連登攝影交流區

第一張重點係個人同條路，不過粒人有啲痴底
第二張無咩特別
第三張係最好嘅，個天拎多少少會無咁壓迫

至於顏色係好主觀，一般冷暖色撞得太勁或者飽和度太高就會變屎色
建議天空同地景分開layer調色

第三張原本係咁的 但原本想大家Focus多啲個山 所以crop到冇咁多嗰天 原來唔搞咁多嘢反而好啲 thx師兄

原本好好多 無咗壓迫感 仲有海做襯托

我覺得有壓迫感可能係好事 個山勢要咁先可以突出到

可能係嗰排我啲心情比較down 好大挫敗感同埋好壓抑 嗰陣時影嘅好多相都係crop咗個天
另一方面係想山有啲氣勢 所以少左天同海去分散注意

同埋下面城市唔係夜晚發光所以爭啲 反而你chop左只得山景會好好多 全景反而變左兩頭唔到岸 當然你一心想影全景另計啦

呢方面嘅問題我大致清楚晒 多謝師兄另外調色方面我想知道有冇太大嘅問題 例如睇到好唔舒服咁 等我下次可以改進下

要睇你想貼近真實定係surreal
唔同元素都有大家接受既顏色，
例如草/樹葉由黃色到綠色都係合理，但藍色就會奇怪
星空冷色可以偏紫偏藍，暖可以偏黃，但紅色綠色就會奇怪
當你郁到其中一種元素既色顏，其他元素就要相對配合去襯托，同埋營造氣氛
例如你彎曲山果張，個人意見日落時份，光線可以再偏向橙啲，構圖上可以再精簡啲，城市景色加埋山景之後對眼唔知望邊。
可以參考下其他人構圖，衣個位都幾多人影過

收到師兄 其實上次都係意義上ge location scouting 下個禮拜天氣好嗰陣準備再戰一次 試下stay到日落買左先走 構圖方面打算用d曲路引領視角觀察個山勢 希望可以成功

唔好聽啲人亂UP啦, 原本個CROP已經好好, 重點曝光係條山徑光影, 全圖只係右下塊地吉左少少, 但係個位放埋字放埋LOGO上去其實就FIT哂. 完全可用.

原本相全圖重心係座山, 但座山冇乜可睇既細節比較弱, 如果要用, 我會P啲薄雲上去座山, 氣勢多啲, 再修飾啲光, 前景用來放字.

好似咁


色彩自己以張相用途去決定呈現既氣氛, 用來呈現咩野就調咩色 唔好聽人亂UP啲咩點點點先係正常 咩野點點點先係最好.

攝影係呈現你自己, 唔係為左討好多數人, 如果為左LIKE而影, 咁就太隨波了.

恭喜入左50強

笑乜鳩

十幾年前影既相
細個拎住部相機周圍走好開心

而家冇再玩了？

衣張啲色幾靚

但係好似冇乜睇頭同埋重點要睇

岩岩出左部xt5
依家係瑞士

帶咗咩鏡

16-80 f4同56 f1.2

座山本身個光線同層次係好睇嘅！而有冇壓迫感，個海係咪可以做到襯托，都好主觀嘅姐。我都可以話：個海令主題分散，令我唔知你想要山定海，多左個海都浪費左你嘅引導線。都係各花入各眼，聽下就算。