GBA pokemon究極綠寶石改版討論(4) And/iOS/PC/Web玩到

投羽唔要 後其無力

去溫泉個市纜車隔離山洞，用怪力推石，往下走就有一粒。

終於過到困難千里

隊伍參考：
鯉魚龍(自信過度，攀瀑同龍舞必要，帶水之寶石)
摔角鷹人(羽毛舞，飛身重壓必要)
烈箭鷹(飛行先制+1，雜技，飛行寶石)
拍擋比卡超(靜電特性，要十萬伏特同電磁波)
斗笠菇(技師，音速拳同寄生種子)
泥偶巨人(岩石封閉)

打法係先發拍擋比卡超十萬伏特秒咗隻大王燕，殘血同電磁波/靜電麻痺mega 袋獸，出泥偶巨人(岩石封閉減速兩下)，死後轉鯉魚龍龍舞兩次，然後一下攀瀑推死袋獸同愛管侍，之後打直衝熊會死(唔知點解佢隻嘢無先制神速仲可以快過我)。換斗笠菇寄生種子加音速拳拖死直衝熊(精神場地下先制招雙方都無效，真係鬥高防)，最後對懶人翁仲有命就音速拳偷一下(場地啱啱好完)。之後佢休息時出摔角鷹人出飛身重壓，因為無道具會快過佢可以打多一下。最後出烈箭鷹雜技收頭，一下唔得兩下。

完～

唔洗交通寵
用過一次之後就識自動用唔洗帶著
（除左閃光）

二周目流星瀑布打完大悟之後，第一次去究極之洞，傳送左去唔知咩島
上網睇攻略話向左上遊過三個島就會到華藍洞穴

我遊完去到最左上個島有個山洞 入邊最深處係一隻水箭龜boss，好似捉唔到的，打死左，但之後就冇路行？

點去嗰個咩華藍洞穴

巴打一周目點進小智蛙？

上網睇學咗潮漩就可以過到，但去到呢個位好似無咩反應咁嘅

全部除左鯉魚龍我都冇，
又要捉過練過
雖然我係普通難度

一週除左金手指/修改器
無可能進到小智蛙
佢應該指一開始揀個隻水蛙

鯉魚龍喺呢隻game 係神獸級，加速性格下龍舞兩下可以憑自信過剩推道館隊，廿幾Lv就配埋攀瀑畀你。
送嘅拍擋比卡超可以開光牆又可以麻痺減慢對手，又係可以用到尾。

御三家好多時候真係拎嚟擋多個強攻。諗著用噴火龍(以為得初代揀，早知揀火喵或者加速火雞)好快有XY mega方便打 ，點知去到飛行道館先有得用，去到打火道館後已經放棄，唔係生蛋再升隻夢特日照，用落根本無用(尤其是個陣因為鯉魚龍編向玩雨隊)。

目前打到飛行道館(贏咗門口條屈個體賤人)

隊伍係

鯉魚龍(mega 石)
謎擬Q(升緊，可能會做鬼火干擾同命炸彈，咁啱有隻固執31速，試咗舞劍影襲嬉鬧先)
拍擋比卡超(光牆電磁波)
烈箭鷹(飛行寶石+雜技)

其他可能入隊嘅有：
滾動岩：(結實大爆炸、擊落、隱形岩)
流氓鱷：(威嚇，岩石封)
摔角鷹人：(輕裝，羽毛舞，玩干擾)
吞食獸：(打嗝，訓佢全家，或者開劇毒打鋼鳥之外)
巨鉗螳螂：(舞劍，技師子彈拳)
懸浮磁怪：(結實，電磁炮)
泥偶巨人：(防格同普技，岩封減速)

我估對面應該有
鋼鳥/鋼鴉(結實放釘吼叫破強化)
電飛鼠(剋鯉魚龍)/毬子綿(減速，能源球，反剋岩地系)
姆克鷹(命玉捨身形打岩普鋼)
大王燕(莾撞自殺炸彈)/命玉烈箭鷹(先制勇鳥推隊)
Mega七夕青鳥(龍飛，需要冰或者妖技)
大嘴鷗(落雨開順風，羽棲盾)

鯉魚龍如果係威嚇特性係咪要捉過
仲有可唔可以話比我聽d寵係邊到捉，
我而家就係準備要打千里個道館
洗唔洗刷特性同性格

鯉魚龍 特性用威嚇都得，但要鎖死性格係加速減特攻，拼多啲機會龍舞多幾下，穩定一換二。自信過度係玻璃大炮型，偷到兩下龍舞嘅話好彩可以一串三，各有各好。

摔角鷹人喺流星瀑布往岩道館嗰邊堆草度，性格加物攻，唔好減速就ok，個體值暫時唔使理

烈箭鷹喺火山灰條路同橙華森林都有，要捉隱藏特性，進到最後先有飛行先制+1

拍擋比卡超(靜電特性，要十萬伏特同電磁波)，無就捉加速性格嘅電氣鼠(電飛鼠同咚咚鼠喺單車徑下邊有得捉)，用專有麻痺攻加電寶珠扣佢血。

斗笠菇(技師，音速拳同寄生種子)
最難搵，橙華森林1%捉到就搵同場1%寶貝球菇拎去生仔，生隻性格爽朗，特性飛毛腿出嚟。後期可以畀對面體驗咩叫慢速無人權。配招寄生種子、音速拳、頭錘、種子炸彈/種子機關槍。有蘑菇孢子就係你出頭天。

泥偶巨人未進化可以喺沙漠塔1、2樓搵到，唔好搵笨拙特性，最好係增強拳系攻擊嘅特性。用S/L大法實測過搵加物防性格，可以擋到千里懶惰王一招影爪。

想問有咩道具要拎同邊到拎/買
同埋點樣可以刷錢，驚買精靈球都買到破產
呢隻game真係痴線，每過一個道館就要練過捉過d寵

請問下路卡利歐邊度捉？上網睇攻略 好似搵唔到

想搵神獸喺邊到捉 google搵d攻略好似都係前幾個版本

道具喺海洋博物館隔離市集買，刷錢用喵喵怪眾寶功+刷錢薰香(一樣都係喺海洋博物館隔離市集)

消耗品道具記得臨打道館時先裝，困難打道館時屬性寶珠(屬性攻擊1.5倍，一場只得一次)同樹果打完都唔會唔見，平時唔小心好易消耗咗。

我玩法係會搵一至兩隻隊伍主力：例如鯉魚龍、烈咬陸鯊、烈箭鷹、耿鬼、暴飛龍之類技能速度快、攻擊面廣，有勁強化技同抗性好嘅寵。

配一隻高速開場干擾：例如拍擋比卡超(靜電特性，配十萬伏特同電磁波)、巨翅鷗(落雨特性加順風，配熱水+急速折返)、長毛巨魔/風妖精(惡作劇之心先制變化技)、火焰雞/鐵面忍者(加速保護+接力)。

再搭一隻肉盾：滾動岩/巨電磁怪(結實，大爆炸)、吞食獸(打嗝、吞食升防)、鋼鐵鳥(隱形岩、羽棲、劇毒)、沼王(無視強化特性，自我再生)、鐵甲犀牛(搏一擊必殺)、卡比獸(貪吃鬼食樹果，保護+回收)之類。

平時行街就帶隻技師聚寶攻喵喵怪刷錢、刀背打螳螂捉有興趣玩嘅怪。打道館挑戰時睇對面隊同情況，按可以入手嘅怪，加上自己喜好同玩法，去補打擊同抗性面。

喵喵怪邊到捉，眾寶功幾lv學
仲有拍檔比超點進化做比卡超

千里道館左手條道路啲草會有，大概2x lv，未進化之前都有。

火道館醫院小金送嗰隻進唔到，係要一入橙華森林，大木博士問你中意藍定紅，揀拍擋伊布定拍擋比卡超。揀咗伊布應該無咗拍擋比卡超。不過拍擋伊布可以喺飛行道館上邊學多好多招強化屬性專門技。真係要嘅去岩道館下邊，生果店上邊草叢捉返隻有電珠嘅靜電比超頂住，或者改用咚咚鼠/電飛鼠

玩左50 個鐘 MVP 牙牙用斷頭台
但之後無左存檔, 可以點搞

烈箭鷹隱藏特性係咪疾風之翼
thx

去大吾島有無得傳送過去?
下下要行個山洞好on9

仲有捉鯉魚王係膽怯特性，進化左係咪就係自信過度特性？
thx

係

劍舞，流星群（龍系大絕），冷凍光束邊度可以執/學？

困難版飛行道館今次少有地一take pass，比想像中易，對手核心mega七夕青鳥攻防速都唔高，預計嘅隱形岩戰術未出齊就被我推隊。我之後load返一次試下唔用大爆炸，用謎擬Q睇下秒唔秒到隻mega七夕青鳥。

對手陣容
烈箭雀 (勇鳥同火衝)
鋼鎧鴉 (鋼翼？)
天蠍王 (出劇毒+毒珠毒療)
七夕青鳥(mega)
波克基斯 (空氣砍)

自己陣容
拍擋比卡超(十萬伏特換咗上邊學嘅電招，必定先制加命中要害，特性一樣係靜電)
滾動岩(岩石爆破+地震(無用)+隱形岩+大爆炸)
鯉魚龍mega（老規矩，龍舞攀瀑)
烈戰鷹(老規矩，飛行寶石配雜技，特性飛行先制+1，另外一招係順風）
謎擬Q(鬼襲+嬉鬧+鬼火+劈開)
流氓鱷(特性威嚇鬼面+咬碎+地震(無用))

比卡超先發新電招，兩下可以殺死對手烈箭雀，對面應該無點速點物攻，雙方同先制度我出技先，殘血開光牆，或者直接用新電招扣大半，對面招技唔算太痛。

比卡超死就出到鯉魚龍，mega 進化後龍舞兩次出攀瀑打死鋼鎧鴉，天蠍王見我哋有強化會吼叫，但我哋快過佢可以先打到佢紅血，或者直接秒。

出滾動岩，佢出劇毒，我哋出岩石爆破就可以秒返佢。佢跟著會出七夕青鳥(mega)，我哋直接大爆炸，炸到佢紅血。

謎擬Q畫皮擋一下出嬉鬧收佢隻七夕青鳥皮，佢會出波克基斯，空氣砍打都打唔死我哋，出鬼火燒佢，然後直接換烈戰鷹上場順風，只要無畏懼，之後我哋就可以用雜技秒返佢。

流氓鱷今次齋企，連換出嚟減攻減速都無。下一場係打雙子，當升定先。另外想問有無人知急速折返(蟲返/U-turn)，同舞劍邊度學？