召喚lihkg商用車學神 (20)

永基路橋面
日日都大把人泊慢線

咁真係要習慣下我嗰個方法 練多幾獲應該會抓到竅門嘅

葵福路對面咪有爛地場囉

我又係學僅MAN拖頭. 師傅個陣咁講: 夠時間收慢就2波停, 唔得就3波, 4波停車一定肥硬

ching你幾時考？
呢度好似好多人都揀man拖頭學

難得有歐洲車, 仲要幾細架, 駕駛室又冇Hino/Isuzu咁高. 加上之前柴巴又係學Man, 個極力子軟硬幾啱我(可能有人會覺得硬), 18 Isuzu 極力子我覺得太輕同埋行程太多.
仲有就係Man堂軚我揸得就手啲同好攞啲.
總結: 歐洲車人體工學好過日本車

個極力子我覺得只係軟過hino少少，真係得少少咁多
18 isuzu軟硬同hiace差唔多？man個避震其實幾正

其實孖擔係好啲，倒後泊位走得無咁快

正路唔係個人坐高d睇位會好睇d咩
利申之前荃灣考巴士都係渣棍Man 我就係你講覺得腳制硬嘅人 不過都係渣多幾次就會慣～
同埋無可否認佢避震係唔錯嘅 無論渣定坐都舒服
正話呢個月用JAC考到中型之後就更加有呢個感覺 JAC個避震真係廢到


黎緊我考貨櫃應該都會學isuzu架啦 就即管睇下部38噸頭渣起上黎咩感覺

座位高睇遠野係方便, 但缺點就係盲點都會大咗唔少. 愉翠苑附近啲路口好怕望唔清有冇啲仆街走出馬路, 同埋啲外賣電單車鬼鼠涉出黎. 一係俾考官踩停, 一係就炒埋落其他人/車到.

其實Benz同Scania都有出低駕駛室版本, 只係香港少見. 元駕部Benz好似都係低駕駛室.

咁唯有要瘋狂望鏡同睇左右了 貨櫃都冇試過渣isuzu會後悔
元朗Benz嗰度係咪以前馬師傅用嗰部 我見好運個網架貨櫃係Benz低地台版

btw有冇師兄學拖頭係跟余師傅？有冇咩評價淨係知道佢架車條ling唔同其他isuzu嘅車

ching報名未？可能頭幾腳迫力chok到你同師傅飛起

不過就算chok都應該唔會chok得勁過重型，一來拖住條架都叫有負重幫你抵消咗d剎車力，二來聽我以前師傅講孖頭擔嘅車嘅迫力特別應，佢話就算同一款車型都好，30噸車嘅迫力應過24噸車唔少，有冇ching知係咪真係咁