蜀國五虎將勁定魏五子良將勁

人地實際佔領左都唔算食得落
連張昭呢d輔弼老臣都想主和，孫權想戰既話同劉備合作以外力統合內部只係正常操作，比你講到係孫權義助劉備
到赤壁戰後，孫權攻南郡如果順利既話擁荊州之腹心仲有進攻益州既踏板，咁個時劉備發展都好被動。孫權自己執行高投入高回報既投資搞到唔上唔落，就話人地既投資機會係佢讓出黎要分紅，你覺得咁樣算咩道理

如果孫權同你劉備爭荊州甚至乎爭益州 而唔係畀你劉備去搵落腳地嘅話本身咁嘅善意好難得 連登囝比起劉備更唔珍惜 劉備多少都知自己理虧 主動割湘水為界 至少冇連登仔咁大義凜然



至於正常操作 唔係義助劉備
哈哈哈哈哈哈哈

曹公聞權以土地業備，方作書，落筆於地。

連登囝比曹操仲厲害了

望住攻略都打唔到困難

壽春之戰揀困難，d敵人多到on9
自己人就得個幾個

根本就係當故仔睇
入面啲內容我睇三國演義完全無提過
(或者可能提幾句)
通常都係劉備曹操果段寫得多啲
所以隻game完全補完哂三國末年既事

邊場，趙統變身果場? 爆過一次game之後有經驗， 第2次玩就直接玩困難都贏到

sor原來係96萬字
同埋作者對歷史同文學嘅理解都好深，真係神作
https://game.udn.com/game/story/10454/3089612

孝廉同九品中正制初初目的都係由下而上嘅選拔人才方式
只係孝廉敗壞（俾世家壟斷）
所謂「舉秀才，不知書。舉孝廉，父別居。」

所以先有月旦風評演變嘅九品中正制
但當九品中正制officially 確立，其實亦都漸被世家壟斷

簡單黎講，兩者唔係方向相反，只係一者敗壞被令一者取代，然而實行不久亦繼而敗壞

例如去到隋唐再有科舉制又再次打破九品中正嘅壟斷

Btw 中國歷史所有選拔制度嘅演變大致都係
最初由下而上嘅選人方式 然後貪腐敗壞 再被新形式取代
所以方向都係一致

係，我方得趙統，趙廣，諸葛果果場，
有甘寧支援，但係我玩個時應該唔夠回合數清哂敵人
結果玩哂普通難度先過到
之後玩到bug左就冇玩
之前爆過一次機，係舊版本
而家bug左呢個係有新寶物個個版本

同意 如果孫權自量下 應該一開始就唔打赤壁直接投降 咁唔使等晉朝先統一

九品中正制目的就係令選舉畀世家壟斷 係世家形成經學+軍事經濟複合體下 政治聯盟嘅產物
跟住又有人入嚟論證一套原意人才敗壞唔敗壞
都真係幾好笑
仲察舉 九品中正 科舉相迭並進 一個敗壞令另一個興起
唔識嘅喺度強行扮識

九品中正制同香港普選一鳩樣都係得個樣

有幾樣野補充
之所以會有九品中正去慢慢取代察舉，史書其實比左1個原因，係實務方面，漢末士人離散，原本果種鄉論已經唔work，所以要任用中正方便典選，呢個係典選制度執行面上既問題
其次係曹氏中央集權需要，我認同你講察舉比世家慢慢壟斷，但我認為呢個唔係曹魏增設九品中正制既原因，個重點在於呢種壟斷唔係官方途徑既。如果睇翻曹操去到曹睿既政治，好明顯見到佢地到好唔鍾意鄉議朋黨。曹操自然唔洗講，曹睿亦發動浮華案罷黜浮華交會既子弟。由呢幾個例子可以睇出，曹氏三代對於鄉議果種方法一定係排斥既，因為鄉議其實就係士人互相品題交遊，甚至變成結朋黨，然後擾亂政府用人之柄。去設立九品中正制就係將呢種私底下既議論權力收到政府手中，世家大族要品評可以，去玩九品中正制呢個制度就得，但點都唔可以比一班人私底下傾。
當然九品中正制設立既原意/目的係唔係比世家壟斷政治其實係有待商榷，只因為九品中正制後來成為士族壟斷政治既方法，唔代表佢設立既原意就係比士族壟斷政治。

我就好結果論既
赤壁局住打 唔打死硬 最後又贏
殺左關羽都淨係攬住個荊州 又殺唔番上去
冇撚用

劉備又係 死左個細佬痴左線
傾全國之力打東吳 最後仲激撚死埋自己

你個套邏輯同黑社會收保護費有咩分別
我唔搞你係有好處所以你係欠我人情，而家兩邊都有對曹操發動功勢，孫權得到南郡個陣劉備都無話孫權攻南郡個陣我唔拖你後腿，所以孫權得南郡都係有劉備既"善意"
呂布反面趁劉備係廣陵個陣反面偷襲，都係劉備因勢主動向呂布求和。唔睇前因後果既話一定係劉備理虧

你睇魯肅傳可唔可以睇埋上一句
惟肅勸權借之，共拒曹公。，連魯肅本傳都講明係拉埋劉備分擔火力，曹操失態既原因係接壤敵人一個變兩個。孫權利益計算用南郡拉劉備落水兩邊各有所得何義之有

赤壁已經有晒前人例子 魯肅都講明 孫權投降嘅話會做到大官 唔係死硬 反而係自己野心實現唔到

如果只睇結果論諸葛亮一樣五度北伐冇收獲

三角鼎立就係三位野心家角逐
根本冇得話天下原本係劉備定曹操
孫權呢一部都係為孫爭天下既一步
行得柒定靚見仁見智

如果話決定蜀漢冇得再爭天下 我覺得係你講既夷陵之戰影響仲大 呢場令到蜀國後生果批士兵到武將一次過送哂俾人

自己野心 係 指孫權野心*

南郡同三郡邊有得比
長沙零陵桂陽到今日都係唔開化嘅地方 ：省港旗兵就係呢度落嚟
明清都收唔到税 何況漢朝
估計劉備仲要貼錢落去同沿江由楚國開發咗咁耐嘅南郡比 玩咩

就係因為佢痴Q咗線先令三國咁好睇

同曹操放劉備放關羽一樣

就係呢D痴Q咗線行為先令三國有別於其他時代

所以李世民都屌曹操唔係君主之才

比著佢劉關一早死咗

上層最容易係新規則下搵機會同創造潛規則獲利
但唔等於新規則原意係為服務上層而設
係選官上宋朝既科舉係想向下層開放，但係蔭官參與科舉既限制越黎越小到最後出現數代進士甚至為相既家族，唔通又會話宋朝科舉原意係向官宦世家妥協......

其實你既論點都唔新鮮，士人鄉議品評係東漢末年已經好有影響力。
許劭品評曹操"亂世之奸雄"甚至可以用作數臭孫權既武器
我都唔知點解你會俾人笑到好無知

一伐入面會搵佢引誘曹真大軍
最後撤退果陣又係陣容完整
佢唔識行軍打仗?

你講到南郡完勝荊南，咁樣孫權自己打南郡俾劉備去打荊南咪即係好野自然要豬頭骨俾隊友，咁你仲覺得孫權係賣人情俾劉備

孫權而家覺得懷璧其罪先將南郡借俾劉備
而且荊南既口數係多於南郡....

月旦風評果啲最初原意唔係
所以可以取仕

科舉本身就係唔入流嘅出身
三十老明經，五十少進士
係皇帝成功鏟除士族 唐宋迭代連番洗牌下士族幾乎玩完 科舉先真係實行過
好心唔好咁國家中心主義啦
恩蔭畀你講到為上層服務而設
事實上就係皇帝唔用恩蔭作為科舉架空咗一切制度嘅補償 根本統治唔到落去 唔通真係靠你哋操past paper咩
正常封建國家有世襲貴族騎士與國同休 榮辱與共 你對宋制嘅幻想堪比共產主義者 秦始皇最好