待今次既結果。

因為我聽到你好重視「證明」、「努力」、「浪費」。
唔知你係咪一個好著重展現「能力」同「價值」的人呢？

唔…. 你想透過「證明」比邊個睇？
比自己睇？比別人睇？
擔心來自別人既評價？定係純粹唔抵得浪費左一番努力（或者金錢）？

我都考過好多次車呀，我只係諗：每次fail都有一個客觀既原因，如果我真係咁大意揸車真係可能造成交通意外。
當然啦，我都好沮喪因為考咁多次車真心好柒
同時又覺得晒錢

老實講
而家年青一代真係無咩大目標
物質又容易獲得 又有疫情限制左好多發展
其實無目標都得架
提唔起勁會唔會令你生活出現問題？
係咩令你開始覺得提唔起勁有唔妥？

多謝你呀
你地都可以一齊黎支持大家丫

因為世界上太多野係有條件同包袱
我想嘗試為大家提供一個無條件既支持、接納
同埋無包袱的交流

同埋我好追求同大家有靈魂的接觸
不過真係好難做到 因為我都忍唔住太理性添加

而且我能量有限
希望都可以盡我所能啦

呢排返工過得特別辛苦

可唔可以私底下搵你傾

你嘅留言好幫到我

以為自己踏出咗一步可以識到朋友
到頭來人哋都唔當你朋友
又要帶住個面具返工

樓主好溫柔睇野又睇得好全面

有時人地同我講心事我都唔知點答

其實我唔係考車
你已經多人覆到亂左
係考專業試

同人際關係唔同
關係上你控制唔到人地點諗
呢啲知識上嘅嘢
會唔抵得自己用咁多時間同錢都得同桔

發覺自己越嚟越hea
雖然生活上冇咩唔妥
心入面又會覺得咁hea好似好唔應該
個人想改變下又懶提唔起勁
惡性循環咁
覺得自己好廢