冇可能齋轉軚可以打到斜8 直頭違反物理定律
轉彎有離心力 8字一樣道理 你軚盤扭得愈勁 離心力愈勁 技巧上 有兩種抵消方法 一 車訓人唔訓 二 人車齊訓
情況一 需要壓得比較低部車 情況二 唔需張太壓車 無論一定二都需要練好平衡感 關鍵在於腿夾油缸同視線運用 利用兩腿黎平衡 利用視線黎轉向 事實上 視線係無助轉向 真正幫你轉向既原因係視線運用之後你腰肩既順勢扭動而產生轉向。
以上只係講緊平8 斜8有兩part 上8同下8
上8字係右轉 離心力會因為斜路而抵消左一部份 所以上8係比較易轉彎 但同時上8係最狹窄 所以都要練熟
而下8較闊 但明顯係比較難轉彎得多 因為左轉需要用技巧抵消離心力同斜度 故此需要練訓車 練得好可以好似上8咁打到好細 但冇必要當然練到就最好 細8都打到 大8更加無難道