［26］考緊26？你問我答 （32）

大家揸車盡力而為，唔好夾硬

點解會咁

唔好用咁重頭迫力 當你收到慢到人行嘅時候 早d 𢲡極力子 踩落1波 伸埋隻左腳出嚟 由於部車已經冇動力 用多少少尾迫力加輕輕用頭迫力 就好夠煞停 停定扭少少左

斷咗?

可能唔識踩腳制揸緊個頭brake嗰陣唔小心扭左油

應該未慣操作
拉住極力子時就俾大油

地下濕濕哋
連水馬都撞爆埋？

慘

大家好，好耐冇見（其實都無人識我）。小弟平復左心情幾個月，總算夠膽再入呢個post。

話說我剛剛9月底考強制，但結果衰左。一路以來練習，唔敢話好完美，但起碼夠合格。而且考試果朝再練習時手車非常暢順，自己都好有信心，tg group 啲師兄師姐話掂硬啦，學牌準備。

到我考試時，心情係緊張，但都同自己講當練習就得，幾分鐘好快就過。第一個test 開停車 easy job 無難度，深呼吸一下就開始左轉。當轉完圈預備停入格仔時，突然feel 到部車想傾右，我立即盡力救車，成個身挨左，堂軚好似想俾我拉斷。但部車繼續傾右，愈來愈右，最後「嘭」一聲 - 跌車。

我無跟住部車跌，但成個人呆左企係度，耳仔好勁耳鳴，個腦諗緊係咪發緊夢？考官嗌咪嗌左兩三次 同學有無受傷？我先知原來唔係發夢。我好似平時跌車咁抬起部車，慢慢推去出口。其他師兄識趣讓開，我停好部車企埋一邊等其他人考完。

我一路等一路問自己咩事？我每次練習失敗只係撞雪糕筒，死火等等，一次都未試過咁樣衰法，但偏偏考試時就衰到咁。果輪考試好似次得兩個人衰，果刻覺得自己好瘀正垃圾。

考完試到返到屋企我都唔敢睇訊息，唔敢話俾人知衰左。直到夜晚都係眼光光，唔敢相信係事實。第二日見佢地講其他話題我先敢入去睇，但仍然唔敢出聲，驚俾人問考成點。

下個月第二次考強制，最近練左兩次都正常發揮。但經過今次打擊我已經唔夠膽講掂硬，只係諗點再做好啲。而家每次練習前，我都重温一次當時心情 諗返自己點樣失敗，唔憤氣，諗諗下差啲叫出黎。同自己講唔想再經歷一次就要做好啲，強制都咁，路試咪食得屎？

廢話講完，只係想祝其他巴絲打強制/路試都順利，失敗嘅滋味睇我段野就夠，唔駛自己去試。

強制場都可以撞到錦

我估係掛我都係看圖說故事

點解會咁傷

睇唔到

我就第一次強制前自己練都無一次成功，所以無去考

跟住一排就半年後，我早三個月，每個禮拜練一次，到考前個個禮拜就晚晚都去練

我好清楚，其實諗咩都無用，維一可以做既就係不停課金不停練，練到跟本係個場到，同係自己屋企一樣，個感覺都習慣晒既時候就唔會怕

但真係洗好多錢

返到屋企先睇到

失手梗有 我考之前自己練 試十次都會有一次失手落右腳 考個陣緊張會打個7折 所以都係靠練熟 練到身體記憶 停車前慢慢減速 轉彎時手放上極力子隨時騎馬一拉防死車 一波上二波要快 練熟轉波速度 轉波轉得快係好著數 1波轉彎先黎上二波都得但要過彎定油唔好收否則chok 我練個陣既方法同考個陣時係唔一樣 我考個陣全程手放上極力子防失憶唔記得拉 轉彎依靠軑盤 呢兩點係會比人剔離合器同軑盤控制不當 但so what 咪由佢剔 剔左我照pass 我係明知故犯咁pass 考試最緊要係pass 唔洗做到咁perfect 過左海就神仙

教人轉彎𢲡極力子咁玩命

笑撚左