召喚lihkg所有學神/P牌巴絲(99)

上個post
召喚lihkg所有學神/P牌巴絲(98)
- 分享自 LIHKG 討論區
https://lih.kg/itboPS

好壞師傅list (只供參考，其實師傅都係人夾人嘅啫)
https://docs.google.com/spreadsheets/d/1P3ULTCnAeMVaZBseRkVgEQCKMRTTjUfzIxwtNeA69Hk/edit?usp=sharing

Q/A
問題1）
學咩車，幾錢先叫平，幾錢先叫貴，我報邊間學校或者駕駛學院好？

答案1）
首先要搞清楚，你想學邊款車，有2大分類，自動波及棍波。2款車，私家車(1仔牌)及輕型貨車(2仔牌)(以下簡稱貨van)。

問題2）
咁學邊款最著數?

答案2）
根據運輸署規則，考貨van牌係送埋私家車牌，考棍波係送埋自動波牌，換然之，學棍波貨van最合乎經濟原則，因為考1個牌就送埋其餘3個牌比你，即是Buy 1 get 3 free。

問題3）
我手腳唔協調架，學棍波實撞車！咁自動波應該學私家車定貨Van?

答案3）
你可以選擇自動波貨van或自動波私家車，同樣地，你考自動波貨van係會送埋自動波私家車牌比你。亦有人話，其實我只要自動波私家車牌就夠，少個牌對我冇影響，咁你可以只報1個自動波私家車牌。
棍波私家車，我唔建議大家去報考，一來師傅少，二來係4款車當中係最難學識。最易學邊款車，我認為最易學一定係自動波貨van，原因有3個：

第1，泊位會比私家車容易，因為考試個泊位其實係設計比大小小既車泊，例如貨van，而且貨van有後鏡可以睇到車尾入唔入到考泊車時既黃格，呢個絕對係優勢；
第2，貨van車頭有魚眼鏡，對考車既人仕要做3手軚掉頭極有幫助；
第3，貨van兩邊側鏡可以望到既範圍係比私家車為大，車身亦較高，盲點亦都比較少，而私家車有車頭部分，新手係比較難掌握與車頭距離，相反貨van司機已經坐到全車最前部份，只係需要掌握車尾距離感，所以我會建議新手學貨van。

問題4）
考試場地係點架？

答案4）
香港考車，主要分2大區-香港島區，九龍及新界區。以上我地都比較鍾意統稱叫考街。先講下九龍及新界區，考貨van，不論自動波或棍波，有5個試場，運輸署會隨機抽1個比你，分別有天光道，忠義街，油塘，澤安，永孝街。至於私家車，不論自動波或棍波，有3個試場，運輸署亦會隨機抽1個比你，分別係培正道，石蔭，忠義街。

香港島區方面就比較簡單，只有2個考場，分別係掃桿埔只考貨van及跑馬地只考私家車。

有人會問，李健或者鏗鏘果D係點玩法，嗱，我地要搞清楚，我地統稱呢D叫駕駛學校，駕駛學校係冇私家場，佢地只係幫你排街外場，亦即係你去跟私人師傅學車一樣，駕駛學校會幫你報名考以上幾個場地，再幫你安排師傅，而佢地比較有規模，可以隨時去投訴換師傅。

至於香港駕駛學院，佢係有自己既私家場，分別位於元朗，沙田及鴨脷洲。

有人會問，咦，我住元朗喎，可唔可以報元朗駕駛學院考，但用私人師傅或者去跟駕駛學校應考架，得唔得架，答案係NO，不可以。唔好問我點解，要問就問返駕駛學院點解政府會比咗個咁古怪既條例出黎。

仲有間新觀塘駕駛學校，佢哋觀塘嘅私家場係只考乙部，丙部去翻上面個油塘考。

問題5）
邊個場最難，邊個場最易？

答案5）
只要控制好部車，冇話邊個特別容易，邊個特別難。如果真係要揀一間，鴨脷洲駕駛學院，呢個絕對係全港最易試場。但要留意返，考官每日穿梭不同考場，昨日可能係天光道，今日可能係澤安，明日可能係元朗，後日可能係沙田，鴨脷洲係全港出名最易既試場，問題係考官去到鴨脷洲，覺得條考試路線咁易，自然會將心中把尺提高返，考生想合格都要合符返一定水平。

問題6）
報名流程係點架？

答案6）
建議先去運輸署親自報名，記得要帶3個月內住址證明，報完名大約等個幾月就要考筆試，筆試只係考20條交通選擇題，需要答啱16條或以上，答啱15條既，請麻煩報名再考過。筆試內容會係報名果時，運輸署會送一本藍色（以前係黃色）小冊子比你，你亦可以自己上網搵練習，網上有大量筆試練習提供，最重要係免費，真係做到你唔想做，考完筆試，運輸署會即場隨機抽1條考試路線比你，如果你係報香港島區考，當然只會抽到掃桿埔(貨van)或者跑馬地(私家車)，如果你報既係九龍及新界區，咁就會出現抽獎情況，大獎係獎你幾個月後去上面提及既試場考路試。
要注意既係，如果你報名報九龍及新界區，萬一考路試肥佬，你又要再申請多次考路試，運輸署係會隨機再抽過新既考試場地比你，又或者你好不幸，可能會再次抽返你既傷心地再考多次。
本人親身經驗，我自己係親自去運輸署報名，考完筆試之後抽到油塘，本人覺得太遠所以轉咗去元朗駕駛學院應考，最重要既係，駕駛學院冇收我額外費用，所以我建議考生們，先自行報名考筆試，抽到既場地唔合心意，可以轉去駕駛學院。但要注意，如果我抽到油塘，想轉去澤安考喎，得唔得呀，答案係NO，不可以，你只可以缺席是次路試，等重新抽獎，注意，你只得1/5機會抽到澤安，亦有1/5機會抽到油塘喎。

問題7）
考試流程係點架？

答案7）
不論貨van或私家車，都分為乙部試及丙部試。一般都係同時間進行哂兩部份，亦有少部份既駕駛學校係分開兩部份黎考，先考好乙部試，再等幾個月後考丙部試。我個人意見係，其實乙部試都幾悶，如果考乙部試之前既練習，你只可以不停做場內動作，又唔可以出街，重重覆覆咁做，你唔厭我都覺得悶啦。

乙部試: 乙部試係考泊車，3手軚掉頭同斜路起步，只要有任何1個項目肥佬，就整個乙部試都肥佬。先講泊車，顧名思義，就係泊好架車囉。即係成功用1次機會泊入1個S位泊位或L位泊位，視乎考試場地要求。3手軚掉頭就係2條行車線，考生只用2次向前，1次向後機會，成功將部車180度掉頭，中途唔准掂兩邊石壆，千祈唔好睇輕呢個動作，呢個動作考你用手扭軚速度，用腳控制車速。最後就係斜路起步，成功將部車停係斜路，再成功係斜路起步，起步果刻唔可以溜後，溜後即肥。以上都係乙部試內容。駕駛學院就有呢到優勢，因為練習地方正正係你考試地方，只要好好地做，要合格唔太難，相對上，考街既考生就會比較麻煩，因為你練習地方未必係考試地方，有可能師傅未能提供，亦有可能場地所限。所以考駕駛學院相對上係有優勢。

丙部試: 每個考試場地都會有3-4條考試路線，考生需要自行駕駛車輛，途中考官會示意考生需要行駛既方向，考生係唔會事先知道考邊一條路線。不論考街既考生定係駕駛學院考生，都需要出街行一個圈返去，所以有人話駕駛學院係易考D，我係唔認同，因為丙部試大家都係同等條件，唯一唔同條件既只係乙部試。丙部試所涵蓋範圍非常廣泛，考官會留意考生有冇做足每個預備動作，每一個動作有冇做足同做好，例如望鏡，望盲區。首先我地細分車內環境同車外環境因數，車內環境係指你車內動作有冇做好。
例如：每次開車前有冇望鏡，軚盤運用流唔流暢，油門運用流唔流暢，離合器運用流唔流暢，腳掣運用流唔流暢，手掣有冇拉好或開車前放好，轉線有冇擰頭望，轉線前有冇打指揮燈，落雨識開水潑或大燈等等等...

以上動作，有D可以容許你犯錯一到兩次，有啲係未必容許你有一次犯錯。車外環境就比較複雜，絕大部分都唔容許有1次犯錯，例如停車時觸及前方或左右兩方行車線，行駛時觸及左右兩方行車線，影響其他駕駛者，沒有注意交通情況不論開車或行駛途中，太接近其他物體，在物體後急速扭軚駛出或物體前急速扭軚切入，不利用先行權利，不讓路予有先行權利之車輛等等...車外環境變數實在太多，怨未能盡錄。

請先睇頭 post 及 pin

by 我很忙
考車唔需要打針，淨係要安心出行同量體溫(運輸署職員提供的直線電話：2714 6164)

→電單車強制試、電單車路試：繼續考試
→其他路試：已經恢復（恢復之後考嘅考期唔會改），之前冇得考嘅等通知新期（有巴打話已經收到新考期），據經驗新期會係同一個場但未必相同時間
→筆試：6/5起恢復（呢日及之後考嘅考期唔會改），之前冇得考嘅等6/5後通知新期
→駕駛考試排期服務（新申請考試/重考快期/改期等）：6/5起恢復

→牌照相關申請（拎學/P/正式牌）：已經可以 walk in（但建議預約，唔使排咁耐）
網上預約：https://www.gov.hk/tc/residents/transport/drivinglicense/abs.htm


sources:
2022/03/29：https://www.td.gov.hk/tc/publications_and_press_releases/press_releases/transport_department/index_id_3672.html

頭 post 大家覺得有冇嘢想改/加？例如網上預約申請車牌條 link 可以加翻上去

留名

push

有冇人都係6月考天光道

留名

我10月考,6月開始學啦,希望可以1 take pass

1月考期撞岩停考日，今日終於到我pass喇yeah

Lm

後日到我考了 好緊張

想問考永孝 最後渣完條線 番入試場時
係咪就咁扭左軚做個類似u turn咁 就泊得埋入d車位到….
成日感覺形住唔只咁簡單
利申：未考過 問定先

巴打我都係後日
掃桿埔

我澤安 棍van 等你好消息
希望到時順順利利 唔好見到我係女仔就扒我頭

加油呀，唔好心急開出去。21號學車個日望住前面架棍van想轉去大埔道，點知俾架私家車cut線，嚇到吊高左極力子，死火兼溜後

收到曬今日練車行大埔道明明已經望咗鏡冇車cut入嚟 點知無啦啦有架貨車喺左邊攝咗入嚟 嚇到仆街
同埋我想問係咪多數都係考番大埔道？

就咁車頭向住個office 就得， 唔駛理地下啲格仔 亂咁擺就得，你一落車師傅就會即刻揸返走部車擺返啱位

屌咁你就仆街啦
你同佢都漏咗最重要果步！

唔知喎，我考天光道。純粹約平日練車，天光道有幾個位唔入得，所以cfu 帶我兜石硤尾同窩打老道

即係真係扭左轉入去 對面d格仔 駛入去就ＦＩＮＩＳＨ？
我成日覺得剩係靠左扭 係隊唔正入格...