百合水區再涅槃重生 - 鐘意百合請入黎吹水[7]

好勁 期待完成品

感謝捧場

同安達村完全第二個風格來
安達村幾溫馨，呢個就幾胃痛

Blue Reflection隻手機版一張圖打沉成個系列

早幾個月steam 特價買咗兩隻blue reflection 但係掂都冇掂過

原來第一集已經想整男主

睇咗Fami通訪談，如果純粹係因應時下市場需要而增設男主的話，咁就只可以講失望
但岸田講法係主創團隊有過多番爭論，亦深明會帶來既爭議，劇本亦經過反覆修改琢磨，咁我理解係創作上而唔係市場考慮而加落去，呢種創作覺悟應該尊重而唔係扼殺

百合應該要帶來解放而唔係製造壓迫，可以有同現狀唔一樣既體驗去理解世界或者與人既關係，就係思維上既解放
但如果百合既標籤係窒礙創作者諗法，進而演變成某種取消文化的話，我反而係對呢種受眾環境更加失望
反正文化工業衍生既討論環境諸多方面都令人失望，如果洪流之中注入清水係無用的話，咁我寧願抽身

原作者同編劇點諗的確冇人阻止到，而且最後成品會交啲咩嘢出嚟冇人知，岸田淨係話百合度唔會少但係冇講過唔會加BG或者後宮劇情落去，我諗淨係呢一點嘅疑慮就已經足夠令原本客群打退堂鼓。

如果個作品主題係男女同女女之間關係嘅衝突同平衡嘅百合作品嘅話我諗冇人會介意男性角色嘅存在嘅

咁我做個假設，如果佢地經過多番既討論結果係加個男主bg線入去，好似乙女game咁可能九成主體仲係乙女向（呢個case就係百合）然後一成係百合（呢個case就係bg，甚至唔係單對單）,咁你係咪又覺得應該要尊重包容？
佢地可以覺得咁樣可以更加“好”去對比出百合既好，或者單純係為左開拓市場

當然呢個只係假設

睇bl 甚少有人投訴有女角

咁BL作品嘅女角都係支持主角嘛！又唔會喧賓奪主嘅，緊係冇問題
終將成為妳嘅聖司就係將BL中嘅女角掉轉性別移植到百合番嘅例子

因為佢講明白咁加一定會引發爭議，我理解唔係食兩家茶禮，而係明知可能會兩邊唔討好，咁做唔係開拓市場，而係會縮減本身市場並且承擔好大風險，咁好難係純商業考慮

如果係創作考慮，咁創作者一定係為作品“好”而加，因為佢講男主係outsider，可能有某啲觀點表達要透過outsider帶出，如果都係女性就會削弱甚至表達唔到
咁就應該要睇佢想講咩先能夠確定男主係咪必要，有冇更“好”既處理手段，我地點評價甚至可以同作者意圖無關，但要睇到佢講咩先做到妥善既評價

有疑慮打退堂鼓冇問題，但問題係你睇佢官方twitter，百合圈內已經演變成取消文化既環境，而呢種環境會窒礙創作自由，我既疑慮係呢到

應該話bl 塊餅大好多
日美韓台咩都有
作者行錯少少觀眾可以跳船仲有大把其他選擇

問題無可否認牽涉到作者與讀者之間權力關係，無論順應市場潮流或只憑作者本心，兩種創作論皆有好作品產生，西方東方如是。
最後評價必然回歸成品本身，作為prospect theory信徒，本人理解以至同情觀眾期望落差，自己都體會過因宣傳和實際不符，或創作者自我意識過份放大而感到失望。但在此之前我會選擇保留審視作品的決定；沒有真正體驗作品，我情願閉口不談。實在不覺得作品應該因為可能不實批評而被扼殺

［多圖］用Lego 砌咗安達同島村出嚟
https://lih.kg/3210946
- 分享自 LIHKG 討論區

虹團wave 5

虹團wave 6
終於搞掂哂全部13個