爆旋陀螺 BURST ベイブレードバースト

6，有At底
7，玄武有底褲
8，紅時神有個面
9，除左蛇同朱雀冇乜吸引

其實買多隻當多舊0鐵用都唔錯

都係既 係時候更新下我認為既Ranking表

新手幫細佬買，想問下玩具反斗城連盤抵唔抵玩，佢小朋聽到朋友仔玩佢都想玩

最抵玩係收平既二手盤再買starter個啲玩
但想入盤set既話應該奇趣聖誕盤set最抵

有個盤，手柄+發射器兩Set
仲有兩隻特別色陀螺

係咪400蚊？
唔該曬咁多位巴打
我自己玩天馬個代佢依家拎左我個d 黎玩住先

公價399
奇趣好似358，唔知而家仲係咪

新個隻神三叉入左手

新手想入隻惡夢同鎮魂
邊度有貨平d

最近應該係灣仔太源街
$74同$98
不過唔係住得近都唔洗特登走過去

早幾日落太源唔見有哂鎮魂

反斗城/ 奇趣仲有冇貨

反斗城應該仲有

市面開始少左貨
可能呢排返貨量低，日本仔都唔夠玩

係時候更新下(個人認為)既Ranking表作參考
B-73 天帝武神 B
天帝武神係主角機屬攻擊型，神能力係有彈弓攻擊環可以有二段攻擊(好似係)
但RB底大部份都係輕機而且條軸太長，一斜左就加唔到速/Reboot打尿震
即使換埋擊Chip，6S，Ul底成為完美既天擊武神6S.Ul都唔算係廚機
因為佢係主角機所以都仲有B Rank咋 雖然好多版本都買齊

B-74 圓環撒旦 B-
圓環撒旦屬於防貿禦型，神力能係Roller Defense 即係靠個三個轆黎卸力
2G鐵同Frame因為係Random Booster出得太公廁，所以好易入到手
而且Lp但又係有兩個轆轆話等佢太斜果陣會磨到而調整返個狀態
但簡單黎講就係會削好多回轉力 重點係RB7有紅撒，RB9又有黃撒，不了

B-75 烈焰末日 B
烈焰末日屬於持久型，神能力係高速回轉時會展開持久翼 低速時會收返埋加防(好似係)
配件係4C.Fl，C Frame係十字型，配係聖劍到較果不錯
而出現既地方只有RB6既綠魔獸同RB7既白朱雀，Fl底話就話有個風扇葉增加持久力
其實配返第一季末日既R底仲高持久 如果使用者大力可試下配A底
因為末日三格齒都好高，可以試下轉攻擊型

B-79 吸血魔龍 S-
吸血魔龍屬於左回轉持久型，神能力係攻擊環有橡膠可以吸收對手既回轉力
仲有機會低速Burst對手，使用率極高及極公廁
8鐵係中心較輕而再將重心擺係外圍，增加離心力，而且仲可以自己配Frame
最公廁既Setting就係P.At，可於RB6既03累魔狼直接儲齊
當愈出愈多新產品時魔龍就未必係長勝將軍，好多野都可以反炒/Burst佢
雖然已經冇咁廚，但都唔怕有一隻係身

B-80 龍捲翼龍 A
龍捲翼龍屬於防禦型，神力能係有一層自由回轉既攻擊環 (同當年黑獅暴獸相約)
主要係受到對方攻擊時可以卸力，減低被Burst既機率
配4G.At，4G唔多講啦，反而At就係使用率極高既底盤
因為底部係一粒自由回轉既大波底之餘外框都有相同功能
持久力高之餘臨停仲可以『跣』多小小贏持久
At出現既地方只有RB6既翼龍，魔眼，魔狼同埋神改造Set
所以不仿抽抽，唔中都有有用既部件

B-82 幻變時神 A
幻變時神屬於平衡型，神能力係攻擊環可以轉(紅點)攻擊Mode/(藍點)平衡持久Mode
因為換左紅點會比較Fing，所以基本都係較藍點黎用
Lock都係三格高，所以使用率都唔錯，都可以對抗下魔龍
配上6M鐵Frame
黑色M Frame真係世界第一 五角型既外觀重量又唔錯(大愛使用)
T底就係可以轉攻擊或/持久型，因應你想既動態而作出變換
(我都買左幾隻要黑M之餘仲可以做下肉靶練習，因為Lock夠高)

B-85 殺戮死神 C+
殺戮死神屬似攻擊型，神力能係攻擊環有個可移動既鐮刀刃，(動畫既Double Strike！)
老老豆豆死神係漫畫版同第一季已經廚左兩代，廚到Tomy入左殿堂唔比用
所以第三代係成隻唔對稱既攻擊環，變到好撚Fing 真係不了
而且今代攻擊型好蝦人玩，頭幾下打唔撚爆就玩完了(怨氣太大 )
2V好多產品都可以入手，唔算吸引
Hn底係細粒既平橡膠底，斜Shoot可以小覆度斬盤中間(高手向底盤)
有愛就買一隻半隻啦 極唔吸引

B-86 傳說巨神 B
傳說巨神屬於平衡型，神能力係攻擊環可以轉換左右回轉，因應對手而改變方向
但點解得B?因為佢攻擊環既Lock好易斷齒 可能係第一次做左右回轉既試驗品
7鐵就係第一次出係Starter既，重量接近23g，比起其他只有21.3-5既再重小小
而且可以再加Frame，使用率都好高
配上Mr底係U底既進化版，6星型既橡膠底而正中間係尖既
Shoot中間會企中間持久，而受到攻擊因為橡膠既接觸就會暴走
不過係好高手向既底盤，控制得唔好就會自走
附送左右回轉輕便發射器，岩玩實入繩式既朋友使用

B-87 極限神鷹 S
極限神鷹屬於持久型，神能力係攻擊環直徑最大而且最圓
係盤既佔有率霸左好多，佢係冇Lock既，係會慢慢『跣』出去
去到最尾果格會有個位凸小小上黎，只要你突破到就可以打爆佢
日本大賽使用率最近九成 因為可以屈持久
配上8F，F Frame係三爪外型，其實都幾好用
有愛朋友不仿抽下，始終都係廚機

B-89 爆裂護靈 B-
爆裂護靈屬於防禦型，神能力係攻擊環被打中果陣會上昇
等人冇咁易打中你被Burst 但其實隻野就真係廢產黎
動畫角色又煩膠，5G鐵就唔多講啦
Gr底好似有頂帽咁罩住個底，但佢斜左果陣會調整狀態
但其實斜左係會削好多血

B-90 銀河宙斯 A 守衛魔犬 A-
銀河宙斯同守衛魔犬屬於持久力，宙斯神能力係攻擊環有鋼珠
高速回轉時會伸出去增加離心力，低速回轉時啲珠會收返入黎增加防禦力(好似係)
配上紅色既4M，Pl底係有兩粒移動既鋼珠增加離心力
接觸既細鋼珠係有小小自由回轉既，不過出廠個位做得比較一般
唔撚知點解大力Shoot就會Fing 如果大力的話可以又配A底
用把杖大大力Ban鳩人
魔犬神能力..不明 話就話有啲膠卸力
但大力Shoot又唔會伸出黎，做乜鳩
不過攻擊環個Lock唔高但有時配底盤會粘粘地，配Y.R打神鷹/魔龍都唔錯(唔散果陣)
而且值錢只係149蚊有三隻，圍返都算抵

B-92 凱旋聖劍 A
凱旋聖劍係屬於攻擊型，神能力係有一把金屬既劍係攻擊環到
重量有一定之餘攻擊力仲好高，比起第一季今次個面已經叫對稱左好多
攻陷無限對戰盤既好幫手，1鐵係集中一點重量，比你一野Fing爆對手
Ir底係金屬平底，有一定重量之餘仲有唔錯既移動力
但聖劍配上2C鐵，就可以呈現成隻都係一點集中攻擊

B-95 隱密獅王 B-
隱密獅王係屬於平衡型，神能力係攻擊環高轉時會伸爪出黎增加攻擊力
低轉時會縮返埋增加防禦力，不過個Lock好撚低好易比人Burst
5S鐵係第一次出現，S Frame係星星型，使用率都高而且比較平均
Tw底係高轉時條軸會短，低轉時會伸返出 冇咁易比人打中
但事實係好易比人打爆之餘個Tw底好易爆扣
某程度上係中看不中用既Rare，但RB8入面仲有紅時神/黑青龍/黃白虎
配件都唔錯 可以抽下既...

B-97 惡夢聖槍 A+
惡夢聖槍係屬於攻擊型，神能力係隨住攻擊環個Lock一路郁
去到最尾果格就會最高攻(好似係)，攻擊環同鐵係一體化
而且直徑同神鷹有得得鬥 佔有率大
加上Ds底係平底之餘側邊仲有個(兜)?令佢歪左都可以調整狀態，繼續進攻
Frame係需要另外再配 雖然重量比起舊槍爭小小
但係佢射人龍門既能力都幾強

B-98 神改造Set 入手價值都有A+既
公價299蚊有巴哈，混沌，翼龍同魔龍
有At，B Frame，Br底，而且有翼龍同魔龍面都吸引
仲有S/M Frame 大部份都係實用既配件
新玩既朋友可以直接切手一套先

B-100 鎮魂巨神 SS
唔洗講啦，平衡型廚機，集合所有神能力既攻擊環(含左右回轉)
左右回轉能力，金屬God Chip同埋橡膠吸收，而且又夠重 (已成Main機)
0鐵又係暫時最重既鐵，約24g Zt底叫做係T底既加強版啦
有半圓既防禦型，平底攻擊型，同凸出一點既持久型
因應對手而作出調整
日本最公廁既Setting就係0B.Br左轉，等人打唔爆佢 當然我搵到方法贏
再附有一個左右回轉既長繩版輕便發射器

B-101 重擊蛇神 S
重擊蛇神屬於攻擊型．神能力係隨住扣Lock而凸出蛇頭蛇尾增加攻擊型
配上7U，Under Frame係低重心四爪，攻擊力唔錯
加上Hn底可以小覆度斬擊，好易打爆對手 (Main機二號)
RB9內仲有朱雀F，的確係吸引
不過內有伏撒旦同風神，炒左就真係不了

B-102 雙極女神 S
雙極女神屬於攻擊型，神能力係攻擊環有可調整模型既大槌，上昇Mode同扣殺Mode
配上新規部件3H，H Frame係一點凸出增加攻擊力，有人鍾意用係聖劍到都唔錯
重點係Ul，因為Ul之前係要日本買夠5期CoCo再寄信應募換個底返黎
而家就可以平價入手 不過小心有好多Hand機底
情況同RB底一樣初段小覆度移動，後半收起條軸再加速打爆對手
但Hand機底就會一直伸左條軸出黎直到停為止 或者打尿震

B-103 螺旋三叉 A-
螺旋三叉屬於持久型，神能力係攻擊環連接住橡膠
受到攻擊時會令對手既攻擊而增加自己回轉力
配上8B環，B Frame今次仲要係實色黑色
Wd底係一碌金屬大柱型既尖底 誠意爭小小
不過都算係比大家平價入手到扭蛋版既攻擊環

終於都打完咁撚長既文 希望新入坑既巴打唔好嫌煩膠岩睇啦
當然大家都可以睇我Youtube Channle SIUBIN88
雖然好唔專業但都希望比到資訊大家
Thanks
一個熱愛陀螺既廢青上

將軍澳區邊度最就腳買陀螺？

油塘奇趣

今日行過都冇哂鎮魂lu

海港城玩具反斗城有，岩岩買左隻

多謝師兄報料

紅愁巴點睇新一代超z

https://m.youtube.com/watch?v=ysU9xqAdVZ4

補link 不過其實得圖