人非草木呀朋友…
放下,談何容易呢
我試過用十年時間先放下到一個人
(其實都唔敢講完全放下,仲係會回憶佢一啲既特點)
到底自己係咪真係愛對方?
如果係我,我真係寧願唔係。至少令我知道,搵過第個就得,比個希望自己,讓我知道呢個人其實唔係咁重要。
可惜時間常常出黎證明:
其實佢對我,原來真係幾重要…
至起碼,佢對我身體重要;因為我個腦經常迫我諗起佢..
返返去你到,你第一個疑問,真係why not both?
掛住佢 同 想要人陪
可以分開 又可以同時出現 然後再互相加成
失去一個人,總係經歷幾個階段(你應該都有聽過):
否定、憤怒、討價還價、沮喪、接受
https://pansci.asia/archives/120792
人會徘徊呢幾種感覺,所以你而家既狀態係可以理解
可能你仲係否定既階段,因為你不時都會比左個希望自己(定假希望?)
同埋其實你而家係療緊傷
好似一個人擦傷咁,要時間醫治
雖然你無提到你因為佢而改變左啲乜
但你對段關係既思念同掛念
睇得出佢對你係有唔細既影響
留意呢段關係,有無為你造成一些陰影
唯有拔刺,傷口才能好好癒合
否則隨時發炎
如果有心力,搵一位朋友(或輔導)重新睇一次呢段關係
除左搞清楚段關係影響,最重要係認識更多自己:
我鐘意佢啲咩?為何果啲特質對我黎講咁深刻?我係咪好需要人陪?係咩令我搞到咁容易回想以前既事?等等
把握而家既時間,處理下內在的自己?