「想要正能量既入黎」有咩心事、生活有咩艱難，你起到打幾多字，我都會睇晒同詳覆

或者你生活遇到好多艱難
抑或好迷惘、擔心、苦惱、憤怒

無論你咩年紀
事情大小 簡單定複雜
工作、感情、關係、錢財、健康、心結… 乜都可以

就算你打幾多字
我都一一感受同消化詳覆

盡量比你拎到正能量同陪伴感
試下拎唔拎到共鳴同分到能量

學習緊控制情緒 但有時都係會失敗 然後就唔開心 好似一個循環 有時個腦又會停唔到咁亂諗嘢 真係人都癲

點樣先可以留住滿足嘅感覺

滿足感覺好快就fadeout

然後就好空虛

wow 好欣賞你會有aware到「情緒」呢樣野
仲會嘗試控制

香港生活節奏咁急促 同埋咁功利
你都會有呢個意識去控制自己既情緒
已經好「脫俗」

其實已控制情緒係好唔容易
要改變情緒好難一時三刻去完成
同你分享小小知識

今晚我睇左本書
講話腦神經科學話地知：
人既情緒，同營養吸收一樣
如果你長時間習慣憤怒/埋怨
生理上 你個腦都會習慣釋出呢類既物質
亦會每天發出需要憤怒同埋怨既的訊息

所以要控制甚至要改變一路以黎既情緒常態
係要強烈動機同埋新既習慣去支持
一時的失敗同倒退係平常不過的事
要改變同成長 就係要經歷無數失敗而又繼續嘗試
因為每次失敗都可以讓我地認識多啲自己既不足

雖然唔知道你經歷過啲咩同煩惱啲咩
但感受到你想改變同對自己有要求
所以你已經好努力同埋好叻（有意識同方向地學習）了！

比啲時間自己
除左有目的咁控制情緒
都比啲空間去感受同認識下真實既自己係點樣
時間複式會在未來為你帶來回報
前題係你唔好放棄

多謝亦都期待聽多啲你既分享
繼續加油呀！

雖然你既重點係「空虛」
但羨慕你曾經「滿足」

時間成日偷走我地既感覺
所以如何留住果份感覺更顯得重要

點樣留住感覺？
每個人因為性格同習慣不同 都有唔同既答案
我諗起陳奕迅首「沙龍」
因為我都喜歡睇返舊相去為自己帶回果個時空既感覺
同埋我經常會諗下細個同朋友聚埋一齊的畫面同感覺
所以發白日夢都重要的，因為可以將自己帶回舊日滿足的片段

我唔知現實既你係一個點既人
我係一個好容易後悔的人
幻想呢啲畫面 除左帶來一時享受
亦往往為我帶來許多唏噓同遺憾

我想留住既滿足，係舊日既關係同知音（情感為主）
唔知你想留住既滿足，又係啲咩呢

同埋呢份「空虛」，又會唔會同「寂寞」又有關呢？

工作壓力大 個人burnout咗 好努力都做唔好d嘢
一個人過生活好孤獨 希望生命中有個明白我情況嘅人可以support下我

23歲仔，係地盤翻工。性格內向行為仲有啲幼稚，半個毒撚啦。人生搵唔到方向，平時又係孤獨精一個人。仲有冇可能搵女朋友？

道別呢個字可以係好沉重…
亦可以係一個富有希望既詞語

因為「道別」往往意味著「離別」
處理得好，自己能完成對方同你既心願，變得心安、無憾；
處理唔好，自己帶有遺憾，隨時難過一生…

唔知你得離別是暫時的離開還是永遠的離世
（因為最近我兩樣都經歷左）

我能讓自己做到的「好好」道別是：
由衷地向對方表達、真誠地為對方付出、知道自己在當刻時空下已經盡力、最後也獻上一番心意

希望可以過到自己、過到別人，
盡量做到放過自己、放下執念，

最後，道別其實好難完美，因為分離本身就有好多不捨，
比時間自己同大家過渡吧。

起到我都借機會同離世不久既對方講句：永遠愛你呀

靠自己入名牌大學
大學學費就攞scholarship
生活費就自己搵
屋企唔支持我去外國 成日話香港大學已經好好
有得讀你咪讀

平時會返多啲兼職 只想培養多啲興趣
接觸下個世界 唔係死讀書

但我已經唔想撐下去
屋企無人支持我 又想儲錢讀postgrad
Postgrad好少有scholarships phd除外

呢排搵工又有意外 自己玩股票又輸唔少
搬咗出嚟住 又要交租
我真係撐到好攰

宜家做每一樣野都諗緊貴唔貴 幾錢啊 生活每一樣野都係錢 自己又搵得唔多 家庭壓力大 樣樣都係支出每日都係度諗點搵多啲點搵多啲
覺得自己愈黎愈迷失

你一定捱到好辛苦
比工作搞到精神壓力大真係好唔值
但無奈起香港工作實在佔我地生活太多比例
我同你一樣都在最近因為工作好頭痕同好多煩惱

我擔心既係你會進入左惡性循環：
工作帶來壓力 =》影響你工作表現 =〉你要更努力去做野同清野 =》 唔夠休息 =〉 帶來更多壓力

聽到你既工作工作擾亂晒你既情緒 可能生活節奏都比佢打亂
如果你無知音同同輩支持 孤軍奮戰更易冧

真係要預留時間整理自己呀
我今個星期都有幾日返左十二個鐘
攰到傻
日日起身都想請SL但又約左客焗住返
我都懷疑自己Brunout左

唔緊要 我起到陪住你呀
工作事小 精神健康事大
我呢排都不斷問自己：返工追求緊啲乜？點解要咁辛苦
就諗通左

希望你返工都可以搵到當中的意義
欣賞你做到brunout都唔辭職
當中是否有堅持下去的原因同價值？
願聞其詳

你係社工？

23歲好後生姐
大把世界，男人三十歲先開始停滯（生理上）
仲要做地盤，你而家應該fit到漏油wo!

既然勞動性工作 你操大隻啲絕對對你搵女友有幫助啦
當然識女朋友最關鍵都係性格同談吐
（除非你想搵sp就只操大隻都夠照啦）

因為你慣孤獨，如果想搵女友的話，
其實當務之急係要建立識朋友同異性既方法
因為你內向，去參加啲活動你會表現成點架？

據我認知香港好多社福機構搞活動同班比你地年青人既免費活動
好容易識到唔同人 又可以免費學野
當然 但岩唔岩傾就要你既修為
但你仲有七年先三十
如果你只係想識女友 操大隻 係咁報班 練下講野
其實唔難！

其實 我覺得搵人生方向仲難過搵女
仲要而家香港搞成咁 好似無乜機會
成個社會死氣沉沉咁
所以唔係你個人問題 係社會問題啦

比啲信心自己！
大把世界啦你
大不了去考消防

已經分唔清到底係掛住佢定想要個人係身邊

好明顯未move on到，但老實講我又幾享受依家呢個狀態，但又好似kind of等緊奇蹟出現咁，好似好白痴咁

其實都半年啦，自己個人不斷地好，但同時仲會因為佢而唔開心。好似掙扎緊想搵水泡etc，但自己又唔想咁。。不過我又覺得佢都唔會再返黎，但我又未move on到，但佢已經唔會再係我身邊。

呢個感覺好矛盾、又好複雜，但我都無得可以點，唯有就係time heals

其實最緊要係輸錢
輸錢令人真係煩上加煩

你屋企人又唔係撐你同明白你 令你完全百上加斤
但你都好叻 因為自己一手一腳打天下
有志氣、有要求、有努力、有行動！

有時真係唔洗期望屋企人支持
我同你一樣 細細個屋企人叫我唔洗讀咁多書同搵政府工
我最後唔聽佢地講 反而闖到自己條路

我都對佢地無期望
全靠自己 唔好比佢地影響自己心神已經算好

我完全明白你既壓力 因為我最近都有輸錢
好彩我已經讀完postgrad唔洗煩

Postgrad scholarship唔算少
睇下你想用成績申請 定係 工作 申請

諗起你要頂晒咁多壓力真係好chur
仲要煩搵工 真係無啲硬淨都唔得呀！
諗起尼采名句：凡不能擊倒我都能使我更強壯

陪住你一齊渡過難關！
今個sem出左gpa未？

係。。
回想往往帶來許多唏噓同遺憾

呢份「空虛」，真係因為「寂寞」

做野嚟緊要考牌要溫書
識野好似點都冇人地多

人生好似冇咩目標
好多野都提唔起勁

唉，錢銀實在太實際既問題
你似是迷失，起碼目標明確

看似追求金錢同物質，其實想比到家人幸福
疫情影響經濟，我地無停工已經好幸福

但我明你，因為我都好等錢洗
我就黎想返兩份工

最緊要知道搵錢黎做咩
生活艱難
可惜起香港生活成本高
要為家人帶來幸福
首先就要搵到錢先

呢個係生活成本高既悲哀
咩都要向錢看 錢銀為自己帶黎太多壓力

真係要提自己搵錢的初心
同埋屋企人先係自己最大既資本（我都順便提埋自己）

近排 唔知點解好灰
唔想見人 唔想社交
啱啱真正開始全職工作生活 就foresee到以後二三十年嘅生活就會係返工放工覺得係香港好冇希望 但又好無力